اختي كل شويه تحاول تستفزني وانا الاخت الصغيره أنا تعبت منها ومش عارفه اتعامل معاها واشكي لبابا وماما مش بيقفو جمبي خالص هي مشكل بسيطه بس بتتعب نفسيتي جدا منها مثلا بتفتح دولابي وتاخد من هدومي وهي عارفه اني مش بحب حد يقرب لحاجتي وعملت كدا كذا مره وانا سكت خدت المره دي بلوزه عارفه اني بحبها اوي قامت خدتها ولبستها اول ما لبستها جيت اتكلم واقولها تقلعها انا شفتها بتاخد من هدومي كتير وعديت قامت قلعتها ورماها في سله الملابس المتسخه عشان مش اخدها قولتلها ليه عملتي كدا قعدت تتخانق معايا وتقولي دا انتي مريضه وقعدت تقولي اني ناقصه ومريضه نفسيا مع اني مش جيت جنبها ولا عملت فيها حاجه وانا مش زعلت من الكلام عشان انا مش كدا بس انصدمت ليه بتعمل كدا وتقول كدا مع العلم انا مش بسكت لو حد جه عليا ومش بحب حد ياخد حاجتي وهي عارفه كدا اتهمتني اني مريضه وناقصه وقعدت تقول كلام وحش قولت لبابا وماما بابا قعد يقولي موضوع بسيط ولا كأني حكيت حاجه وكذا مره يحصل حاجات كدا وتشتمني وبابا مش بياخد موقف منها انا بجد تعبت منها ومن بابا وماما حتي محدش فيهم بياخد رد فعل ولا يزعق ليها ولا بيقوو ليها انتي غلطانه مع العلم هي دائما تعمل قدامهم انا مش غلطانه وانا عملت فيها حاجه وانا والله ما جيت جمبها ودايما بتبدأ دا ولو هي حتي غلطانه في حقي بابا وماما مش بيتكلم معاها مش عارفه ليه بيعملو كدا ولا ليه هي بتعمل فيا كدا
اولا هو موضوع مش بسيط زي ما بابا وماما بيقولوا دي غيرة مرضية لازم تعرفي تتعاملي معاها كويس اقعدي انت وهي في مكان هادي بعيد عن ماما وبابا واتكلمي معاها فهميها شعورك وخليها تفهمك هي بتتعامل معاك كده ليه لو الكلام مجبش نتيجة حاولي تتصرفي معاها بنضج وتعقل بعدها ولازم تخليها قريبة منك وبتحبك
تم النشر الاثنين، ١٩ أغسطس ٢٠٢٤
أختي، واضح إنك تعاني من موقف صعب جدًا مع أختك، ومش سهل خالص إنك تحس كدا. الهدف من تصرفاتها مضايقتك، وهي متعمدة، ومش البسيطة كما بقولوا. أول حاجة، حاولي تتكلمي مع أختك بهدوء، قولي لها إن تصرفاتها بتأثر عليكِ سلبًا وإنك مش مبسوطة. قولي لها بصراحة عن مشاعرك، يمكن تفهم وتتصرف بشكل أحسن. ثاني حاجة، لو بابا وماما مش واخدين بالهم من تصرفاتها، ممكن تحاولي تشرحي لهم بطريقة هادئة إن الوضع ده مضايقك، وإنك مش قادرة تتحملي أكتر. حاولي تشرحي لهم بالضبط إزاي بتأثري على نفسيتك. وفي نفس الوقت، حاولي تشتتي نفسك في حاجات تحبيها وتساعديك تتجوزي من المشاكل والضغوط. بتحبّي تدرسي، أو تمارسي رياضة، أو أي هواية تنسيكِ همومك. وأخيرًا، تذكري إنك تستخدمي تقنيات الاسترخاء، زي التنفس العميق، لما تحسي بالضغط النفسي. كل حاجة هتعدي، لكن خلي عندك ثقة بنفسك وبقوتك.
تم النشر الاثنين، ١٩ أغسطس ٢٠٢٤
لعرض السؤال في فدني اضغط هنا