انا ثانويه عامه والفتره دي بقيت بنام كتير ومش عارفه ولا اسهر ولو صحيت بدري بنام تاني على نفسي، ومبقتش طايقه اشوف الكتاب بضغط على نفسي بس ببقى مخنوقه جدا، حاسه اني مش هوصل، انا معرفش اي حصلي كدا، دا غير اني مضغوطه لأني بحاول اراجع الماده في يومين عشان احل امتحانات ودا مخليني مضغوطه جدا، واللي ضاغطني اكتر موضوع النوم والخنقه، المفروض اعمل اي الفتره دي
لازم اولا تعرفي انتي بتهربي من ايه ...لان النوم كتير معناه انك بتهربي من حاجه معينه ...شوفي ايه هي واقعدي مع نفسك وصارحيها....وحلي الموضوع ولو ف كلام محتاجه تقوليه لحد قوليه عشان تعرفي تخلصي من اي موضوع شاغل بالك وتقدري تذاكري ...ولو علي انك مش طريقه تشوفي الكتب ...ف دي حاله طبيعيه بيمر بيها اغلبنا ...بس دايمة حاولي تفتكري ان وقت المراجعه دا هو أهم وقت ومش تضيعي مجهود سنه كامله لمجرد شعور انك مش قادره تكلمي استعيني بالله ولا تعجزي ان الله مع الصابرين
تم النشر السبت، ١١ مايو ٢٠٢٤
فى طريقة لتقسيم الساعة ٢٠ دقيقة دورى عليها على اليوتيوب ممكن تساعدك
تم النشر السبت، ١١ مايو ٢٠٢٤
متغلطيش غلطتي انا حصل معايا كدا وجيت في الاخر ومذكرتش وفي الاخر جبت مجموع ذي الزفت ملحقتش حتي خدمه ،دوسي علي نفسك وتذكري حفزي نفسك صلي واقراي قراءن
تم النشر السبت، ١١ مايو ٢٠٢٤
إحساسك دا من التوتر و القلق .. لازم من جواكي تهدي خالص و حاولي متفكريش في أي حاجه سلبية زي إنك مش هتوصلي ومش هتحققي وكل دا .. خليكي واثقه في تعبك ومجهودك طول السنه و ركزي الفتره دي إنك تراجعي المراجعه الأخيرة حاولي تنامي من 7 ل 8 ساعات ومتزوديش ولا تقللي عنهم و كل ما تحسي إنك مخنوقه قومي إتوضي وصلي وطلعي كل اللي جواكي في الصلاة وإدعي كتير ومتخافيش الأيام هتعدي بسرعه وهتخلصي إمتحانات على خير إن شاء الله وتدخلي الكلية اللي نفسك فيها
تم النشر الخميس، ٩ مايو ٢٠٢٤
لعرض السؤال في فدني اضغط هنا