انا عندي ٢٢ سنة شكلي جميل مش وحشة خالص متعلمة تعليم كويس جدا وبشتغل شغلانة كويسة بتعليمي وعيلتي محترمين ومفيش حرفيا فيا اي حاجة متبقاش مقبولة بالنسبة لحد
اتعرفت ف حياتي علي شخصين وكانوا محترمين جدا وكويسين دايما ادي كل الحب والاهتمام والتقدير وحرفيا اكون اكتر خد متحمس اننا نكمل سوا حياتنا وكل حاجة وخلاص نوصل عند مرحلة الجد ومش بلاقي حد بيتقدم او يحصل حاجة تخليني اقول هو انا وحشة ف ايه علشان يحصل معايا كدا وافضل في اكتئاب لشهور والله حرفيا ببقي مقهورة كدا ومش راضية عن حياتي
حسيت ان دا حرام وبعدت عن اي تعارف من غير خطوبة وفضلت كدا فترة لحد ماتعافيت من كل دا رغم اني متعافيتش ولا حاجة بس شبه اقتنعت ان مكنتش حاجة بتكمل بسبب انه حرام والكلام دا
كل اللي بيتقدمولي فيهم عيوب متتقبلش رغم بجد ان مواصفاتي كويسة جدا ومش بشكر في نفسي بس استاهل احسن من كدا بكتير
جه قريب واحد اتقدم بقاله ٣ سنين بيحبني وبيتحايل عليا اوافق انه يتقدم ومحترم جدا ومعظم مواصفاته كويسة
قولت خلاص دا العوض وهوافق خلاص
والله يابنات وافقت وفضل يقولي انه مش مصدق اني اخيرا وافقت وكل دا
عدي اسبوع واحد واحنا مخطوبين بعده اكتشفت انه بيدخل يكلم بنات في كلام وحش اوي فسخت الموضوع ومن ساعتها نفسيتي تحت الصفر ومش فاهمة انا ليه بيحصل معايا كدا ؟؟؟
انا مش معترضة والله علي حكمة ربنا بس انا اتكسرت كتير اوي واهلي شايفين في عيني الحزن وعايزين يفهموا لسه بيحصل معايا كدا بس مبيقولوش
انا والله استاهل كل خير وبقدم كل حاجة كويسة ليه بيحصل معايا كدا؟؟
انا بصلي وصاينة نفسي وشايفة مصلحتي بعيد عن اي حاجة وحشة
اي الحكمة من ان دا كله بيحصلي ومبقيتش عارفة اثق في حد
رغم اني اكتر حد بحب من قلبي وبهتم وبجيب هدايا وبقول كلام حلو وبعد مااي موضوع من دول بيخلص بلاقي الطرف التاني عايش حياته وحب وخطب وزي الفل وانا ال متدمرة
ليه كل مرة بتكسر والدنيا بتيجي عليا وانا معملتش اي حاجة ان دا يحصلي
انا منهارة ومش قادرة اطلع من دماغي كل مرة اتسابت فيها بطريقة تكسرني وتهدني
انا تعبت والله ومبقيتش فاهمة حاجة في حياتي ولا قادرة اكمل حاجة
ولا قادرة اثق في حد
انتى معندكيش مشكله ولا حاجة كل شئ قسمة ونصيب إلى انتى كنتى مخطوبالو اشكرى ربنا انو كشفهولك دلوقتى احسن ماكنتى تكتشفي خيانته قدام انسى كل إلى فات وكويس انك منعتى الكلام من غير خطوبه لانو حرام وممكن يكون مجرد تسليه بمشعرك مش اكتر وانتى تكونى الضحيه حافظى على مشاعرك وطقتك للشخص الصح والوقت المناسب ومش معنى أن خطوبة باظت يبقى فيكى عيب لا فى ناس كتير بتفشكل عادى لانه فى الاخر قسمة ونصيب ولسه نصيبك مجاش إلى يستهلك ويقدرك وربنا هايعوضك خير
تم النشر الجمعة، ٢٨ يونيو ٢٠٢٤
واضح ان حضرتك مضغوطة شوية لأن الموضوع مش مستاهل كل ده الغي كل اللي حصل قبل ما تعرفي انها كانت علاقات حرام دلوقتي حد اتقدم و محصلش نصيب ف خلاص نتجاوز ده و نركز في حياتنا و كل حاجة لها وقتها الموضوع بسيط فيه دورة كويسة جداً للدكتور عبدالرحمن بن ذاكر الهاشمي اسمها " مع نفسي " إن شاء الله تفيدك
تم النشر الجمعة، ٢٨ يونيو ٢٠٢٤
