هل ممكن ان الخوف يكون سبب ف ان البني ادم يكذب كتير عشان خايف يخسر شخص؟
الخوف مش بس بيخليك تكدب الخوف بيخليك تعمل أي حاجه وتخيل براحتك بقا.. لكن قول الحق واخسر الشخص واكسب رضا ربنا او تقول كدب وتحافظ علي الشخص وتخسر رضا ربنا وحياتك تبقى جحيم بسبب الكذب وتخسر اخرتك وووووالخ... يبقى اخسر الشخص وعندك رب العالمين مجيب الدعاء اسجد وادعي له وابكي وهو هيساعدك .. ياصديقي الاشخاص كدا كدا مش دائميين في حياتنا مخسرتهمش دلوقتي هتخسرهم بعدين ..والله المستعان كن صادق وتقرب من الله كن صديق نفسك كن محب لنفسك . وقبل اي شي ضع الله في كل الامور هذا يكفي يخليك تفعل الصح وتنحي الغلط ...الله المستعان
تم النشر الاثنين، ٩ ديسمبر ٢٠٢٤
واية الى يجبرك انك تكذبى اصلا ؟ لو اضطريتى انك تكدبى عشان تحافظى ع علاقتك بشخص هتفضلى تكدبى كتيير لحد مايجى وقت ومش هينفع الكدب .. طب على اي ؟ انا اسف يعنى بس لية الضغط النفسي والعصبى دا .. لية تفضلى مضغوطة ولازم تحورى الكلام وتفضلى خايفة من ردة فعل الشخص دا .. هو يايتقبلك زاى مانتى او تقللى تعامل معاة لكن متخليش حد يأثر عليكى بالشكل دا
تم النشر الاثنين، ٩ ديسمبر ٢٠٢٤
نعم، يمكن أن يكون الخوف من فقدان شخص معين دافعًا للجوء إلى الكذب. عندما يشعر الإنسان بالقلق من خسارة شخص مهم في حياته، قد يحاول تجنب ذلك من خلال تقديم روايات غير دقيقة أو تجميل الحقائق. هذا السلوك غالبًا ما يكون ناتجًا عن حاجة قوية للاحتفاظ بالعلاقة أو تجنب الألم الناتج عن الفراق. ومع ذلك، الكذب ليس حلاً مستدامًا، فهو قد يؤدي إلى تفاقم المشكلات مع الشخص المعني وقد يفقد الثقة بينكما. من الأفضل دائمًا التواصل بصدق وشفافية، حتى في الأوقات الصعبة. قد يكون من المفيد البحث عن طرق صحية للتعامل مع مشاعر الخوف والقلق، مثل تعزيز الثقة بالنفس والعمل على تطوير العلاقات بطريقه قائمة على أساس الثقة والاحترام المتبادل. إذا كنتِ تواجهين صعوبة في التعامل مع هذه المشاعر، قد يكون من الجيد الحديث مع شخص موثوق، مثل صديقة أو مستشار، للمساعدة في توضيح الأمور.
تم النشر الاثنين، ٩ ديسمبر ٢٠٢٤
حبيبتي تسلميلي💗
تم النشر الاثنين، ٩ ديسمبر ٢٠٢٤
بصي ما دام الموضوع وصل لخيانة ورد الفعل الغريب ده منه فكبري وانسي اللي حصل... زي ما قلتِ متضيعيش عمرك في انتظاره.. غير إن من رد فعله وطريقته معك حياتك معه مش هتبقى سهلة وممكن يتعبك بطريقة معاملته لو تزوجتم... اعتبريه درس وتعلمتِ منه عشان متدخليش في علاقات لا ترضي ربنا بعد كده وتعززي نفسك للشخص اللي يستحق فعلا وإنك زي ما قلتِ متكدبيش تاني وتعرفي إن الصدق منجاة في كل الأحوال والضرر أقل من الكذب عامة... اللي انتِ حاسة به دلوقتي ده ندم وإحساس بالذنب عشان كذبك لكن بلاش تستغرقي فيه مع نفسك اللوامة عشان هتتعبي والشيطان هيستغل ده عشان يدخل الحزن على قلبك. انسي وركزي في حياتكِ... بالتوفيق.
