السلام عليكم ورحمه الله وبركاته
كنت عايزه اسأل هو إحنا ليه جيلنا تعبان وهمدان نفسيا كدا عكس اجيال زمان
حتي مش نفسيا لا دا جسديا كمان تلاقي واحد او وحده في العشرينات بتشتكي من ألم ضهرها وتقولك مش لقيالي صحه !!
بجد اي اللي اختلف او اي اللي في جيل زمان مش في جيلنا ؟
ومخلينا طالعين أغلبنا تعبان نفسيا بالشكل دا
شكرًا على طرحكِ لهذا السؤال. والإجابة بالتأكيد طويلة وهناك دراسات ومحاضرات ونقاشات مطولة عن الأجيال. لكن اختصارًا، كل جيل ليس كسابقه حتمًا. المشكلة أن كل جيل يؤثر في الجيل الذي يليه بوضوح. الجيل الذي بدأت فيه النساء بالتحرر المندفع في الغرب والذي كان مبررًا وقتها نظرًا لقرون من ظلم المرأة واضطهادها، والتركيز على خروج المرأة للعمل تسبب في نشأة جيل من الأبناء لأهالي مشغولة وهذا بالطبع وصل إلينا. نشأ جيل الآباء والأمهات يعملون خارج البيت والتفرغ للتربية قليل جدًا، وهذا الجيل بدوره كبر وتربى على مفاهيم فيها الاسرة أقل تماسكًا ومع كل جيل يتربى الجيل التالي ليصبح أكثر انعزالا وتفككًا وحملًا للعقد النفسية المتوارثة وكل جيل يتنازل عن القيم أكثر وأكثر. كل جيل يُسقط تعاليم هامة من الدين ويُصبح ما كان حرامًا وعيبًا في الجيل السابق مباحًا وطبيعيًا في الجيل التالي. وما زاد الطين بلة التطور التكنولوجي والحرية في الكثير من الأشياء وتلاشي الحدود تدريجيًا بين الثقافات ودخول زمن العولمة وتسلل أفكار من ثقافات أخرى. كان من المفترض أن تكون التكنولوجيا وسيلة للبناء وهي في الأساس سلاح ذو حدين لكن مع عدم تفرغ الأهل للتربية على العقيدة والأخلاق ومراقبة الله تحولت التكنولوجيا لعامل هدم أكبر. ليس من ناحية تعريض الأطفال لأفكار مسمومة ومحتويات صادمة لسنهم الصغير والكثير من الجيل الحالي بسبب الانفتاح الشديد والتعرض للمحتويات الإباحية تولدت لديهم مشاكل نفسية واضطرابات أدت إلى مصائب. هناك الأوضاع الاقتصادية التي تزداد صعوبة فيزداد انشغال الأهل... حتى النساء اللاتي كنّ متفرغات في البيوت صرن يبحثن عن عمل ليساعدن في الظروف الاقتصادية الصعبة أو حتى يقمن بإعالة الأبناء وحدهن. الأمراض الجسدية أيضًا تابعة لما سبق... نفسية متعبة تؤثر على الجسم... نفسية متعبة تُفقد الرغبة في الحياة والتغيير واكتساب العادات الصحية. استخدام زائد للهواتف والحواسيب المحمولة يترتب عليه قلة حركة وانعدام نشاط واضطرابات غذائية ومشاكل في العظام والفقرات نتيجة لانحناء الرقبة باستمرار على الهواتف منذ سنوات الطفولة فتنتج مشاكل لم تكن تتواجد أصلًا إلا في أعمار الستينيات وأكبر. مع الانحدار المستمر لا أعرف كيف سيكون حال الجيل القادم وعلى أي قيم سيربيه الجيل الحالي. الله المُستعان.
تم النشر الأحد، ١٥ سبتمبر ٢٠٢٤
وعليكم السلام ورحمه الله وبركاته. اقول لك على اكتر العوامل وهي الدوشه الدوشه وغياب البساطه احنا بقى عندنا اكسترا وبقى عندنا اضافات في كل حاجه الاكل نحط اضافات كثير حاجات كثير ما كانتش موجوده زمان انواع توابل وانواع حاجات كلها بتعمل ايه كلها بتغير في طبيعه الاكل وبتغير في طعم الاكل وبتودي القيمه الغذائيه في حته ثانيه خالص. كل ده بيحصل في كل حاجه حوالينا كل البيانات اللي حوالينا بنفس المنظر بالضبط. دوشه البساطه بتنتهيي مدخلات كتير جدا جدا جدا بدورها في الجهاز العصبي. مشتتات كثيره جدا جدا خله الانسان مش قادر يرتاح من كتر ما هو بيحاول يلاحق على كل المشتتات اللي حواليه كل الحاجات دي عامله ضغط عصبي الجهاز العصبي محتاج حاجات ابسط من كده شويه علشان هو مش ملاحق على الجهد ده احنا جيل يعني الحمد لله خلقنا اكيد لهذا الزمن وعندنا القدره على تحمل ده ربنا يعيننا ويقوينا ويبعدنا عن فتن هذا الزمن دي اهم حاجه يعني احنا ما بقيناش عندنا نفس الصحه علشان خاطر احنا بقينا بنعمل جهد اكبر على فكره. برضه ذهني وعصبي اكثر منه جهد جسدي. فالحمد لله.
