السلام عليكم
محتاجه متخصص يفدني ف المشكله دي ياريت وازاي اقدر اتعامل معاها ،انا عندي 24 سنه واختي الصغيره عندها 8 سنين من فتره ابتديت الاحظ ان تصرفتها غريبه ودايما بتتأخر ف الحمام وبلاحظ انها لما بتدخل الحمام بتقلع البنطلون بالكامل برا وابتديت اقولها انتي ليه بتقلعي برا الحمام بتقولي عشان لما اغسل ميجيش عليه مايه قولتلها لا مينفعش هل لو احنا برا عند ضيوف ينفع تقلعي برا قالتلي لا واتوترت ومشيت ، الموضوع بدأ يتكرر بردو وبالصدفه اتأخرت كتير ودخلت عليها لاقتها قاعده ف المانيو وفاتحه رجليها ومشغله المايه ع الاخر والمايه نازله ع منطقه البكيني بالظبط ولما شافتني وشها جاب الوان وكأنها عارفه انها بتعمل شئ غلط وسألتها انتي بتعملي ايه اتلغبطت وقالتلي انا بغسل رجلي الصراحه حاولت اتجاهل واعدي لكن انا حاسه ان تصرفتها مش طبيعيه وابتديت اراقبها ف لاقيت انها اوقات كتير بتدخل الحمام عشان تعمل الحركه دي مش عشان تعمل حمام ولما بتشوفني بترتبك جدا وبتخاف بس مش عارفه هي لي بتعمل كدا دي طفله وازاي اقدر اتعامل مع الموضوع او افهمها انا كتير بقعد اكلمها براحه بس بردو الموضوع بيتكرر واحنا ف بيتنا عندنا حمامين ف حمام ضغط المايه فيه عالي جدا وهي دايما بتبقي مصمهه تعمل حمام ف الحمام دا وبلاحظ انها بتفضل مشغله ضغط المايه وهي بتغسل لنفسها كتير وكأنها حابه الشعور دا ،انا اسفه ف كلامي والله لكن انا خايفه تأذي نفسها ياريت حد يفدني ؟
وعليكم السلام، انتي بتتأسفي ليه؟ بالعكس الموضوع مهم جدا و فعلا محتاج انك تلاقي حل. أهم نقطة انك ما تخليش اختك تخاف منك و تقربي منها أكثر، البلوغ مش مرتبط بسن معين في اطفال بيبلغوا في سن مبكر و احتمال اختك من النوع ده. زي ما قالت الأخت اول نقطة لازم تشوفي هي بتتفرج على ايه و لو عندها موبايل لازم تشوفي هي بتشوف ايه عليه او بتكلم مين. ممكن يكون في حد بيكلمها في مواضيع حساسه و بيزيد عندها الشعور. لازم تقربي منها و تفهميها بطريقة بسيطة انه البنت لازم تحافظ على نفسها و جسدها و انه ما ينفعش حد يشوفها و هي بتغير لبسها و ازاي تقعد و تقوم لما تكون لابسه فستان مثلا. الحاجات دي بتخليها تحس انها بقت أنثى مش بنت صغيرة و بتنمي فيها شعور العفة في الفترة دي.
