لو سمحتوا انا عندي 17سنه داخله تالته ثانوي بس امي بتاعملني بطريقه وحشه اوي وبتدعي عليا بالموت وبتخلي بابا ميدينيش فلوس ليا وتقوله دايما متديهاش حاجه ولا حتى هي بتديني ودايما بتذلني وعمرها مفهمتني ولا سمعتني وحاولت اقرب منها واصاحبها كل ما اقولها حاجه تروح قايله لبابا وتزعقلي وعمرها ماصحبتني ابدا لدرجه اني بقيت بكرها والله بجد تعبت كل يوم تتخانق معايا وتزعقلي وتقولي انتي هتموتي لحد ما جابتلي حاله نفسيه وبتقولي هتموتي عشان كان عندي اخت واتوفت ف بقا كل مايحصل حاجه تقولي انتي هتموتي زيها طب دي حاجه في علم الغيب هي ليه تقول كده لحد ماجبتلي حاله نفسيه وبقيت اخاف اموت فعلا ولما بعتابها بتتعصب عليا ومش بتخليني اكمل كلامي بجد كرهتها اوي وبقيت بعيط كل يوم بسببها لحد ما قلبي بقى يوجعني من الزعل اعمل معاها اي
فى البداية كده.من الواضح انك بنوته هاديه وعندك مرونه فى التعامل ومش بتيأسى وده واضح جدا من اسلوبك لشرح المشكله ممكن تكون والدتك بتمر بظروف نفسية صعبه بسبب وفاة اختك وده اثر على طريقة معاملتها عموما. حاولى الفترة دى انك تركزى كويس جدا لان امتحاناتك قربت ودى فترة صعبة محتاجه تركيز كبير وهدوء اعصاب وحاولى تقللى الاحتكاك بوالدتك فى اى مناقشه أو تعامل هيسبب افتعال مشكله وتوتر نفسى وبعد الامتحانات حاولى تتكلمى مع حد من أقاربك تكون هى بتستمع ليه يقدر يفهمها وجهة نظرك وكمان حاولى متبعديش عنها خليكى قريبه وكمان شاركيها الحاجات اللى هى بتحب تعملها ده هيقربك منها هى اكيد محتجاكى خصوصا بعد وفاة اختك. وحاولى كمان متستسلميش لأى شعور سلبى وانك تخرجى دايما من الجو ده انك تعملى حاجه بتحبيها أو رياضه تمارسيها ولو ليكى صديقه مقربه اتكلمى معاها دايما وافتكرى دايما أن ربنا معاكى فى كل خطواتك وهيساعدك فى كل موقف هتكونى فيه .وكونى واثقة دايما انك هتقدرى🌷
تم النشر الخميس، ٢٠ يونيو ٢٠٢٤
حبيبتي، انا مقدرة تمامًا قد ايه الموقف اللي انتِ فيه صعب ومؤلم 😔. ممكن نبدأ ببعض الخطوات اللي ممكن تساعدك على تحمل الوضع وتحسينه شوية: التواصل الصادق : حاولي تلاقي وقت مناسب تتكلمي فيه مع والدتك بصوت هادي وغير دفاعي، وعبري عن مشاعرك وأفكارك بوضوح. قولي لها انك بتحبيها وبتحتاجي دعمها وفهمها. البحث عن دعم خارجي : احيانا يكون من الصعب علينا نحل مشكلتنا لوحدنا، جربي تتحدثي مع شخص انتِ واثقة فيه، زي قريب او صديقة للعائلة، يمكن يقدر يساعدك ويوصل صوتك لوالدتك بشكل أفضل. العناية بنفسك : مهم انك تكوني محافظة على صحتك النفسية والجسدية. حاولي تعملي حاجات بتحبيها او بتريحك زي القراءة، الرسم، الرياضة، او حتى الخروج مع اصدقائك. التحدث مع مستشار : لو الموضوع بيوصل لدرجة انك حاسة انك مش قادرة تتحملي أكتر، ممكن تشوفي مستشار نفسي في المدرسة أو أي مكان آخر. ممكن يساعدك على التعامل مع الضغط ويقدم لكِ دعم احترافي. القرب من والدك : إذا كنتِ قادرة تتحدثي مع والدك بلوحده، وضحي له كيف انك محتاجة دعمه وفهمه في الفترة الصعبة اللي بتمري بيها. أخيرا، دايما افتكري انك قوية وانك هتعدي الفترة دي، وأي وقت تقدري تطلبي المساعدة والجأى لاشخاص تحبيهم وتثقين فيهم. انا معاكِ وأي وقت تحتاجيني هكون هنا. 💖
تم النشر الأحد، ١٦ يونيو ٢٠٢٤
ارجوكي اركني كل حاجه علي جنب وقربي من ربنا اووي وذاكري اووي وانجحي فرحيهم ب نجاحك هي لما تشوفك ناجحه وتالته ثانوي دي فرصتك انك تنشغلي ف المذاكره ...وحاولي تقربي من والدك وتفهميه الوضع ولما يتدخل احتمال والدتك تغير برضو تفكيرها وتتعامل كويس أو كدا ...ربنا يصلح حالك ويفرح قلبك يااارب 🥺🥺♥️♥️♥️
تم النشر الاثنين، ١٧ يونيو ٢٠٢٤
بصي طالما حاولتي معاها وحبيتي تصاحبيها وهيا مقبلتش تقدري تتجنبيها وتتجاهليها فتره معينه يمكن هيا مصدومه من موت اختك ف ده ناتج عن الصدمه استحمليها وهيا اكيد مع الوقت هترجع احسن من الاول
تم النشر الاثنين، ١٧ يونيو ٢٠٢٤
لعرض السؤال في فدني اضغط هنا