سلام عليكم
أنا طالبة ف تالتة ثانوي لغات معظم حصصي باخدها أونلاين و المفروض اني بدأت من حوالي شهر كده المهم فالأول كنت بكسل أذاكر بحجة اني لسه مش عاوزة اضغط نفسي و ابتديها جد عشان متخنقنش و أتقفل من أول السنة كنت باخد حصتين بس مش اونلاين... رغم كده كنت من غير ما أبذل مجهود و اذاكر كنت ببقا شاطرة جيت بعدين فالفترة اللي بدأت أخد فيها بايو و كميا و فيزيا طبعاً كنت مراكمة دروس كتير جدا فيزيا و لقيت ان الأسيستنت بتوع الفيزيا مش بيهتموا ف لحد دلوقتي مراكمة و الحصص هتتشال آخر الاسبوع و انا مليش نفس أذاكر بجد بعد قدام التاب و افتح الفيديو دقيقتين و ازهق و امسك الفون و اسكرول المهم بقالي يومين كده مش عارفه اعمل ايه ببقا عاوزة أذاكر و حاسة بالتقصير ان اهلي بيدفعوا فلوس و انا مهملة بس بجد مش عارفه بعد اعيط كتير بسبب اني مقصرة بس برضو مش بغير حاجه ممكن افضل اعمل جدول نص ساعة انظم فيه كل حاجه و بعدين ارميه و مبصش فيه مع العلم اني بتجيلي ايام بعد أذاكر و ببقا مستمتعه بالحل و المذاكرة و أيام ببقا مش عاوزه اعمل حاجه و انا مينفعش اعد ايام مذاكرش عشان الحصص بتتراكم بجد مش عارفه مالي ممكن حد يفيدني 💔
طيب خلينا نتفق على كم نقطة عشان تعرفي تشوفي طريقك كويس وقبل ما تضعي أي خطط، أولًا، إحساس بالذنب والتقصير والخنقة، كل ده مش هيقدم ولا هينفعك بحاجة وبالعكس هيخليكِ مقيدة وعاجزة عن إنك تشوفي المخرج. ثانيًا، إحساس الضغط والخوف والتوتر وإن الدروس تراكمت عليّ، ده كمان مش هينفعك بحاجة... التوتر هيفقدك تركيزك ويشتتك والضغط هيزود الخنقة اللي عندك وكمان هيتسبب في إن عقلك يتهرب من المسؤولية اللي عليه. لأن ده الطبيعي وعقلنا مبرمج على حمايتنا وجعلنا دائمًا في حالة أمان وبالنسبة له المسؤولية والمذاكرة ده تعب وجهد بدون مكافأة قريبة فيعتبر دي حالة محتاجة حماية منها فبيدفعك للتسويف. الحل إيه؟ الحل إنك تهدي خالص، وتقعدي مع نفسك كده جلسة ساعة أو اتنين زي ما يناسبك... اعملي مشروب بتحبيه أو أعشاب تساعدك على الاسترخاء... هاتي ورقة وقلم وفرغي كل أفكارك وكل مخاوفك وكل الأسباب اللي مخلياكِ مش قادرة تزاكري وكل الأسباب اللي لازم تذاكري وتنجحي عشانها. الكتابة هتفيدكِ هنا بحاجتين، أول حاجة تفرغي عقلك وتوترك وثاني حاجة إنك تعيدي ترتيب أفكارك وتتخلصي من أي فكرة سلبية هتوقفك وتركزي مع أي فكرة إيجابية هتنفعك. بعد ما فرغتِ أفكارك ومخاوفك تبدأي تبرمجي عقلك ونفسك، أنا ليه محتاجة أخرج من الحالة دي وإيه الحلول والخطوات اللي ممكن آخدها عشان أخرج منها، هل حياتي ومستقبلي لا يستحق إني أكون حازمة أكتر مع نفسي؟ هل أنا للدرجة دي شايفة نفسي ضعيفة أو لا أستحق مستقبل كويس أصنعه بنجاحي؟ جاوبي على نفسك وكلميها بإيجابية لأن ده هيفرق كتير. بالنسبة لنقطة تراكم المواد، لو فضلتِ باصة على الجبل اللي وراكِ هتفضلي مخنوقة وحاسة بالعجز لكن لو أخدت من الجبل ده حبة حبة مع الوقت هينقص... خدي خطوات بسيطة أفضل من وقوفك مكانك. كل خطوة هتاخديها هتقربك من الهدف وكل إنجاز ولو بسيط هيحمسك تبذلي أكتر. ومهم جدًا طريقة كلامك مع نفسكِ لأن عقلك الباطن بينفذ اللي انتي عاوزاه، هتقولي له أنا فاشلة وكل حاجة تراكمت عليّ وأنا مش هقدر هيقولك تمام أنتِ زي ما قلتِ. وبلاش تقسي على نفسكِ لكن في نفس الوقت يكون فيه درجة من الحزم معها، خليكِ مرنة. أهم حاجة بقى وأهم من كل اللي فات، تجددي نيتك من الدراسة وإن يكون تفوقك لوجه الله وإنك تحافظي على صلاتك وأذكارك، إذا أنتِ مسلمة قومي صلي أول ما تسمعي الآذان، المواظبة على الصلاة مش بس هتساعدك تقربي من ربنا كمان هترتب لك وقتك ومواعيدك وهتخليك منظمة أكتر. لو ظبطتِ جدول مذاكرتكِ ومهامك مع مواعيد الصلاة وما بينها هيفرق كتير معك وعن تجربة. أرجو إني أكون قدرت أفيدك، وممكن كمان تبحثي في شريط البحث في فدني هتلاقي أسئلة كتير شبيهة لسؤالك ممكن تفيدك قراءة النصائح فيها. بالتوفيق إن شاء الله.
تم النشر الاثنين، ٣٠ سبتمبر ٢٠٢٤
مستقبلك ده و لا مستقبل حد تاني ..!! الفديوهات اللي بتسكرولي فيها دي بتسبب ضعف الذاكرة و برمجة عكسية للمخ انه يتعود انه ميركزش اكتر من دقيقتين ، و دي بداية أعراضها الجانبية النسيان و الإدمان .. مخك بيقعد ميعملش حاجه و بيفرز دوبامين كل اما فيديو بيعجبه ، و هكذا و طول ما فيه دوبامين فيه إدمان .. نفس اللي بيحصل لما بتشربي مشروبك كده بتلات ملاعق سكر .. اول شفطة دوبامين ، لو جربتي تشربي نفس المشروب من غير سكر مخك هيعمل Error فبلاش منها الا لو ضرورية .. و نتايجها مش كويسة
تم النشر الاثنين، ٣٠ سبتمبر ٢٠٢٤
السلام عليكم ورحمه الله وبركاته معكم محمد دفعه 24 الله ينور عليك يا انسه انك شرحت مشكلتك او شرحت مشكلتي. عليك انك شاطره ودورتي على حاجه ان هي مثلا اي حاجه تحط عقلك. فعايز اقول لك ان عشان الموضوع ده يحصل انت لازم تتحرري من اللي انت فيه المؤثر المؤثر اللي هو هياثر على الهاتف هو النفسيه والتليفون ودولت لهم حللين بساط التليفون لازم يتقفل يعني البرامج اللي تقفل التليفون اي برنامج يقفل التليفون وما يفتحوش حتى لو اضطريت اللي انت تعملي كلوز للتليفون