مشكلتى تكاد تكون غريبه شويه بصراحه او انا حساها غريبه 😅
انا كنت عايشه ف السعوديه ١٧ سنه ونزلت مصر دخلت جامعه واتخرجت من سنه ونص تقريبا الحمدلله المشكله بقا انى كل ما اجى انزل شغل احس انى مش لاقيه نفسي مش عارفه اتعامل مع حد ومش عارفه اتعامل مع ضغط شغل وبحس انو لما حد بيجيب سيرة شغل بحس انى مش عايزة اسمع وانو كأنهم بيقولو حاجه غريبه وحاجه مش على هوايا والحاجه اللى مش فاهمها ف نفسي انو كل ما اروح شغل امشى مبكملش اسبوع بحس انو بعمل حاجه انا مش حباها بس ف نفس الوقت انا عايزة فلوس فاهمين! 😅 وانا بصراحه مش فاهمه نفسي انا عايزة ايه مش عارفه اخد قرار ف حاجه واهلى لما بيكلمونى ع الشغل او يجيبو سيرة شغل بحس انى مش طايقه اسمعهم بصراحه
انا جوايا حاجه رافضه فكرة الشغل دا اصلا بس الاهل بيضغطو عليا بالكلام ساعات ونصايح وكلام من دا كتير
* اتمنى اكون وصلتلكم احساسي وتفيدونى وانا عارفه انو ممكن تكون مشكلتى ملهاش حل بس عادي اعتبروها فضفضه 😅🤍
لا عمل للمرأة الا فى خدمة بيتها واهلها وفى سبيل الله
تم النشر الخميس، ٢٦ يناير ٢٠٢٣
دايما الاشياء حلها بسيط بس احنا اللي نعقدها.ذا اللي تعلمته مع الوقت،بكل بساطة اذا ما لقيتي نفسك بذا الشغل دوري عن شغل ثاني وثالث ورابع مايهم حتى لو طول عمرك دورتي اهم شي تلقين اللي يناسبك بالنهاية،الشغل اللي يناسبك مستحيل يكون ضغط عليك ابدآ،مهما كان صعب دامك تحبيه بتبدعين فيه صدقيني،ابحثي عن موهبتك لان لو دورتي عن الشغل حسب مرتبه مارح تنفعين فيه لانه ما يناسبك ذا شي طبيعي،فيه كثير اشياء ممكن تشتغلين فيها ومافي انسان معنده موهبه بشي معين،كل واحد عنده ميزة تخليه مختلف عن غيره ومصيره يلقاها مهما طال الزمن
تم النشر الاثنين، ٣٠ يناير ٢٠٢٣
بصي للشغل علي انه رفاهيه مش حاجه وحشه خالص والله بجد هتعملي منه معارف وصحاب شغل وفطار وغدا سوا هو اول اسبوع ممكن يكون صعب شويه بس انتي كل م هتقعدي في شغل هتحسي انك اتعودتي وحبتيه شوفي لو ليكي ف الكمبيوتر حطي السي في بتاعك ف اي شغل فيه كمبيوتر او اشتغلي مدرسه لكي جي او كول سنتر من البيت لو مش حابه تتعاملي مع الناس وجها لوجه بس الشغل هيغيرك وهيخليكي متابعه الناس بتتغير ازاي وبتعمل اي وهتعرفي تتعاملي مع الناس غير قعده البيت حابسه واكتئاب لدرجه لو صاحبتك زارتك مش هتعرفي تتعاملي معاها من كتر قعدتك لوحدك ومع اول قبض هتحسي بفرحه رهيبه وانجاز وهتحبي تجتهدي عشان مرتبك يزيد جربي انا كنت زيك كدا بس دلوقتي بعشق الشغل
تم النشر السبت، ٢٨ يناير ٢٠٢٣
والله انت زى الفل انا ضد فكرة عمل المرأة تمام عدا تربيتها للأطفال
تم النشر الخميس، ٢٦ يناير ٢٠٢٣
بتخافي من الالتزام؟ شعور الخوف ده اتجاه ايه كمان غير الشغل؟
تم النشر الخميس، ٢٦ يناير ٢٠٢٣
طيب ايه الحجات الي بتكرهك ف الشغل ومش بتقدري تتحمليها ومسببالك مشكله فيه هل الصحيان بدري ضغط الشغل ديكتاتوريه مدير مثلا مشاكل زمايل الشغل او عدم استيعاب مهام الشغل نفسه؟
تم النشر الخميس، ٢٦ يناير ٢٠٢٣
لعرض السؤال في فدني اضغط هنا