تم النشر الاثنين، ١٦ سبتمبر ٢٠٢٤
المشكله الحقيقيه فعلا ان احنا شفنا اللي هم مش شافوه احنا تعبنا احنا في جيل وهم كانوا في جيل ثاني الجيل بتاع زمان اعلى طموحاتهم كان ممكن ان هم يشتروا تلفزيون انما احنا جينا لقينا تليفونات نت كمبيوترات حياه سهله ممكن اكلم واحد صاحبي ما اعرفوش عن طريق ايموجي اعبر له عن مشاعري بضحكه مش انا اللي ضحكتها ولكن التليفون هو اللي بعت له الضحكه دي وهو صدق واقتنع وحبها المشكله الثانيه بقى ان احنا عايشين في عالم غريب فعلا عالم الاب بيعاير الابن انه بياكله مثلا انا عن نفسي عمر 23 سنه اتخانقت وسبت البيت لوالدي وانا عندي 16 سنه وبعدين امي واخواتي ما يقدروش يعيشوا معاه او يستحملوه جم عاشوا معايا بقيت من وانا عندي 16 سنه وانا شايل مسؤوليه اخوات وام وبيت وايجار وتعليم حاجه ما زعلتنيش بالعكس حاجه حسستني ان انا راجل ممكن اعتمد عليه ولكن في الفتره الثانيه بدات احس لوحدي ليه انا مش زي اصحابي صاحبي انا عنده 23 سنه وخاطب وعلى وش جواز او مخلص تعليم عالي ابص الاقي واحد مهندس الاقي واحد دكتور هو لسه ما تخرجش بس هو دخل كليه هندسه او كليه طب واللي دخل كليه شرطه بعد كده انا ممكن اقابل واحد صاحبي اقول له ازيك يا عبد الرحمن باشا مع انه صاحبي بالنسبه بقى للدراسه كان حلم حياتي ان اكون مهندس واسعه واذاكر واجتهد وافضل سبع ايام اذاكر انام ساعتين في اليوم عشان حلمي بعد بقى ما كملت 23 سنه ووالدي جه وشافني في الشارع وانا ماشي بالصدفه ولقيته واقف بيبص لي بصت استغراب مندهش بيقول ده ابني اللي انا سبته وهو عنده 16 سنه انا فخور بيك طب ليه ما كنتش فخور بيا في الاول بيحاول بقى على قد ما يقدر انه يتقرب لي ثاني بس انا مش عارف هل انا متقبل ولا مش متقبل الموضوع ده انا عارف ان انت كنت بتسالي سؤال عشان انت حاسه باحساس شبيه للاحساس اللي انا فيه وانا رديت باجابه ممكن تسد نفس الواحد ولكن انت لو قريت اللي انا قلته ده هتلاقي في اجابات كثير يعني لو انت عايشه وسط امك وباباكي واخواتك وفي بيت احمدي ربنا هنعمه دي انا النعمه دي انا كنت بدور على النعمه دي من وانا عيل او من وانا طفل زي ما بيقولوا فاحمد ربنا هم فعلا شايفين حاجات احنا بنعملها غلط ولكن هي بالنسبه لنا صح فعلا في حاجات في زماننا دلوقتي غلط وغلط جدا بس مش كل واحد بيستخدم الحاجه اللي قدامه في الغلط زي النت انا ممكن استخدم الانترنت في ان انا اتعلم برمجه كورسات انجليزي فرنش ممكن اتعلم لغه معينه حاجه معينه ممكن اشتغل عادي ممكن حد غيري يستغل ده في حاجه ثانيه ممكن يستغله في الشر انا هنا مش بتكلم على الشر عشان انا عارف ان في خيال واسع ممكن يفكر في الدارك ويب والكلام الهبل ده لكن انا هنا بتكلم عن الغلط ممكن الاجابه دي انا قلتها لحد ينصدم انا لحد الان فعلا ما كلمتش بنت واحده على حاجه اسمها نت او تعرفت على بنت جارتنا او الكلام ده فتلاقي اصحاب بيبصوا لي بصه انت متوحد او مريض نفسي ولكن بالعكس انا بحترم نفسي وبحترم اخواتي البنات اللي في البيت لان انا لو في موقف زي ده وعارف مثلا ان اختي ممكن تكون بتكلم حد انا شعوري هيكون درجه فظيعه درجه رهيبه ممكن اتجنن ممكن ممكن اعمل مشكله كبيره ولكن في احيانا انا مش هقول طبعا ان انا يعني انا كده جاحد بقلب ده فاحيانا كان نفسي الاقي واحده اكلمها او تكلمني وتسالني مالك اللي مزعلك لما الاقيها زعلانه اصالحها ولكن مش عارف هل انا صح ولا غلط ولا الناس كلها صح وانا اللي غلط
