انا في الفتره الاخيره بقيت حاسه ان روحي نفسها مش مستقره في جسمي
بمعني اني حاسه نفسي محبوسه في الجسم دا ،حاسه اني عايزه اطلع براه وعلي طول عندي احساس الخنقة كانك جايب شخص وحابسه جوا اوضه غامقة مفيهاش نور.
انا بنت ومش فاهمه ليه دا بيحصل بس انا عندي ٢١ سنه ومفيش اي شيء بيخليني احس اني مبسوطه اواني عايشه علي عكس زميلاتي وقرايبي..هل في تفسير لكل دا!
حضرتك محتاجه رقية شرعية وحاولي تحافظي عالصلاة في وقتها واقرأي سورة البقرة على ماء واشربيه شفاك الله وعافاك
تم النشر الأربعاء، ٤ يناير ٢٠٢٣
الا بذكر الله تطمئن القلوب انصحك التوجه لطبيب نفسي لان دى اعراض اكتئاب اتمنى ليكى السلام والاطمئنان لنفسك وروحك
تم النشر الأربعاء، ٤ يناير ٢٠٢٣
ده مرض نفسي وليه اسم .. تقريبا حاجه اسمها الاغتراب .. محتاجه دعم نفسي
تم النشر الأحد، ٨ يناير ٢٠٢٣
من المهم جدا انك تتقبلي فكرة فقدانك لشخص عزيز عارفه انه الموضوع صعب عليكي جدا وربنا يصبرك .. لازم تعبري عن مشاعرك الي حساها حتى لو معيطتيش وقتها او مدتيش اي رد فعل اقعدي مع نفسك وفكري انا حاسه بأيه ..طب معرفتيش تطلعي مشاعر ابدأي اسألي نفيك اسأله عن والد وافتكري كل حاجه حلوه حصلت معاكي كان بيعملهالك حتى لو مكنش قريب منك وابكي واكتبي المشاعر دي وبعد متبكي ممكن تقومي تتوضي وتصلي وتقرأي قرأن وتدعيله اعملي ده لفتره لانه تفريغ عن مشاعرك ومتضغطيش على نفسك قوي في انك تفرغيها وبعد كده اول متحسي انك محبوسه ابداي خدي نفس عميق وكرريه ٢٠ مره واسترخي وانتي مستلقيه واختبري حواسك واعضاء جسمك زي انك حاسه بالنفس طالع داخل حاسه ببروده الحو او سخونته سامعه صوت شامه ريحه معينه جنبك وطبعا قبلها رشي معطر او برفيوم عشان تختبري الحواس وانك شايفه ضوء هادي جنبك وتاخدي النفس بهدوء من الانف وتكتميه لثواني وتخرجيه من الفم بهدوء وبعدين تبداي تتأملي اصابع رجلك انك حاسه بيها وكأن الهوا بيتخلل بينهم وتطلعي لرجلك نفسك تحسي بيها وبوجودها وهكذا لحد متوصلي عند الرئه تخدي نفس اعمق تحس بيه انه رئتك اتملت هواء نقي وتحس بأطراف اصابعك لليد وايدك نفسها لحد الرئس كل ده انتي بتختبري حواسك عشان تأكدي لنفسك انا ف جسمي انا منفصلتش عني انا مش محبوسه انا الي متحكمه ف جسدي وحواسي وحاسه بيهم وبحركهم وحاسه بألمهم او استرخائهم جربي التمرين ده كل يوم واكتبي بعدها شعورك ايه واحساسك عن جسمك وروحك ايه وطبعا ده بعد متفرغي بشكل مكتوب عن مشاعرك وتهدي بالصلاه والقرأن وتشربي مشروب مهدئ زي اليانسون النعناع الحليب
تم النشر الأحد، ٨ يناير ٢٠٢٣
هل مريتي من فتره قريبه بصدمه او خذلان من حد قريب منك او فقدتي حد عزيز عليكي ؟ كمان لما بتحسي بكده بتتعاملي مع الشعور ده ازاي بتحسي براحه وانتي مستسلمه ليه ولا بتحاولي تقاومي ف بيجيلك شعور غضب او انزعاج شديد ؟
تم النشر الجمعة، ٦ يناير ٢٠٢٣
شوفي روحك محبوسة والكلام ده وهم، انتي هتعملي حاجتين هتصلي وتشغلي الرقية الشرعية وهتلاقي تطبيقات كتير للرقية، منفعتش؟ يبقى تروحي لدكتور نفسي.
تم النشر الأربعاء، ٤ يناير ٢٠٢٣
مش بحس بالسعاده حقيقيه بزيفها لما بيكون حواليا حد من صحابي او قرايبي ولما بكون لوحدي ببقا زي ما انا تاني عادي
تم النشر الخميس، ٥ يناير ٢٠٢٣
بقالك قد ايه حاسه بالشعور ده ؟ وهل بيجي وقت ومبتبقيش عارفه نفسك او انتي فين او انتي مين حتى لو لثواني ..واحساسك بالحزن او عدم السعاده ده دايما معاكي حتى لو الي حوليكي حولوا يسعدوكي؟
تم النشر الخميس، ٥ يناير ٢٠٢٣
انتي اختبري مشاعرك حسيها اقعدي مع نفسك وافهميها انتي حساه مشاعرك عامله ازاي اي مخاوفك اي الي مخليكي مجهده في التفكير فيه الفتره الاخيره الفتره الاخيره اتعرضي لي صدمه معينه أو ذكريات ف الطفوله مسببلك الم نفسي من إهمال أو غيرو دي الي بتبقى مشاعر مدفونه وعشان مشاعر قوي ف فتره من حياتك تسببلك قلق فى جسمك يبدأ يعمل استراتيجه كدا تحميكي من شده المشاعر دي ف انك تنفصلي عن مشاعرك دي وعن ذاتك ممكن تحسي انك متعرفيش نفسك أو تاهت عنك وتحسي كان الناس ف وادي وانتي ف وادي تاني كان في حاجه بتفصل مبينكو كانو جدار من ازاز وممكن اجهاد نفسي ف انتي كل الي محتاجه مساحه لنفسك تتفهمي مشاعرك دي وتنسي الماضي منها وتتقبليه وهتفهمي نفسك وتبدأ تنسحب واحده واحده
تم النشر السبت، ٧ يناير ٢٠٢٣
بقالي ٣ شهور بيجيلي كل فتره بس كتير ولما بيحصل بيكون مستمر مش لحظات وببقا تمام
تم النشر الخميس، ٥ يناير ٢٠٢٣
لعرض السؤال في فدني اضغط هنا