عندي مشكلة اني دايما بخاف اقعد وسط تجمع من ناس كتير او اروح افراح او اى مكان هيخليني اتعامل مع ناس كتير عشان بتوتر و مش بعرف اتكلم او اتعامل، و بحس دايما فى اى وقت ان الناس كلها باصة ليا و مركزة معايا و انا عارفه اني الاحساس دا كاذب بس بيبقى علطول مسيطر عليا، معنديش صحاب قريبين عشان عندي صعوبة اني اتعرف على حد جديدة و ادخله حياتي بسهولة بحس بتوتر، جربت اتغلب على دا و دخلت فى كذا حاجة جديدة عليا عشان اكسر النقطة دي بس للاسف كل اما ادخل حاجة جديدة مش بعرف اتعامل و مش برتاح فبخرج منها علطول.
حاسة اني حياتي مدمرة بسبب الموضوع دا و حقيقي عائق ليا فى حاجات كتير... ايه الحل اعمل ايه
انا عديت بنفس الموضوع ده و مكنتش بحب اخرج و اتعامل مع اي حد غير العيلة اتغلبت عليه بأني عملت زيك و بقيت بدخل ف حاجات جديدة انا مش حباها و مكنتش ببقي مرتاحة بس كملت و جيت ع نفسي و اتعرفت علي صحاب مكنتش حباهم ف الاول بس مع الوقت اتعودت عليهم و مبقتش بحس بضغط زي الاول ف انا شايفة انك تكملي ف الحاجات الجديدة الي دخلتيها حتي لو بتبقي متوترة كملي انتِ هتبقي مضغوطة بس ف الاول وبعد كده هتتعودي حاولي تحطي نفسك وسط الناس يعني لو في خروجة مع صحابك اخرجي لو فيه مناسبة تعالي علي نفسك و روحيها و حاولي تروحي ف التجماعات العائلية و اتكلمي معاهم متقعديش ساكتة بسكدا
تم النشر الاثنين، ٢٤ أبريل ٢٠٢٣
أولاً، أريد أن أقول لك أنه ليس من الغير طبيعي أن تشعر بالقلق والتوتر في المواقف الاجتماعية، فهذا شعور يشعر به الكثير من الناس. ومن المهم أن تعلمي أن هذا الشعور غير مؤذي، ويمكن التغلب عليه. ثانياً، يمكنك تجربة بعض التمارين الاسترخائية مثل التنفس العميق والتأمل، حيث تساعد هذه التمارين على تهدئة القلق والتوتر. ثالثاً، يمكنك العمل على زيادة الثقة في النفس من خلال التحدث إلى نفسك بطريقة إيجابية وتحديد الأهداف الصغيرة المتعلقة بالتواصل مع الآخرين والاستمتاع بها. رابعاً، يمكنك التواصل مع أشخاص في المنتديات والوسائط الاجتماعية الخاصة بالاهتمامات التي تحبينها، حيث أن ذلك سيمكنك من التعرف على أشخاص من خلال التفاعل المشترك وتشكيل صداقات جديدة. أخيراً، إذا كان القلق والتوتر يؤثران على حياتك اليومية لدرجة أنهما يمنعانك من القيام بما تريدين، فيمكنك الاستشارة بالمساعدة المتخصصة لمساعدتك على التغلب على هذه المشكلة.
تم النشر الاثنين، ٢٤ أبريل ٢٠٢٣
الاحساس ده من امتى بالظبط بدأ معاكي؟ وهل كنتي كده علطول! وخايفة ليه مثلا من الناس، في اعتقادك ايه وممكن يكونوا مثلا مركزين معاكي ليه؟
تم النشر الاثنين، ٢٤ أبريل ٢٠٢٣
اظن أن الشعور ده مش هتعرفي تتغلبين عليه غير لما تسالي نفسك هو انا خائفة ليه و متوترة ليه و محروجة ليه ف انتي هتجاوبي علي نفسك أن مفيش حاجة تخوف ولا توتر ولا تحرج و اما تدخلي اي مكان خليكي واثقة ف نفسك و بصي للناس ف عينيهم وخلي مشيتك فيها هدوء وثقة و م تشغليش دماغك حد بيبص عليكي أو مبيبصش
تم النشر الاثنين، ٢٤ أبريل ٢٠٢٣
عندما لا تشبه الاخرين تشعر بالغربه والوحده ولكن هذا شعور عادي جدا لانك مميز وتختلف عن الاخرين ولا يشبهوك من قريب او من بعيد فحاولي انك تختاري اللي شبهك
تم النشر الاثنين، ٢٤ أبريل ٢٠٢٣
لعرض السؤال في فدني اضغط هنا