حبيبتي، أحس بوجعك وحزنك، وأكيد الموضوع مش سهل خالص. أولاً، خليني أقولك إنك مش لوحدك، كلنا بنمر بفترات صعبة ونواجه مواقف زي اللي بتقولي عليها. صحيح، انتي عملتي كل اللي عليكي، وتبدو أنك بنت مميزة جدًا بكل حاجة. لكن أحب أقولك إن التجارب المؤلمة دي هي اللي بتشكلنا وبتقوينا وبتعلمنا دروس كتيرة في الحياة. ممكن يكون الوقت ده صعب والموقف الحالي مش مفهوم، لكن ثقي إن ربنا عنده حكمة أكبر بكتير من اللي ممكن نتخيلها. أحيانًا، ربنا بيبعت لنا تحديات عشان نتعلم حاجات معينة أو عشان يبعدنا عن شخص مش مناسب لينا بشكل مش كنا حنقدر نشوفه بنفسنا. النقطة التانية وهي الأهم، إنك لازم تشتغلي على علاقتك بنفسك وثقتك فيها. خدي وقتك في التفاعل مع مشاعرك وفهمها. ممكن تتعلمي حاجات جديدة، تطوري من نفسك، وتستمتعي بحياتك ببساطة. ولازم تعرفي إن الثقة بناس تانية بتتكون بالتدريج ومع الوقت. مش لازم تثقي في حد بسرعة، ولازم تحطي لنفسك حدود وتحترميها. ومفيش حاجة غلط في إنك تكوني حذرة. آخر حاجة، حاولي تتجاوزي الماضي وتبدأي من جديد. خدي الوقت اللي تحتاجيه، وممكن تفضفضي لأقرب الناس ليكي أو تستشيري معالج نفسي لو تحسين إنك مش قادرة تتغلب على المشاعر دي لوحدك. وافكري دائمًا إنه لما باب بيقفل، باب تاني بيتفتح، وقد يكون الشخص المناسب لسه مجاش. الأهم إنك تفضلي واقفة على رجلك وتثقي في ربنا وفي نفسك. أنا جنبك، وكلنا معاكي. انتي مش لوحدك، وكل ده هيمر وهتبقي أقوى وأحسن بإذن الله. keep shining يا جميلة! 🌟
تم النشر الجمعة، ٢٨ يونيو ٢٠٢٤
السلام عليكم طب خليني اقول لك يعني الحمد لله ان شكلك جميل الحمد لله ان ربنا عليك باهل يقدروا يعلموكي تعلموه كويس جدا الحمد لله ان لك من الارزاق الزياده كمان انك تشتغلي شغل كويس والحمد لله ان رزقك اهل كويسين محترمين وان عندك نعم كتيره جدا جدا. غصبا عننا ان ما بناخدش بالنا من النقط اللي انا هشرحها لك دي. وهي اللي بتخلي الواحد يكون متضايق زي ما انت متضايقه كده بالظبط اول نقطه هو ان احنا بنعد الحاجات اللي عندنا على انها مميزات وكاننا احنا اكتسبناها بنفسنا. اييي الحقيقه انه اي حد فينا عنده من المميزات هي زي ما انا كده كنت بقول لك الحمد لله انها ارزاق فانا رزقت الحاجات دي انا رزقت الشكل ده رزقت الاهل دول التعليم ده فانا واخده نصيب محترم كبير جدا من الرزق في حاجات كتير انا وانا بعدها فاكره ان هي اشياء املكها. اشياء ممنوحه الي يعني ربنا منحني الارزاق دي واللي انا محتاجه اعمله على الحاجات دي ان انا اشكر وجود الحاجات دي. من غير ما نحس اييي بنبدا نشوف الحاجات دي كانها حاجات احنا موجوده عندنا فلذلك نستحق نكافئ عليها انه طالما انا عندي الحاجات والمميزات دي فانا استحق المكافئه ان كمان يزيد فوقيهم واحده كمان بان يتيسر لي رزق جديد هو الموضوع بيبقى غصب عننا بيمشي بالطريقه دي واحنا ما بنحسش ان احنا بنفكر كده بنحتاج نركز بقى في ان احنا نعدل الميزان ده شويه. اييي ايا كانت كل مميزات اللي عندك فهي رزق ربنا اداه لك وانت بتبصي عليه بصي على تقله الحاجات دي كلها حاجات تقيله ولان هي انت اخدتيها من غير حولي منك ولا قوه ربنا اديها لك من غير ما انت تعملي حاجه. فمح محتاجه قصادها تشكري ربنا كتير جدا جدا لان ربنا في كتابه العزيز قال ولا ان شكرتم لازيدنكم قصاد الحاجات اللي اخذتيها اشكري ربنا كتير جدا جدا جدا عشان يزيدك عشان يديكي من الثاني ده اللي انت لسه باصه عليه ان لسه ما جاش اللي هو الزوج الصالح او الحد المناسب انه يتقدم لك وتعيشي معاه حياه ان شاء الله كويسه اشكري ربنا على اللي موجود الاول والشكر ما بيبقاش بس بكلمه الحمد لله تطلع من لسنه محتاجينها تطلع من قلبنا محتاجينها تطلع في