انا اسمي فائزة بعاني كتير من جلد الذات بشوف كل الناس حلوين الا انا تعرضت سابقا بالانتقاد وتأثرت جدا انا اصبح لدي اكثر من مشكله اشعر بان لاجود لي بهذا العالم
السلام عليكم يا رب تكوني بخير وباحسن حال مش عارفه تتقبلي نفسك وشكلك لو فضلت كده ان قدامك برده مش هيتقبل شكلك ولا هيتقبلك انت كل دي افكار جواك حتى لو حصل انتقاد فالانتقاد ده لا يعنيكي انت او ده اللي ما بيقولش هي دي فايزه ده راي واحد. راي اثنين راي ثلاثه رايهم لا يمثلوكي انت يعني رايهم ده ما لهمش علاقه بيكي. فالكلام الناس زي ما بنقول كده ما نحطوش في الاعتبار خصوصا في نفسنا يعني انا ما اعرفش عنك انت متزوجه هل انت امها هل انت؟ يعني. غير متزوجه. فاكيد انت حتى اخت ابنه اللي لك ادوار كتير قوي قوي في الحياه. فاللي عايزه اقوله لك ان لو فضلنا نجلد ذاتنا اه انا وحشه او الناس بيقولوا عليا وحشه او الناس بيقولوا علي ان انا مش حلوه او انا شكلي مش حلو ده كله اللي هيحصل لك لما تقولي لنفسك كده اقول افكار اللي جواك هتفضل تقول لك كده انا لو فضلت كل يوم اقول لنفسي انا مش هيجي في يوم هص. ان انا وحشه حتى لو انا كنت جميله جدا ولازم نعرف ان ربنا خلقنا في احسن صوره وان انا لو فضلت فعلا اهتم بنفسي اهتم بجمالي الداخلي والخارجي الاثنين انا ربنا كده كده خلقني احسن صوره. كلامي ان الناس بيحبوا الست النقشه الذكيه الشاطره اللي بتعرف تتكلم اللي بتعرف تعبر عن مشاعرها اللي تبقى واثقه من نفسها مين قال ان الثقه بالنفس بتتكلم عن شكل او ان الواحد يحب الناس علشان شكله او علشان ااا او علشان حاجه مش بايده يعني الشكل ده مش بايدينا خالص اللي بايدينا اخلاقنا فاحنا لما نظبط اخلاقنا احنا ظبطنا شكلنا وظبطناه وكل حاجه في حياتنا فاا وقفي الافكار دي يا فايزه فيها وقفيها انك تشتغلي على نفسك بانك انت تهتمي بنفسك ودائما تقولي ان ده راي الاشخاص ومن راي الاشخاص ده ما بيعنيش ليا حاجه وان هو مش انا دي فكره. وخليكي واثقه ان ربنا خالقنا كلنا جمال كلنا فينا حته كده حلوه لازم نكتشفها وندور فيها ونبحث عنها. وهتلاقيها يعني انت هتلاقي في شخصيتك لما تسالي كده الناس اللي حواليك ايه الناس يكونوا عارفينك جدا مامتك جوزك اخوكي والدك صاحبتك ايه احلى حاجه فيها بتحبوها؟ هتعرفي ان في معاني كثير قوي غير الشكل. وهتقدري نفسك قوي وهتقدري شكلك لان شكلك ده سبحان الله يعني مثلا لو عينيك كبيره وجيتي حطيتي عين متوسطه هتلاقي لا شكلك مش حلو هو ربنا خلقنا على الشكل الجميل ده. فا اسال الله لك التوفيق والسعاده وكل الرضا تحياتي ليكي.
تم النشر الخميس، ٢٥ يوليو ٢٠٢٤
اولا ازاي ملكش وجود ف العالم دا انت طالما فيك النفس يبقي انت لازم تعافر وتكمل وتعيش حياتك بأكمل وجه .... ثانيا غالبا انت مريت بموقف او اكتر هز ثقتك بنفسك بس عادي كل مشكله وليها حل ....متخليش كلام حد ياثر فيك طالما سلبي واعتبر ان كلامهم مجرد رأي خاص بيهم....ولازم تحب نفسك وتعرف انك جميل وان انت حد مميز وان مفيش حد اقل منك ... متسمحش لحد يهز ثقتك فنفسك ابدا ...... ثالثا موضوع جلد الذات دا حاول تفكر شويه ف الموقف قبل ما تعملو ومتتسرعش ف اي حاجه بتعملها بحيث متسبش مجال لنفسك ان ترجع تفكر اصلا ف حاجه فاتت .... مش كل حاجه غلط بتحصل لينا لازم نبقي السبب فيها يعني حاجه مريت بيها او حصلت معاك متجلدش ف نفسك كل ال تعملو لو حاجه تقدر تصلحها متتاخرش ثانيه.... لو حاجه خلاص محتومه وحصلت وخلاص ومش هتعرف تغير فيها حاجه متفكرش كتير ولا تشغل بالك وفكر الاهم من جلد الذات ، تساعد نفسك انك متقعش فنفس الحاجه دي تاني... وربنا يصلح حالك🥰
تم النشر الثلاثاء، ٢٣ يوليو ٢٠٢٤
يا فائزة، اول شي احب اقولك إنك مش لوحدك، كتير ناس بيمروا بنفس المشاعر دي. مش سهل إن الواحد يتعرض للانتقاد ويتجاهله، وده ممكن يأثر على ثقتنا بنفسنا. خليني أقولك بعض النصايح اللي ممكن تساعدك: ذكراتك الإيجابية : حاولي تكتبي كل يوم 3 حاجات إنتي فخوره بيها في نفسك. ده هيساعدك تفتكري إنك فعلاً عندك مميزات كتير. تلبية احتياجاتك : خصصي وقت لنفسك وللأمور اللي بتحبيها. سواء كان رياضة، قراءة، او حتى قضاء وقت مع الأصدقاء والأهل. مقارنة نفسك بنفسك فقط : ما تقارنيش نفسك بحد تاني. كل واحد عنده مميزاته وعيوبه، إنتي شوفتي الناس بس من بره، ما تعرفيش هما بيعيشوا ايه من جوه. علاج ذاتي : مواجهة الانتقادات اللي تعرضتي ليها، والتعامل معاها بدعم من مختص اذا احتجتي. الوقت مع معالج نفسي ممكن يساعدك تفتحي صفحة جديدة وتبني ثقة جديدة بنفسك. مارسي التأمل أو اليوغا : دي ممكن تساعدك تهدي أعصابك وتفكري بشكل أوضى في الأمور. تذكري دايماً إنك تستحقي تكوني سعيدة وراضية عن نفسك. العالم مش هيكون نفسه بدون فائزة! انتي حد مميز وله آثار إيجابية في حياة الناس اللي حواليكي، حتى لو ملاحظةش ده دلوقتي.
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا