بحس ان فى شيطان جوايا حد شرير افكار عدوانيه بعمل سلوك عدوانى زى انى ممكن اقول كلام جارح جدا لحد شات أو حتى ف الحقيقه بعدين لما بيخلص الموضوع وارجع البيت احس انى مكنتش ف وعيى ابدا.
لما بتخانق مع حد أو بتعصب بتخانق معاه ف دماغى وبفضل اتخيل انى بضربو، اختى الصغيره لما بتعصبنى بتخيل دايما انى بخنقها وبضربها جامد مع انى بحبها جدا معرفش ليه وازاى حد بيحب حد وبيتخيل انو بيعنفو وصاحبتى اقرب حد ليا بحس أن اخواتها الاطفال بتعصب منهم وبتخيل انى بضربهم بطريقه عنيفه وببقى انا وهى بنتكلم عادى وبحس انى مش طايقاها وبنفر منها.
انا استغربت ازاى بحب حد وف نفس الوقت بتعصب منو وبعمل سلوك عدوانى وبرجع انسي أو احس انى متخدره لما بتعصب من ماما بتحول لحد مش طبيعي حد بيزعق وبيقول كلام محدش يستحملو وبفضل ارمى ف الحاجه وسعات بأذى نفسي لحد ما أنزل دم بعدين بدخل انام واصحى ناسيه.
وماما بتفكرنى بالكلام والافعال الى عملتها وانا مش بكون مصدقه ان انا يطلع منى الافعال العدوانيه دى مع انى بحب ماما.
انا ياجماعه مستغربه هل ممكن انسان يبقى جواه كره وعدوانيه اتجاه اشخاص هو بيحبهم وهو مش عارف انا بحبهم كلهم بس لما بيحصل شىء بسيط بتخيل انى معاهم ف اوضاع مش كويسه زى اكون بخنقهم أو بضربهم بطريقه وحشيه وبشتمهم والموضوع مضايقني، لانى مش قادره افهم ازاى انا منافقه وشخصيتين شخصيه بتحبهم وشخصيه عدوانيه وبدخل ف حاله افضل اتخانق وانسى انى عملت كده طب ازاى كده؟
والمشكلة انى ربط الأحداث ببعض انا من وانا صغيره وانا بعمل كده اهلى ماديتهم نوعاً ما كويسه ومع ذلك كنت بسرق مسطره واستيكه وانا مش محتاجه من صحابي الى بحبهم جدا ومرحله ابتدائى كلها معاهم واعز ناس ومع ذلك بسرق منهم ومكنتش باخد الحاجه ليا كنت بسرقها وبرميها معرفش ازاى حد ممكن يحب حد وبالرغم من ده يحب يشوفو وهو زعلان على حاجته الى ضاعت حتى لو انا مش محتاجه الحاجه حبيت بس اشوفهم وهما مش لاقيين حاجتهم قد ايه انا شيطان من وانا صغيره أعلى علاقتهم كويسه والبيت مفيهوش مشاكل ولا فى انفصال ولا اى حاجه ومع ذلك افعالى عدوانيه بس محدش يعرفها وانا صغيره كنت ممكن اعمل حجات تدايق الى قدامى من غير ما يعرف انا بحبهم جدا بس بحس بالذه وانا بشوفهم مدايقين ازاى حد بيحب حد يعمل كده ؟
سلام عليكم مش قصدي إحباط والله بس أقسم بالله العظيم أنا في نفس الحالة وقلقان ويا ريت حد يفيد فعلاً لأن الوضع قلق كبير بس أسلم حاجة ممكن أقولها نلجأ لربنا وحاول تبعد عن وساوس الشيطان وبالله عليك تحاول عشان أنا برضه بحاول ونفسي أخلص منها
تم النشر الثلاثاء، ٢٢ أكتوبر ٢٠٢٤
عزيزتي، أشعر بمدى الصراع الداخلي الذي تشعرين به، ومن المهم معرفة أن المشاعر والأفكار السلبية التي تعبرين عنها ليست بالضرورة تعكس حقيقتك أو طبيعتك. أحيانًا، تكون لدينا مشاعر مختلطة نحو الأشخاص الذين نحبهم، وهذا يمكن أن يكون بسبب العديد من العوامل النفسية، الاجتماعية أو حتى البيئية. يمكن أن تعود الأفكار العدوانية أو السلوكيات المؤذية إلى عدة أسباب مثل: الضغط النفسي : قد تواجهين ضغوطًا من الحياة اليومية تجعل من الصعب عليك التعامل مع مشاعر الغضب أو الإحباط. التجارب الماضية : قد تؤثر تجارب طفولتك أو التفاعلات السابقة على سلوكياتك الحالية، خاصة إذا كنت قد تعرضت لمواقف شعرت فيها بعدم الأمان أو التهديد. الصراع الداخلي : من الطبيعي أن نشعر بمشاعر متناقضة. قد تحبين الأشخاص ولكنك تشعرين بالغضب أو الإحباط تجاههم في بعض الأحيان. المهم هو محاولة فهم تلك المشاعر. هنا بعض الخطوات التي يمكن أن تساعدك: التفكير الواعي : عندما تشعرين بالغضب، حاولي الترويج لأفكار جديدة وتغيير طريقة تفكيرك. اسألي نفسك: لماذا أشعر بهذا الشكل؟ وما الذي يمكنني فعله بدلاً من ذلك؟ التعبير عن المشاعر بطريقة صحية : بدلاً من توجيه العدوان نحو الآخرين، ابحثي عن طرق للتعبير عن مشاعرك بطريقة بناءة. كأن تكتبي في مذكراتك أو تتحدثي إلى صديقة تثقين بها. طلب المساعدة المحترفة : إذا كانت هذه المشاعر والسلوكيات تؤثر على حياتك وعلاقاتك، فقد يكون من المفيد الاستعانة بمعالج نفسي أو مستشار للمساعدة في فهم هذه المشاعر بشكل أعمق والتعامل معها. تذكري أن التغيير يحتاج إلى وقت وصبر. من الرائع أنك تعبرين عن مشاعرك وتبحثين عن فهم أعمق لنفسك. كوني لطيفة مع نفسك في هذه العملية.
تم النشر السبت، ١٩ أكتوبر ٢٠٢٤
مش عيب الاستشاره طبيب نفسى،، وارقى نفسك دايما بقراءه سوره البقره والمزيد من القران الكريم وبلاخص ايه الكرسى بعد كل صلاه وصباحا ومساء وربنا يحفظك ويبارك فيكي ويحميكى اللهم آمين
تم النشر الاثنين، ٢١ أكتوبر ٢٠٢٤
بصي دوري علي أخصائي نفسي و ثقي فيه أرجوكي لأن دا ممكن يتحول لحاجات تانيه كتير
تم النشر الثلاثاء، ٢٢ أكتوبر ٢٠٢٤
يكون اخصائي مش طبيب ، حاولي وجربي طالما عايزه حل ، ودوري علي حد ثقه ومعروف
تم النشر الاثنين، ٢١ أكتوبر ٢٠٢٤
مبثقش ف الدكاتره النفسيين
تم النشر الاثنين، ٢١ أكتوبر ٢٠٢٤
اعتقد دا اضطرابات في الشخصيه ومحتاجه مساعده من اخصائي نفسي + الجانب الروحاني بردو مهم لهدوء نفس ، في شوفي اخصائي كويس يساعدك
تم النشر الاثنين، ٢١ أكتوبر ٢٠٢٤
لعرض السؤال في فدني اضغط هنا