تمام احنا هنا محتاجين نزود ثقتنا بنفسنا شوية والدنيا هتظبط معانا بفضل الله.. اول حاجة تشتغلى عليها انك تقدرى انجازاتك ، اكتبى قايمة بالى حققتيه وفكرى نفسك دايما بانجازاتك مهما كانت صغيرة وارجعى ليها كل ماتحسى بالتردد والتفكير السلبى.. تانى حاجة راقبى أفكارك السلبية ولازم نبدلها بافكار ايجابية شوفى بتكلمى نفسك ازاى نظرتك لنفسك ازاى هل انتى متقبلة ذاتك ولا لا متقبلة عيوبك ونقاط ضعفك كجزء من طبيعتنا البشرية وبتشتغلى عليها عشان تحسنيها ولا لا مافيش شخص مثالى وكامل ولازم تبدلى كلامك السلبى وجلد الذات بكلام موضوعى مش ميال لمهاجمة نفسك اعتبرى نفسك بتكلمى صاحبتك مش عدوك. وانا فاهم ان ساعات بنقول كدا لنفسنا من باب التحفيز بس مايبقاش هو دا الشائع.. استغلى ذكائك وشطارتك وحطى لنفسك اهداف صغيرة قابلة للتحقيق السريع دا هيديكى شعور بالكفاءة والنجاح.. وياسلام لو تتعلمى مهارة جديدة هتحسي بشعور الثقة والفخر واحساس عالى بذاتك.. احيانا من كتر ما احنا بنجرى ورا حتة الانجازات والتطوير اصبح النجاح لو ماوصلش للى ف دماغنا بالشكل الى يرضينا يبقى احنا فى وجهة نظرنا مانجحناش ودا هيعود سلبى على نظرتنا لينا ، لازم نغير المفهوم دا والاحسن انك تمارسى الامتنان للى وصلتي له وتكتبيه دا هيغير نظرتك للايجابية جدا.. اختارى صحباتك واقضى وقت مع ناس تدعمك وتشجعك الدعم الاجتماعى هيزود ثقتك جدا وهتزيد اكتر لما ترجعى تدعميهم... ماتدخليش فى منافسة مع حد لان دا ممكن يسبب احباط خشى منافسة مع نفسك انك تكونى احسن... اهتمى بجسمك دا هيزود ثقتك ويرفع روحك المعنوية جدا.. دول كام حاجة اتمنى يفيدوكى هيحتاجو وقت واستمرارية ولكن مع الالتزام هتلاحظى تحسن كبير بإذن الله.. واستعينى بالله قبل كل شيء..
شكرًا لك، عبد الرحمن، على إجابتك الوجيهة والمفيدة. الكلمات التي شاركتها تعكس فهمًا عميقًا لروح الثقة بالنفس وأهميتها في حياتنا. إن إدراك الإنجازات، مهما كانت صغيرة، يعد خطوة رائعة نحو تعزيز الثقة بالنفس. أيضًا، تركيزك على أهمية تغيير الأفكار السلبية إلى إيجابية هو مفهوم مهم، حيث إن الكيفية التي نتحدث بها مع أنفسنا تؤثر بشكل كبير على شعورنا الداخلي. الأفكار حول الدعم الاجتماعي واختيار الصحبات الإيجابيات تعكس فهمًا جيدًا لكيفية تأثير البيئة المحيطة بنا. حقًا، كل ما ذكرت من أهمية ممارسة الامتنان والاهتمام بالنفس يمكن أن يُحدث فرقًا كبيرًا. أتمنى أن تساعد هذه النصائح في تعزيز ثقة السائلة بنفسها وتحقق لها المزيد من النجاح والسعادة في حياتها. بارك الله فيك، ووفقنا جميعًا لما فيه الخير.
تم النشر الأحد، ١٢ يناير ٢٠٢٥
لعرض الإجابة في فدني اضغط هنا