اللي هو تقفليه عن طريق زرار القفل وتفتحيه تاني لا ما ينفعش خالص لازم التليفون يتشال خالص تمام ده اولا والتابلت عندك تقدر تذاكر عليه ثانيا القربه من ربنا هيريح نفسيتك اكثر قرات القران هتسيتك اكتر وهتكون عندك نفسيا انك تذاكر وتخلص ثالثا الحاجه اللي انت مش هتقدر تخلصها كلها ده هي اللي بتعمل لك الاسم ان انت بتحط مثلا حاجات عايز تخلص كم معين في وقت عشان تخلص من الهم اللي عليك ده لكن لا انت انسان مراقم عادي ما فيهاش اي حاجه خالص طبيعي مفيش مشكله الفكره انك يكون عندك صبر عشان تقدر تخلص. ده التحدي ده ندي تراكمات كذا لا انا هحط صبرا عندي لحد شهر 10 خلص شهر 10 براحتي اكون خلصت التراكمات بس ده اللي هو ايه اخر مش هينفع مده طول عن كده دي حاجه حاجه ثانيه هنبدا واحده واحده وتقسم الايام بمنتهى البساطه تاخذ درس مع درس تمام انا قديم مع الديت ولو حاجه مترتبه ورا بعضها تاخدي القديم طبعا او فلازم تركز في النقطه اللي قلتها لك ديت واكتبيها يعني عقليها بس هتلاقي صح اللي انا بقوله لك ده شيء منطقي جدا انك تظبط دنيتك بالعقل اولا دي حاجه تمام حاجه اخيره بقى وممكن تفيدك يعني انك عشان تخش مود المذاكره الاول الموضوع بيكون رخم شويه لكن بعد ما بتخش هي الموضوع بيبقى بسيط ما ترهقيش نفسك اللي هو انت اوفر عايزه تخلصي الكلام ده كله في نص شهر مثلا او اسبوع لا لا لا لا خالص عشان الموضوع يمشي لازم تكون ماشيين واحده واحده وبهدوء واحده وواحده لحد اما نخلص فايه يعني مهام على قد اليوم وبس مش اكتر من كده احسبوا وقتك الاول وشوفي مثلا هتقدر تخلص في قد ايه وكملي عليه حتى لو الموضوع مرهق شويه بس يعني اللي هو خلاص انا مثلا بعدها بثلاث ايام كده لا ارتاح نص يوم واكمل النص اللي بعده مش ما فيش اي مشكله خالص لكن فكره انك تكون صفر ديت هي دي المشكله مهما بدات واشتغلت في يومك والساعات اللي انت كنت هتصورها واشتغلت فيها فانت اتحولت من صفر لانك بقيت قيمه حقيقيه فما ينفعش بقى ان احنا نكون صفر ديت يعني فخليك مستمر انك توصل لاي قيمه كويسه لانك مفيش حد بيشتغل وبيوصل للصفر غالبا هتوصل لقمه كويسه تمام. والحاجه الاخيره بقى اللي كنت ناس اقولها في تطبيق هيساعدك انك تذاكر وتنتبه جثه الناس اللي بتذاكر اسمه تطبيق فليب او مؤقت الدراسه هتلاقيه موجود على جوجل بلاي في ناس بتذاكر واكتشف التطبيق مع نفسك والتطبيق مميز جدا في جروبات لناس بتذاكر من كل مكان في العالم وفي كمان لك تصنيف على مستوى مصر ومؤقت الدراسه الوقت اللي انت بتدرسه بس كده واتمنى لك التوفيق ان شاء الله.
