لو انا شخصية عندي طموح بس الكسل رهيب .. او في فكرة دايما في بالي او انا شايفة ان مهما ذاكرت او عملت حاجه مفيدة هنساها ومش هتعلمها زي الانجلش جبت كتب وسمعت بس بكسل ومبقاش عايزة اذاكر...ومش حاسه اني مثقفة حتي في تفكير وحابه اني اتغير بس مش عارفه ابدء منين وعايزة احب الحاجه اللي هعملها... وكمان ان دراستي في البيزنس ف حابه اغير واثقف تفكيري
فيدوني ❤️
تقريبا انت لسه مش عارفه ايه الطريقه ال مخك بيستجيب لها في التعلم اكثر في ناس لما تقرا المعلومة تثبت عندها وتزود عليها وتتعلم في ناس لما تسمع المعلومة تثبت افضل في ناس لما تشوف الحاجه مصورة وفيها حركه واكشن وصور توضيحيه المعلومة بتثبت عندها اكتر في ناس لما تتلقى المعلومة من شخص بتحبه اورتاح له وتقعد تتماقش معاه فيها بتثبت عندها في ناس لما يتقال لها الموضوع على شكل فزورة او نكته او قصه بتتشد اكتر وبتثبت المعلومة ال بتعرفها بعد القصه اكتر انت اشتريتي كتب بس متحمستيش تقرايها لانك غالبا مش دي الطريقه ال بتشدك للتعلم او بتثير فضولك ورغبتك اكثر المعلومة حاولي تجربي اكتر من طريقه واكتر من اسلوب لغاية ما توصلي لانك تفهمي مخك بيستجيب لانهي طريقه بالنسبه للكسل احيانا بيكون من الايحاء المعلومات المطلوب تعلمها كتييييييرة جدا جدا فالانسان بيرخي بقى ويحس انه مهعمل مش هيعرف يحصل على كل حاجه فيروح يسيب كل حاجه ودي حلها بسيط انك تخصصي لنفسك وقت ثابت رايق قصير يوميا وبسسس مثلا انت بعد المغرب بتكوني رايقه مخلصه معظم مسرولياتك. ومفيش حاجه شاغلاك خصصي عشر دقائق او ساعه فقط ومتزوديش عن كده في الوقت عشر دقائق او ربع ساعه تعلمي جزئيه صغيرة من الحاجه ال عاوزة تتعلميها سواء بالقراءة او بالسماع او باي طريقه واليوم ال بعده مراجعه سريعه عال تعلمتيه امبارح مع عشر دقائق معلومة جديدة وهكذا اهم حاجه وقت ثابت رايق قصير يومي بالتوفيق
تم النشر الاثنين، ١٨ مارس ٢٠٢٤
طرق النجاح محفوفة بالمخاطر وعليك أن تخطو أول خطوة بعد تحديد هدفك وسنجح
تم النشر الثلاثاء، ١٩ مارس ٢٠٢٤
الرسول عليه افضل الصلاة والسلام قالنا نتعوذ من الكسل لانه بيعطلنا اكتبي كل يوم مهامك وابداي بمهام بسيطه ونفذيها واحده واحده انك تحربي ومتنحجيش احسن من انك متحاوليش اصلا
تم النشر الثلاثاء، ١٩ مارس ٢٠٢٤
لعرض السؤال في فدني اضغط هنا