تم النشر الأحد، ١٥ سبتمبر ٢٠٢٤
وعليكم السلام ورحمة الله وبركاته، أختي الكريمة، أشكرك على طرح هذا السؤال المهم والذي يعكس فكر واهتمام جيلك. بالفعل، هناك العديد من العوامل التي تساهم في اختلاف جيلنا عن الأجيال السابقة، وإليك بعض العوامل الرئيسية: تغير نمط الحياة : جيل اليوم يعيش نمط حياة مختلف جداً عن الأجيال السابقة. زيادة التكنولوجيا واستخدام الهواتف الذكية والإنترنت أدى إلى قلة الحركة والنشاط البدني. كما أن الضغوطات اليومية المتزايدة في العمل والدراسة تجعل الكثيرين يسيرون في وتيرة سريعة وغير متوازنة. الأعباء الاجتماعية والاقتصادية : جيلنا يواجه تحديات اقتصادية واجتماعية أكثر تعقيدًا، مثل ارتفاع تكاليف المعيشة والبطالة، مما يسبب ضغوطًا نفسية وجسدية أكبر. الصحة النفسية : الوعي بالصحة النفسية زاد بشكل كبير في السنوات الأخيرة، مما جعلنا أكثر إدراكًا للمشكلات النفسية. الأجيال السابقة قد يكونون تعرضوا لنفس التحديات، لكنهم لم يتحدثوا عنها بنفس الطريقة. التوقعات العالية : الضغوط المتعلقة بتحقيق الأهداف والفشل في التنافس في معايير المجتمع تشكل ضغطًا نفسيًا أيضًا. هناك ضغط كبير على الشباب لتحقيق نجاحات سريعة مما يؤدي إلى مشاعر الإحباط في بعض الأحيان. التواصل الاجتماعي : في الماضي، كان التواصل الإنساني أكثر وثاقة، وكانت العلاقات الاجتماعية أكثر دعمًا. اليوم، قد يؤثر التواصل عبر وسائل التواصل الاجتماعي على نوعية العلاقات، حيث يمكن أن يؤدي إلى الشعور بالعزلة على الرغم من وفرة المعلومات. أنصحك بضرورة الاعتناء بنفسك والتواصل مع الأهل والأصدقاء لدعم بعضكم البعض. إذا شعرتِ بأن الأمور أصبحت صعبة عليك، فلا تترددي في طلب المساعدة من مختصين في الصحة النفسية. الحفاظ على الحياة والتوازن هو أمر مهم، ويجب علينا العمل لتحقيقه. أتمنى لك الصحة والسعادة.
تم النشر الأحد، ١٥ سبتمبر ٢٠٢٤
عندك اسباب كتيره منها ان اغلب الشباب والبنات بعاد عن الدين وعن ربنا (ومن أعرض عن ذكري فإن له معيشة ضنكا) ومنها بسبب الغلاء وان مفيش شغل في البلد وان احلام شباب كتير ادمرت بسبب ان مش قادر يحققها ولا في امكانيات هنا تحقق احلام وانا واحد منهم بس الحمدلله انها دنيا ليس باقيه لأحد
تم النشر الاثنين، ١٦ سبتمبر ٢٠٢٤
اه والله
تم النشر الاثنين، ١٦ سبتمبر ٢٠٢٤
أيوا منا بقولك كويس انها مش دايمه
تم النشر الاثنين، ١٦ سبتمبر ٢٠٢٤
هو سبب ديني اه وأسباب تانيه برضو وحقيقي اللي مصبرنا انها فانيه ومش هنعيش فيها العمر كله
تم النشر الاثنين، ١٦ سبتمبر ٢٠٢٤
لعرض السؤال في فدني اضغط هنا