كل تصرفاتنا ان وانا ببص لشكلي في المرايه احمد ربنا على شكلي وااا ولما اشوف حد ثاني مش بنفس مستوى جمالي امدح فيه فده نوع من انواع الشكر برضه للنعمه اللي عندي انا للرزق اللي عندي انا اني اجبر خاطر غيرك ااا لما الاقي اهلي حلوين وجمال اعمل لهم اي حاجه اقدر اعملها علشان اقدرهم واقدر احترامهم وجمالهم وجهدهم. عشان ابقى برده واحمد ربنا وبشكر نعمته دي علشان يزيدني عشان يديني اكتر لان انا محتاجاه. النقطه الثانيه اللي عايزاكي تاخدي بالك منها هي انك بتعملي عشان تلاقي دي مش قوانين الكون دي مش قوانين الارض ليه لانه في جزء غيبيات احنا ما نعرفش عنه حاجه. موجود فيه قانون ثاني خالص يعني قانون الكون مش انك لما هتحط كذا هتلاقيه كذا لا على فكره يعني لما لما تذاكر مش شرط تنجح على فكره اه احنا دائما بيتقالنا ذاكر عشان تنجح بس الحقيقه انا ممكن يحصل في الواقع ان انا اذاكر بس اجي وقت الامتحان يحصل معايا ظرف صحي او او اي ظرف خارجي خليني ما اجاوبش رغم ان انا ذاكرت وما نجحش فهو ده القانون الحقيقي بتاع الطبيعه وبتاع الواقع وبتاع الكون اللي احنا عايشين فيه متواجدين فيه طب هو ليه القانون ده موجود عشان في جزء غيبيات احنا ما نعرفهوش بيزيد على المعادله. فانت ممكن تقدمي اهتمام وتكوني كويسه جدا جدا جدا لكن لسه في حته في المعادله يعني نعمل زائد كده زائد ان الشخص مش مناسب ليكي فيساوي مش هتكملي معاه. ليه لان هو مش مناسب ليكي طب مش مناسب ليكي رغم ازاي ورغم ان في ظاهريا حاجات بتقول ان هو مناسب الظاهريه ده في جنبيه الزائد اللي انا قلتها لك دي انه مش مناسب بسبب الحاجات اللي انت ما تعرفيهاش زي التجربه اللي انت قلتيها انه الشخص طلع فيه حاجه انت لا تقدري على تحملها فلذلك يساوي في الاخر مش هتكملي معاك. فمش كل شيء بيكون قابل للاستحقاق زي ما انت مفكره او مطبوعه جواك الفكره دي انا هعمل عشان الاقي انا هاقدم عشان اخذ وشرط ان المعادله دي تحقق لا لان في جزء من المعادله انت متجاهلاه مش شايفاه ومش عامله له حساب ما ينفعش اقول لك واحد بيساوي اتنين لا لازم اقول لك واحد زائد واحد بيساوي اتنين عشان تبقى معادله صح فاا ركزي في النقط دي كويس قوي. لان دي اللي محتاجه تعمليها علشان تحسي باحساس مختلف علشان تشوفي الحياه بشكل مختلف وتفكري افكار مختلفه فبالتالي تطلع لك احاسيس ومشاعر مختلفه وتتقبلي بيها كل شيء بيحصل هتعرفي انه اا كل شيء لسه ما جالكيش فهو رزق لسه ما لكيش فيه نصيب لسه مش وقته لان كانت الاسباب مفيش حاجه اسمها اللي هو. انت ليه بيحصل معاكي كده انت بيحصل معاكي كده عشان انت لسه ما جالكيش الوقت اللي يحصل فيه معاكي عكس كده؟ لسه لم يقدر ليكي لو حابه تحطي مجهود حطي مجهود في الشكر كثير قوي اشكري ربنا بكل الطرق وكل الاشكال على النعم اللي عندك استخدمي النعم اللي عندك في اوجه الخير همم ودي بتبقى من اكبر مراتب الشكر اللي انت تعمليها لربنا انك تستخدمي النعم اللي اديها لك في الخير استعملي جمالك في الخير استعملي شغلك في الخير استعملي الدخل اللي بيجيلك في الخير استعملي اهلك وحب اهلك لك في الخير ان شاء الله تتحقق معاكي باذن الله زي ما ربنا وعده ولا يخلفه ابدا حاشاهم ولا ان شكرتم لازيد منكم كل ما تشكري ربنا باذن الله يزيدك من فضله ومن نعم ومن رزقه كتير جدا جدا جدا ولكن ما تتعمليش بالقوانين هي مش حقيقيه.
تم النشر السبت، ٢٩ يونيو ٢٠٢٤
لعرض السؤال في فدني اضغط هنا