ممكن اعرف سوق العمل في مصر محتاج ايه .... عشان اعرف احدد انا عايزة كلية ايه .. يبقي ليها مستقبل وشغل غير حاسبات.
حضرتك لو في حاسبات فحاسبات اكتر كلية ليها شغل ومستقبل ومرتباتهم عالية جدا تبارك الله ولكن هي عيبها ان شغلها بيحتاج تفرغ ووقت كبير اوي وده ال مش بيتناسب مع طبيعه مسؤولياتنا فيما بعد كبنات ولكنه مش مستحيل لو عرفت توفري له وقت بسيط ويكون الانتاج بعيد شويه او اشتغلت به بالاشتراك مع مجموعه وتقسمو المهام على بعض اما بالنسبه لسوق العمل محتاج ايه فرد الاخت جهاد اعتقد انه كان مفيد ولكن من وجهة نظري المتواضعه اعتقد ان الفترة الجايه كل انواع العمل هتكون مطلوبة وكل ال يقدر يقدم خدمة باجر كويس هيلاقي ال يطلبها منه لان حال البلد بيتراجع فمعظم الناس هتتجه للكسب في اي مجال ..بالتوفيق
تم النشر الأحد، ٨ يناير ٢٠٢٣
ادخلي اعملي سيرش عن اكتر المجالات اللي هتبقى موجودة في خلال ١٠ سنيين أو ال ٢٠ سنة قدام. هتقابلك مجالات كتير .. ادخلي اقري شوية في كل مجال .. اتفرجي على فيديوهات عنه سريعة شوفي طبيعة المجال .. هل فيه حاجه شدتك منهم ولا لا . بعد كده ادخلي ع اللينك ده https://www.for9a.com/learn/اختبار-تحليل-الشخصية-والتخصص-الجامعي-من-موقع-فرصة ده موقع اسمه فرصة عليه كورسات في جميع المجالات وعليه تخصصات ومنح كتير جدا . موسوعة بمعنى أصح .. وكمان هتلاقي تخصصات كتير في الموقع اقري عنها، واللينك ده خاص ب اختبار تحليل الشخصية والتخصص الجامعي. الاختبار ده هيدي ليكي توقعات عن الحاجات اللي هتكون مناسبة ليكي. وكمان نوع شخصيتك ايه! اعملي الاختبار ده في جو هادئ جدا، وتكوني انتي برده مش مشتتة .. وتحاولي ع الاسئلة صح فعلا يعني تكوني فعلا بتعملي ده أو هي ديه شخصيتك. لو معاكي أي حاجه مش واضحة ابعتيلي ... بالتوفيق والنجاح إن شاء الله
تم النشر الأحد، ٨ يناير ٢٠٢٣
مش حوار رغبه اي حاجه بتجيب فلوس 🙂
تم النشر الأحد، ٨ يناير ٢٠٢٣
ملكيش دعوه سوق العمل طالب ايه .. انتي بتحبي ايه تقدري تدخليه ف من حبك هتعرفي تنجحي في وبما انك نجحتي هتعرفي تلاقي ليه مجالات افرضي نفسك ع الحاجه مش العكس
تم النشر الثلاثاء، ١٠ يناير ٢٠٢٣
كليه تربيه طفوله مبكرا هي الكليه نفسها فيها نشاطات حلوه جدا ومختلفه وبعد اخر سنه هتتوظفي ومطلوبه جدا ف سوق العمل للبنت
تم النشر الاثنين، ٩ يناير ٢٠٢٣
انتي رغبتك ايه الاول؟ ثانيا اصلا مفيش سوق ف مصر💔😂
تم النشر الأحد، ٨ يناير ٢٠٢٣
لا ما هي الرغبه ومهارتك فيها هي اللي هتجيب الفلوس 🤷♂️
تم النشر الأحد، ٨ يناير ٢٠٢٣
لعرض السؤال في فدني اضغط هنا