انا متزوجه من تمن شهور بعيد عن اهلي في منطقة تانية وبعيد عن اصحابي وكونت بشتغل واستقلت قبل الزواج لبعد المكان عن شغلي وحاليا انا حامل في الشهر السابع ومقدرش انزل شغل وطبيعة شغل زوجي بيرجع اخر النهار فعندي شعور فظيع بالوحدة والجديد اني بقيت اخاف لدرجه بطني بتوجعني كل ميجي ينزل لأصحابه شعور بينتابني اني مليش حد ولوحدي وفي نفس الوقت مش هينفع اقولو لا متنزلش خليك قاعد في البيت
عزيزتي، انا فاهمة انك في وضع صعب ومرهق نفسيا. في رأيي ممكن تعملي التالي: أولا، حاولي تشغلي نفسك بأي هواية أو شغلة بتحبيها زي القراية أو الإبداع أو حتى الطبخ. ده هيساعدك تنسي الوحدة والقلق والخوف. ثانيا، ساعد روحك بالتمارين الرياضية البسيطة زي المشي أو اليوغا. ده بيفرز مواد كيميائية في الدم بتريح المزاج. ثالثا، تواصلي مع أهلك وأصحابك عن طريق الفيديو كول. حتى لو مش هتقابليهم، سماع صوتهم هيريحك ويقلل الشعور بالوحدة. رابعا، متخافيش تتكلمي مع زوجك وتقل له انك بتحسي بالقلق والخوف وانه محتاجة لدعمه وحنانه. زوجك هو أقرب شخص ليكي وبتقدري تعتمدي عليه. أتمنى ان النصائح دي تفيدك. واذكري إن كل حاجة بتعدي والحمل ورعاية الطفل فترة مؤقتة. ربنا معاكي يا غالية.
تم النشر السبت، ٨ يوليو ٢٠٢٣
ربنا يقومك بالسلامة ويرزقك ساعة مريحة أهم ما فى الموضوع كله صحتك انتى والبيبي الخوف شعور صحى وطبيعى فى التوقيت ده هونيها على نفسك هتهون انتى وجوزك فى مرحلة جديدة كليا عليكو عشان تكملو حياتكو بسلام وانسجام كاسرة سوية البداية هتيجى من الكبار انتو يعنى . بمعنى المشاركة والصراحة اساسى بلاش حملك يكون البداية لبناء مسافة بينك وبينه وتستمر ف زيادة كل يوم دور زوجك ف حملك يسمعك ويساعدك وتختارو كل تفصيله سوا خلى الدكتورة بتاعتك تتكلم معاه وتلفت نظره . بالنسبة لوقتك وهو ف شغله ثقفى نفسك ثقافة الامومة بحر معلومات لا نهاية له (صحيا وتربويا وتغذية وعناية ...) استغلى الوقت بعد الولاده مش هتلاقى وقت للنوم اول ٣ شهور ... وكل فترة وليها التزامتها ،اسبقى بخطوة وعيشى حياتك واستمتعى بيها ربنا يرزقك خلف صالح
تم النشر الاثنين، ١٠ يوليو ٢٠٢٣
اقرأي قرآن ودايما خليه شغال واتعلمي مهاره جديده اعمل حاجه بتحبيها اسمع فديوهات عن تربيه الاطفال بما انك حامل وهيكون معاكي بيبي ومش فكره ان زوجك يقع ف البيت الفكره ان هيقعد معاكي اخرجوا سوأ اتمشوا
تم النشر السبت، ٨ يوليو ٢٠٢٣
سؤال مهم ليه خايفة تقوليله اقعد معايا؟ هو ده دوره اصلا انه يطمنك و تلاقي وقت ما تحسي انك محتاجه ضهر و سند و أمان هو ده دوره الطبيعي. اطلبي منه قوليله الي بتمري بي و فهمي ان الاحاسيس دي غصب عنك و دي هرمونات حمل و انك محتاجاه في الوقت الي بيقعدوا تحت مع صحابه يبقا معاكي فيه بس اطلبي ده بكل ودّ
تم النشر السبت، ٨ يوليو ٢٠٢٣
اقراي قران لو عندك جيران اتعرفي عليهم انزلى الشارع اتمشي اطبخي سلي نفسك ليه ماتجبيش ماما تقعد معاكي شويه
تم النشر السبت، ٨ يوليو ٢٠٢٣
اولا انتِ اخترتي شخص عشان تكملي معاه وكنتي عارفه اكيد انك هتكوني في مكان بعيد بعدين اكيد له اهل ممكن تصاحبي ناس جديدة، مينفعش تقوليه حاسه اني تبعاته ومحتاجه تكوني معاايا قوليها بلطف شوية وهو ان شاء الله ربنا يهديه
تم النشر السبت، ٨ يوليو ٢٠٢٣
لعرض السؤال في فدني اضغط هنا