تم النشر الاثنين، ٩ ديسمبر ٢٠٢٤
اها حد انا مرتبطه بيه وعارفه ان ده بيغضب ربنا وانا كنت مقرره اننا نبعد لحد ما ربنا يسهل وان شاء الله نبقي من نصيب بعض وكده . بس قبل ما نبعد اتفقنا نحكي كل حاجه لبعض وهو سالني عن كشا حاجه وهددني انه لو مقولتش الرد الي يعجبه هيبعد عني وانا عشان متعلقه بيه وعشان خايفه اني احسره من خوفي اضطريت اني اكدب عشان ميبعدش ممكن الحقيقه تدايقه وميعجبهوش الكلام ف يبعد ف عشان كده كدبت ولو لما عرف اني كدبت انا قولتلو هقول كل حاجه وحكيت الحقيقه كلها وهو حكالي وقال انه عارف اني كدبت من الاول و ك عقاب ليا عشان كدبت عليه هو خانني طبعا انا مش مسمحاه ف دي ولا هعديها عشان هو كدب وخان انا صلحت غلطي وقولت الحقيقه واتاسفت اني عملت كده من الاول وهو محاكاش لما سالته ولما حكي قالي انا بحكي ب مزاجي وانا لو مكنتش حكيت مكنتيش هتعرفي وانا اتقفلت منه والي يخون مره يخون الف وانا مش هضيع عمري عليه اني استناه يجي يتقدملي عمل كده وانا مش مع بعض ع سنه الله ورسوله تخيلي هيعمل اي لو اتجوزنا ف انا مش قادره اثق فيه ف هو مش فارق معايا دلوقتي الي فارق معايا غلطي اني كدبت من الاول وطبعا دي عند ربنا كبيره مش هو الي هيحاسبني لا ربنا الي هيحاسبني ف هل في حاجه اقدر اعملها عشان ربنا يسامحني ويغفرلي غير اني استغفر واصلي وادعي ب كده. انا ف نيتي اني مكدبش تاني نهائي ع اي حد بس انا الي خلاني اتكلم اني حسيت ان العيب فيا لان اتقال عليا اني تعبانه ف دماغي واني محتاجه دكتور نفسي كمان وها ف وقت وحش اني مضغوطه وزعل وندم ومش عارفه اعمل اي والله .
تم النشر الاثنين، ٩ ديسمبر ٢٠٢٤
أنا مش عارفة الشخص ده حد انتِ بتحبيه أو مرتبطة به ولا حد من الأهل... لو شخص مرتبطة به، انتِ قلتِ في كلامك مش حابة تغضبي ربنا بكذبك، لكن في نفس الوقت علاقتك بشاب غريب لا ترضي ربنا... لو حد قريب من الأهل أو الأصحاب فعلى حسب انتِ كدبتِ في إيه وهل الكذب ده أضر بالشخص ده ورد فعله لو عرف... فيه تفاصيل كتير هتفرق معرفتها للإجابة لكن عمومًا أنتِ مضغوطة نفسيًا دلوقتي ومفيش حل غير يا تعترفي وتعتذري ما دام شايفة حاجات متستاهلش أو تطنشي وتاخدي قرار حازم مع نفسك متكرريش الكذب.
تم النشر الاثنين، ٩ ديسمبر ٢٠٢٤
كدبت ع اكتر شخص انا بحبه واكتر شخص معايا كدبت بسبب حاجات حصلت ف الماضي انا مكنتش عايزاه يعرفها تمم ف سالني عليها ونا كدبت فيها هي حاجات عاديه بس انا كدبت عشان حاجات متستاهلش ومعرفش لي عملت كده وكنت فاكره ان الكدب هيعدي كل حاجه ويمشي الدنيا بس مفيش حاجه بتستخبي كل حاجه بتتعرف مع الوقت
تم النشر الاثنين، ٩ ديسمبر ٢٠٢٤
هل ممكن توضحي أكتر في مشكلتك؟ ليه تكذبي ومين الشخص اللي خايفة تخسريه؟
تم النشر الاثنين، ٩ ديسمبر ٢٠٢٤
لعرض السؤال في فدني اضغط هنا