تم النشر الأربعاء، ١٣ نوفمبر ٢٠٢٤
وعليكم السلام ورحمة الله اه طبعا فى السن ده ممكن تكون اقرب للبلوغ ومسألة الاحساس فى هذه المنطقة لا علاقة بالسن كل ما وصفتيه يؤكد انها تحتاج الى رقابه واحتواء اكتر للمرحلة الحاليه ضرورى تتابعوا المحتوى اللى هى بتشوفه او بتقرأه اون لاين ضرورى تعرفوا منها صحابها ونوعية المواضيع اللى بتتقال بينهم ضرورى تكونى صاحبة اختك اكتر وكمان ماما محتاجة تكون معاها خطوة بخطوة فى تطورات مرحلتها العمرية
تم النشر الثلاثاء، ١٢ نوفمبر ٢٠٢٤
وعليكم السلام ورحمة الله وبركاته. عزيزتي آية، أشكرك على ثقتك بي وطرحك لهذه المسألة الحساسة. واضح أنكِ تلاحظين سلوكاً غير مألوف لدى أختك الصغيرة، وتبدين قلقاً تجاه صحتها النفسية والجسدية. في البداية، من المهم أن نفهم أن الأطفال أحيانًا يتصرفون بطرق قد تبدو غريبة أو غير مناسبة بسبب الفضول الطبيعي أو استكشافهم للجسد. ومع ذلك، إذا كانت تصرفاتها تتضمن قلقاً أو ارتباكاً ملحوظاً، أو كان لديها شعور بالخجل عندما تكتشفك، فهذا قد يكون دليلاً على أنها تشعر بشيء يحتاج إلى تفسير واهتمام. إليك بعض النصائح للتعامل مع هذه الحالة: توفير بيئة آمنة : حاولي أن تتحدثي معها في أجواء مريحة وآمنة حيث يمكن لها التعبير عن نفسها دون خوف أو قلق. استمعي إلى مشاعرها واستفسرِ عن السلوكيات التي تلاحظينها. التثقيف الجنسي المبكر : يمكنك أن تقدمي لها معلومات بسيطة وصحيحة عن جسمها بعبارات تناسب سنها، مما يساعدها في فهم ما يحدث بطريقة صحية وإيجابية. مراقبة تصرفاتها : استمري في مراقبة سلوكها، وحاولي توثيق الأوقات والمواقف التي تظهر فيها هذه التصرفات. إذا استمرت بعد التحدث معها، فربما تحتاجين إلى استشارة مختص في علم النفس أو التربية. تجنب الضغط : لا تظهري لها انزعاجك أو قلقك بشكل مفرط، لأن ذلك قد يجعلها أكثر ارتباكاً. بدلاً من ذلك، كوني هادئة ومتفهمة، مما يساعدها على شعورها بالأمان. استشارة مختص : إذا لم تتغير سلوكياتها أو لو كنتِ لا تزالين قلقة، قد تحتاجين إلى استشارة أخصائي نفسي أو متخصص في علم طفولة للمساعدة في تقديم نصائح أكثر تخصصاً. تذكري أن الأطفال بحاجة إلى الحب والدعم، وأنتِ تقدمين لها هذا الدعم من خلال قلقك واهتمامك. نسأل الله أن يبارك في جهودك ويعطيكِ القدرة على توجيهها بطريقة صحيحة.
تم النشر الثلاثاء، ١٢ نوفمبر ٢٠٢٤
وعليكم السلام ورحمة الله وبركاته اجابتي هتكون تأكيد ايوة هيا ممكن تحس بالشهوة فِ السن ده وممكن اصغر من كده كمان يعني م مرتبط بالسن رب يحفظك ويحفظها
تم النشر الثلاثاء، ١٢ نوفمبر ٢٠٢٤
أول حاجة لازم نفهم أننا بنتعامل مع طفلة أيا كان المؤثر اللي أثر عليها و اللي أعتقد بنسبة كبيرة هو الموبايل ثانيا عايزك تقربي أكتر منها و تتكلمي معاها بطريقة غير مباشرة كأنك بتوعيها تقوليلها أوعي حد يقرب من المنطقة ديه و تسمحيله أو أن حد يلمسك و حطي وسطها أن مينفعش البنت تجيب بالشطاف كتير أو أنها تفضل تلعب فالمنطقة ديه كتير عشان ده هيعملها مشكلة كبيرة اوي لما تكبر و أبعتلها كل فترة فيديو ديني و حطي مكافآت كل ما تصلي و تقرأ قرآن و قنني أستخدام الموبايل يعني تستخدمه وقت ما أي حد منكوا موجود و متقعدش كتير بيه لوحدها فالاوضة و قبل ما تنامي خدي الموبايل و قوليلها عشان ميتعبش مخك و ربنا يسترها عليها و علي بناتنا أجمعين يارب العالمين
تم النشر الاثنين، ١٨ نوفمبر ٢٠٢٤
قولي لامك طبعا
تم النشر الخميس، ١٤ نوفمبر ٢٠٢٤
لعرض السؤال في فدني اضغط هنا