تم النشر الاثنين، ٣٠ سبتمبر ٢٠٢٤
وعليكم السلام ورحمة الله وبركاته. أختي العزيزة، أنا أفهم تمامًا شعورك بالضياع والإحباط، خاصةً في هذه المرحلة المهمة من دراستك. إن انقطاع الدروس وكثرة المواد التي تحتاج إلى مراجعة يمكن أن يكونا مصدر ضغط كبير. إليك بعض الخطوات العملية التي يمكنك اتباعها لتحسين تنظيمك وضبط نفسك: وضع خطة واقعية : بدلاً من إنشاء جدول دراسي صارم، حاولي إعداد خطة مرنة تشمل فترات قصيرة من المذاكرة مع فترات راحة. يمكن أن يستمر كل جزء من المذاكرة لمدة نصف ساعة، مع 5-10 دقائق من الراحة بعد ذلك. تحديد الأهداف : ضعي أهدافًا صغيرة يمكن تحقيقها. ابدئي بموضوع واحد أو جزء من المادة، وحاولي التركيز عليه حتى تنتهي منه. هذا سيساعدك على الشعور بالإنجاز ويزيد من دوافعك. تشجيع الذات : احرصي على تقديم المكافآت لنفسك بعد إكمال المهام. يمكن أن تكون بسيطة مثل قضاء بعض الوقت في مشاهدة شيء ممتع أو تناول وجبة خفيفة تحبينها. تجنب المشتتات : حاولي تقليل استخدام الهاتف أو أي أشياء قد تلهيك أثناء المذاكرة. يمكنك إغلاق الهاتف أو وضعه في غرفة أخرى خلال فترات المذاكرة. التواصل مع المعلمين : إذا كان لديك صعوبة مع مادة معينة، لا تترددي في التواصل مع المعلمين أو المنسقين للحصول على المساعدة. هم هنا لدعمك. الأخذ بالأسباب : تذكري أن النجاح يتطلب الجهد والتركيز، فاستمري في المحاولة ولا تتخلي عن أهدافك. وحده العمل المستمر والمتوازن سيؤدي إلى نتائج إيجابية. استعيني بالدعاء : كوني قريبة من الله واطلبي منه العون في تجاوز هذه التحديات. تقبلي أن تكون هناك أيام صعبة، ولكن الأهم هو الاستمرار وعدم الاستسلام. تحلي بالصبر وثقي بنفسك، وأنت قادرة على تحقيق ما تصبين إليه. وفقك الله في دراستك.
تم النشر الاثنين، ٣٠ سبتمبر ٢٠٢٤
كنت زيك كدا وبراكم الدروس عليا لان ما فيش مراقبه من مدرس او اهل وللاسف فقت متاخر فوقت بعد ما شوفت الدرجات الي جبتها الدرس اللي اتعلمته بقي اني ماستناش حد يقولي زاكري ماستناش حد يراجع ويتاع ورايا ومعايا انا عندي هدف عايزه احققه عندي دافع يخليني احط خطه وامش عليها لحد ما اوصل لهدفي وما اتغرش اني اقرا الدرس من مره واحده واروح الدرس اقفل الامتحان واقول انا تمام انا اقدر الم المنهج لا انا هاذاكر وهاحل الاسئله حتي لو الموضوع سهل بالنسبة ليا
تم النشر الثلاثاء، ١ أكتوبر ٢٠٢٤
حاولي تعديل فكرة الربط بين الشغف والإنتاجية ومرني نفسك علي الانضباط ،بمعني مش معني انك مش قادرة تذاكري يبقي متذاكريش،ذاكري مهما كانت حالتك النفسيه و الجسدية،وخدي بالأسباب وتوكلي علي الله ،ومشكلة انك معندكيش طاقة ممكن يكون مرتبط بنقص فيتامينات زي فيتامين د
تم النشر الأربعاء، ٢ أكتوبر ٢٠٢٤
حطي خطه عشان تتداركي اللي فاتك يعني مع كل درس جديد زاكري درس قديم لحد ما تخلصي اللي تراكم عليك واقفلي الموبايل اثناء المذاكره ولو خلصتي المذاكره اللي عليكي في اليوم دا كافئ نفسك بحاجه بتحبيها وبالنسبه للنت يوم واحد بس كفايه في الاسبوع وقد محدد خديها تحدي مع نفسك واستعيني بالله وافتكري ان ماحدش هاينفعك دا مستقبلك انتي
تم النشر الثلاثاء، ١ أكتوبر ٢٠٢٤
لعرض السؤال في فدني اضغط هنا