أنا بنت من فتره أنا وواحد زميلي اتصاحبنا وقربنا من بعض وبقينا بيست فريند وكل حاجه بنحكيها لبعض بس هو كان مرتبط وانفصل قبل ما يعرفني المهم الاول كان معظم كلامه عنها وكدا وماكنش بطريقه ايجابيه أنه كره الحب والصنف عموما بسببها وكدا وساعات بحس أنه لسه بيحبها بس مش عايز يرجع ليها ومن فتره كلامه معايا وطريقته كانت قريبه اوي مش مجرد اصحاب بس أنا كنت بعمل عبيطه و المشكله اتعلقت بيه بس هو طلع شايفني صاحبه او مش عارفه بحس أنه مش عايز يخسرني لكن بردو مش عايز يبقي في حاجه معرفش بقى وباليومين والتلاته ميكلمنيش وفجاه يتكلم وساعات كلامنا يطول وساعات ممكن تبقي مسدج واحده في الاسبوع وبقى بيتأخر عليا في الرد وانا بعمل أنه مش فارق بس حاسه أنه مش من حقي ازعل لان احنا اصحاب وبس وهو موعدنيش بحاجه غلطتي اني اتعلقت بيه عايزه حل وكمان أنا بحاول ابعد مش عارفه بحس أنه بقي خلاص شخص مهم في حياتي
هو يعتبر كان بينساها بيكي عشان متضحكيش على نفسك انا معرفش اعمركم اي بس هو مقلكليش برضو اي الأسباب ال خلتو انفصل هل مديات مثلا أنه مقدرش يتقدم لها ومش جاهز ؟؟؟؟ فا كل دى اسباب تخليه حتى لو دخل علاقه جديده مستحيل يرتبط لانه عارف اي ال مستنيه انا شايف أن كل واحد فيكو يركز ف حياته ولما يكلمك تبقي تفهمي منه أسبابه بس برضو متفرضيش نفسك عليه الحب والصداقات لما بتتطور بيبقا في الغالب نهايتها مأذيه ل طرف من الاتنين انا مش بعقدك بس دى حقيقه لان سنكم صغير
تم النشر الخميس، ٢٦ سبتمبر ٢٠٢٤
انتي مش حاجه اساسية في حياته و ده واضح من كل اللي حكيتي انتي بالنسبة له مجرد لعبة لتقضية الوقت الظريف معاها و ربما يقولك انك حد مهم و انك حب حياته لاحقا او انه بيفكر فيكي كتير قوي و الحقيقية انك تصدقي لانه العكس انتي اللي شاغلة نفسك بيه و مهتمة اكتر من اللازم و كسرتي الحدود بينك و بينه و سمحتي له يقرب و للأسف بعكسه انتي معندكيش تجارب و خبرات عاطفية و سهل يتضحك عليكي يعني واحدة عديمة الخبرات العاطفية بتتعامل مع شخص متعود يخرج من علاقة يدخل التانية و واضح انه عنده مؤهلات و طرق تسهل له الموضوع ، و تكنيك انه يقرب و يبعد ده مش حاجه جديدة كل ده وارد قوي يتعمل مع ( لعبة ) .. الخلاصة .. خلي بالك البنات بتتدمر عاطفيا و نفسيا من علاقات زي دي لازم لازم لما تخرج من العلاقة دي تكوني خسرانة حاجه او اكتر .. نصيحتي ليكي حطي حدود و ابعدي و ركزي في مستقبلك و حياتك افضل و المرة الجاية لما تتعرفي بأي حد بلاش ( تحكي له كل حاجه عنك علشان ميبقاش عارف نقط ضعفك و يستغلك او يتحول لعدو و يفضحك مثلا بعلاقتك معاه لانه لو دا حصل مش هيقول الحقيقية هيكدب و كدبه ده هينعكس علي نفسيتك .. فبلاش
تم النشر الخميس، ٢٦ سبتمبر ٢٠٢٤
ما هو لو فى صداقة بين الولد والبنت كنت هناقش معاكى الموضوع بس للاسف هو بند مش اصلا فى الفطرة الطبيعية الطبيعى ان الراجل والست ينجذبوا لبعض ويقربوا بهدف الارتباط اللى هو الجواز المسميات الاخرى اخترعناها للتحايل على احتياجاتنا بدون الالتزام بالارتباط فالولد يحط البنت فى خانة اسمها اصحاب عشان يبقى يروح ويجى عليها لسد احتياجة انه راجل مرغوب وانه بيعرف يشد البنات ناحيته والبنت تحط الولد فى خانة الاخ والصاحب والبيست عشان تسد احتياجها انها مرغوبه وحلوه وفى حد شايفها مميزة وبيمدح فيها وممكن يعجب وهى اللى تبقى بترفض بقى لو حطيتى الامور فى مسمياتها الصح هترتاحى كتير لانك هتكونى واضحة مع نفسك اكتر انتى وهو بتسدوا فراغ طبيعى موجود عندكم انتوا الاتنين وبتحاولى تقولوا انه عادى ومش فارق بس لا هو فارق ومش عادى عشان كل واحد نفسه فى الاحساس اللى ناقصه
تم النشر الخميس، ٢٦ سبتمبر ٢٠٢٤
بينساها بيكي🙂 انا اتوجعتلك والله🙂 هي سابته او هو سابها وأكيد كانوا متعلقين ببعض وكلام كله حرام - حفظنا الله و أعزنا الله- فدخل في مرحلة الحزن بقا واكتئاب وكدا وعشان مايحسش بضعفه او مايحسش انه محتاج ليها اتعرف عليكي عشان تملي الفراغ اللي سابته ولما كلمك وقالك كلام قريب اوي كان بس عشان حن مش أكتر للأسف، والعلاقة اللي من النوع دا مش بتدوم لإنه بياخدها فترة مؤقتة يعدي بيها الظروف اللي هو فيها ويسيبها. وماتثقيش في واحد كان مع بنت قبل كدا لإنه في يوم من الأيام هيخليكي زيها. فنصيحتي ليكي انك تفكك منه والتعلق دا حسب مافهمت مكانش من مدة طويلة يعني هيكون سهل تتخطيه واعرفي انك غالية وعزيزة ماتسمحيش لواحد يلعب بيكي او ياخدك فترة ومفيش في الإسلام حاجة اسمها اصحاب بين ولد وبنت ومفيش كلام بينهم اصلا غير للحاجة الشديدة غير كدا ربنا بيبتليهم ببعض ويكونوا سبب في عذاب بعض. فانتي تختاري ايه تتعذبي وتسيبي نفسك لدا ولدا ولا تفضلي غالية مايكلمكيش غير اللي يستاهلك؟ الخيار ليكي بس الشاب دا نصيحتي ادعيله بالهداية وربنا يفكها عنه وسبيه.
تم النشر الخميس، ٢٦ سبتمبر ٢٠٢٤
بلاش من العلاقات المحرمه افضل حاجه انك تقربي من ربنا و معتيش تكلمي الولد ده
تم النشر الخميس، ٢٦ سبتمبر ٢٠٢٤
لعرض السؤال في فدني اضغط هنا