إجابة علي السؤال: هل هناك طرق أو بودكاست يمكن أن تساعد في هداية ابنى للصلاة والتقرب من الله؟

السلام عليكم ورحمه الله وبركاته طيب حضرتك والدته تقدري تستخدمي معاه طريقه المشاركه تعال صلي معايا الظهر انا مش هاصلي الا لما هتصلي انا عايزه اكسب ثواب الجماعه فانا عايزك أنت اللي تصلي انا بحب اسمع صوتك في قراءه القران فتعالى صلي بيا الصلاه دي عشان جهريه وهكذا يعني دي ممكن تكون واحده من الطرق الطريقه الثانيه ان انا ممكن لو الشخص ده دائما بيحب يكون قدوه والجزئيه دي عنده مهمه فانا ممكن اقول له انا معتمده عليك عشان تعلم الولد الصغير ده مثلا الصلاه وتشجعه عليه فدي ممكن حاجه تخليه هو يهتم بالالتزام بالصلاه لازم يكون في عندنا مدخل يعني يجي من شخصيه ابن حضرتك فعلى حسب شخصيته ايه اكثر حاجه فعلا بتشده هنبدأ يعني نحفزه عن طريقها. في حاجه كمان يعني حضرتك طبعا التزمي الدعاء ليه وفي دعاء جميل جدا "اللهم رده اليك مردا جميلا" إن شاء الله ربنا يرده جميله وافتكري دائما انك لا تهدي من احببته ولكن الله يهدي من يشاء فحضرتك اكيد عايزاله احسن حاجه فادعي له ربنا يوضع الهدايه في قلبه ويرزقه بنور البصيره عشان يكون متبصر للطريق الصح إن شاء الله وهو بنفسه اللي يتحرك فيه.

إجابة من Yasmine Tawfik

تم النشر الجمعة، ٢١ مارس ٢٠٢٥

1 تعليق

شكرا جزيلا مساعدتك ❤️

تم النشر الجمعة، ٢١ مارس ٢٠٢٥

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك