عندي كيسة لينوفو قديمة شوية، معاها معالج xeon w3520 وكارت شاشة Nvidia geforce gtx 750 ti ، مفهمش اوي في الماذر بورد بس سألت كذا حد وقالي لو حبيت اغير المعالج لازم اغير الكيسة كلها، عايز اعرف ايه الي ينفع وايه احسن حل للجهاز لو عايز اخليه اقوى شوية مع العلم الرامات حلوة بس الهارد Hdd
المعالج Xeon W3520 بيركب على مقبس أو موصل Socket اسمه fcLGA1366 ودة الموجود على اللوحة الأم، وأي معالج جديد لازم يكون من نفس النوع الموجود على البورد أو اللوحة الأم. دة لينك بيانات المعالج. لاحظ الإنتاج متوقف من 2011. https://www.intel.com/content/www/us/en/products/sku/39718/intel-xeon-processor-w3520-8m-cache-2-66-ghz-4-80-gts-intel-qpi/specifications.html وبالتالي أي معالج من جيل أحدث هايكون بمقبس مختلف ومش هايركب على اللوحة الأم القديمة، وعشان كدة لازم اللوحة تتغير معاه. مش منطقي تشتري معالج من نفس الجيل لأن أداءه مقارب للقديم وبفرض إنه لسة متاح في السوق أساسا. دي قائمة المعالجات المتوافقة مع البوردة الحالية https://cpu-socket.com/cpu-list-lga1366/ الرامات كمان هاتتغير بما إن المعالجات و اللوحات الأم الأحدث هاتدعم DDR4 أو DDR5، مش الجيل الثالث DDR3 الموجود حاليا في الجهاز عندك. لو هتشتري جديد، الأفضل تشتري المجموعة دي - المعالج أو البروسيسور ، واللوحة الأم، والرامات - من أحدث جيل. إذا كنت هاتغير كل دة، أنصحك تغير القرص للصلب Hard disk وخاصة لو كان ميكانيكي أولا لأنه غالبا قديم وعمره الافتراضي بينتهي حتى لو لسة شغال معاك، وثانيا لأنه هايكون نقطة اختناق في أداء أي معالج حديث. لو الامكانيات المادية تسمح، اشتري SSD. متوسط سرعة الهاردات الميكانيكية حوالي 100 ميجابايت، في مقابل 600 ميجا بايت في الثانية ودة باختصار مُخل لأن التفاصيل كثيرة. وحدة الطاقة Power Supply Unit احتمال تحتاج تتغير حسب المعالج الجديد وحسب تقديرك لعمرها وحالتها، وإذا كانت تدعم توصيلات SATA ولا لأ. بعض أنواع اللوحات الأم وBIOS تقدر تعرض إذا كانت الفولتات الخارجة منه مطابقة للمطلوب ولا لأ ودة في الأجهزة القديمة فقط لأن ترددات مكوناتها كانت ثابتة وبالتالي الفولت إللي بتشتغل عليه ثابت. الأجيال الأحدث مختلفة في النقطة دي وتردداتها وفولتاتها متغيرة. ممكن فحص ظاهري للمكثفات داخل الباور سبلاي يساعدك في اتخاذ القرار بتغير ه أو إعادة استخدامه. هل يوجد أي مكثفات منتفخة ولا لأ، عادة دي بتكون أوضح علامة على تدهور حالته ووصوله للمرحلة الأخيرة. حسب كارت الشاشة والمعالج، راعي إنك تشتري باور سبلاي بقدرة مناسبة تكفي الاتنين. بعض أعلى كروت الشاشة النهاردة بتحتاج 450 وات، وأقوى المعالجات بتحتاج 130 وات، وبالتالي إنت محتاج في الحالة دي باور سبلاي 850 وات على الأقل - عشان تغطي كمان الرامات والهاردات والمراوح وأي أجهزة USB. لو الظروف لا تسمح حاليا بشراء جهاز كامل جديد، ممكن تكتفي بتغيير الهارد وتشتري واحد SSD ولو كان صغير، واستخدم الهارد القديم الكبير في تخزين باقي بياناتك زي الافلام والالعاب. كدة نظام التشغيل هايكون أسرع بكتير وممكن تشعر بفرق جيد في الأداء العام. كارت الشاشة رغم إنه من جيل قديم لكنه قابل لإعادة الاستخدام في الجهاز الجديد. مع ذلك، ممكن تشتري معالج CPU جديد بكارت شاشة مدمج فيه، وحسب المعالج ممكن يكون الأداء أفضل أو على الأقل مكافئ. لما تشتري الجديد إن شاء الله، ممكن تحتفظ بالقديم كجهاز ثانوي لو محتاج حاجة زي كدة. رغم إنه قديم، لكنه كان مصمم عشان يشتغل بدون انقطاع لشهور بدون مبالغة. ممكن يشتغل سيرفر لمكتبة الفيديوهات مثلا لو عندك تلفزيون ذكي باستخدام برامج زي Plex أو Kodi. انتبه إن الأجهزة المستعملة المستوردة بيتم التسويق ليها في العادة على أنها الأجهزة الخارقة المصممة للجرافيك والألعاب ودة صحيح فعلا، لكن من 10 و15 سنة. ما تشتريش منها إلا إذا كانت من جيل حديث نسبيا. وانتبه في شراء المكونات الجديدة تكون متوافقة مع بعضها ومن نفس الجيل. حاليا بروسيسورات انتل من الجيل 12 و 13 و14 ليهم نفس Socket واسمه LGA1700. بس الجيل 12 بيشتغل مع رامات DDR4 فقط، و13 و14 بيشتغلوا مع DDR4 وDDR5. طبعا لازم تتأكد إن البوردة بتدعم نوع الرامات إللي عاوز تشتريه.
تم النشر الأربعاء، ٩ أكتوبر ٢٠٢٤
طالما سالت كذا حد متخصص وقال كدا يبقى دا اعلى بروسيسور تشيله البوردا ساعاتها دامعناه انك تشترى كيسه جديده/ الجهاز اقوى تقصد اسرع: يعنى بروسيسور اعلى ورامات احدث ودا طبعا غير متاح/ممكن تركب هارد اضافى ssd بس اظن هيبقى تحسن بسيط/ ممكن تفكر تشترى جهاز وارد خارج بمواصفات اعلى بحيث تبيع اللى عندك وتدفع الفرق./انا مش متخصص بس حبيت اشاركك براى
تم النشر الثلاثاء، ٨ أكتوبر ٢٠٢٤
مرحبا مصطفي، بالنسبة لتطوير الكمبيوتر، هناك بعض النقاط الهامة التي يجب أخذها بعين الاعتبار لتعزيز أداء جهازك: تغيير المعالج: إذا كنت ترغب في تحسين أداء المعالج، قد تحتاج إلى البحث في توافق المعالج مع الماذر بورد الحالية. معالج Xeon W3520 هو معالج قديم، وهناك معالجات أحدث يمكن أن تعطيك أداءً أفضل، لكن كما ذكرت، قد يتطلب الأمر تغيير الماذر بورد وقد تحتاج أيضاً إلى كيسة جديدة لاستيعاب المواصفات الحديثة. كارت الشاشة: كارت الشاشة Nvidia GeForce GTX 750 Ti يعتبر مناسباً لألعاب معينة، ولكن هناك كروت أحدث يمكن أن تقدم أداءً أفضل. إذا كنت من محبي الألعاب أو تحتاج لجهاز قوي في الرسوميات، من الأفضل التفكير في ترقية كارت الشاشة. الرامات: إذا كانت الرامات لديك جيدة، فستكون متوافقة مع المعالجات الحديثة، لكن تأكد من ذلك. الهارد: الهارد HDD يمكن أن يكون نقطة ضعف في الأداء، لذا يفضل تغييره إلى هارد SSD. الهارد SSD سيزيد من سرعة تحميل النظام والبرامج بشكل ملحوظ ويجعل تجربة الاستخدام أكثر سلاسة. أفضل حل: إذا كنت تبحث عن تحسين أداء الجهاز بشكل عام، فقد يكون الأمر الأفضل هو تغيير بعض القطع مثل الهارد إلى SSD وكارت الشاشة إلى موديل أحدث، ولكن إذا كنت تفكر في تغيير المعالج، فقد تحتاج إلى النظر في بناء جهاز جديد بمواصفات حديثة. إذا احتجت إلى مزيد من التفاصيل أو المساعدة، فلا تتردد في طرح المزيد من الأسئلة. أتمنى لك التوفيق في تطوير جهازك!
تم النشر الثلاثاء، ٨ أكتوبر ٢٠٢٤
لعرض السؤال في فدني اضغط هنا