انا عندي 16 سنه وتايه اوي اوي اوي مش عارف اعمل ايه
عندي الف هدف وفكره بس واقف مكاني عاجز مش عارف احقق حاجه ودا تعبني نفسيا جدا بس الحمدلله على كل حال
ياريت اعرف ايه المطلوب مني عشان اعملو وعاوز نصايح حد كبير وفاهم بعد اذنكم دي حياتي ومش عاوز حد يهبد فيها
السلام عليكم ورحمه الله وبركاته يعني اولا هقول لك انت بني ادم جميل جدا جدا وعايزاك تمسك بايدك وسنانك في الجمال اللي طلع منك ده دلوقتي وانت 16 سنه وتسجد كده شكر لله بانه يعني منور لك دلوقتي طريق لو ما لحقتهوش هتزعل لقدام انا بقول لك اهو عشان حد كبير وفاهم الحياة قُدام عامله ازاي فأكثر حاجه تهتم بيها في الفتره اللي انت فيها دي دلوقتي انك يكون عندك صحبه صالحه كل ما تلاقي نفسك وسط ناس بيتصرفوا تصرفات يعني مش هقول لك وحشه بس هقول لك تصرفات قدام هتزعل ربنا وهتزعل الاهل اوعى ابدا تمشي مع مع الناس دي ولا تقعد معاهم. اللي انت هتسيبهم النهارده وحتى لو في كده استمتاع في اللحظات اللي هتقضيها معاهم ما يسواش ابدا اللي انت هتكسبه قدام فاهتم بالنقطه دي كويس قوي الصحب بتفرق جدا جدا في السن اللي انت فيه ده. ثاني حاجه، مساله التحقيق او انك تنجز شيء او انك توصل لنتيجه انا عايزاك بقى تغير المعنى ده خالص يعني عايزاك تبدا طول الوقت تركز في انه اكثر حاجه انا محتاجه اعملها ان انا اجتهد يعني ايه اجتهد؟ يعني في ايدي دلوقتي مجهود هعمله بس كده بس كده مش اكتر من كده انت مش محتاج تحقق شيء كل حاجه انت بتعملها هي اجتهاد هي سعي ليه لانه ده اللي ربنا طالبه مننا جميعا بقى واحنا سننا صغير واحنا سننا كبير ربنا بيقول لنا شوفوا إيه في ايديكم دلوقتي من نعم ومن ادوات موجوده حواليكم استخدمها. استخدمها طبعا في كويس مش في الوحش استخدمها بس كده طب استخدامي ده. هيجيب لي النتيجه كويسه او هاوصل لنتيجه فظيعه؟ الله اعلم ودي حقيقه الدنيا انه دائما الله اعلم انا ممكن اعمل جهد كبير جدا بس ربنا ما يقدرليش ان الجهد ده يخليني اكون الاول على الجمهورية عادي جدا عادي جدا هل لازعل عن مجهود ده لا طبعا مش هزعل عليه لانه انا عملت المطلوب مني انا عملت اقصى جهد عندي وما قصرتش النتيجه دي اللي هي اللي ربنا قال لي خد دي نتيجتك دي اللي انا كتبتها لك فانا هقول له شكرا يا رب بس كده انا عايزاك تركز على النقطتين دول الصحبة الصالحة وانك تسعى تجتهد بكل حاجه موجوده في ايدك وبس.
تم النشر الجمعة، ٢١ مارس ٢٠٢٥
الحاجة الأولي والأخيرة الي لازم تعملها وانت عندك ستاشر وانت عندك حتي ست وخمسين إنك تقرب من ربنا حافظ علي صلواتك أذكارك قرآنك اسمع الشيخ الشعراوي برودكاست لشيوخ معروفين اعرف أكتر عن دينك لو عرفت ربنا ربنا هيسخرلك كل شئ كويس إن شاء الله ولازم تتقوي بدينك عشان انت لسه صغير و ياما هتشوف م الدنيا الدنيا مش وردي عفكرا لازم يبقي ليك أساس تتسند عليه وقت م تكون كل الطرق مقفولة لأن طريق ربنا مفتوح إلا أن تشرق الشمس من مغربها وربنا يوفقك ويسعدك يارب
تم النشر الجمعة، ٢١ مارس ٢٠٢٥
انا مش حد كبير انا نفس السن برضو وكان عندي نفس المشكله أو يعتبر لسه عندي بس بحاول ركزت اوي في دراستي ولسه بركز علشان يعتبر ده الوقت اللي احنا بنثيبت نفسنا فيه قربت من ربنا اكتر في حجات معينه بحاول احافظ عليها زي الاذكار وذكر والقيام والنفل والحاجات دي حاولت اخد خطوه في لبسي وحجابي وكده وعملت بلوك لكل الناس الموذيه واللي بتكرهني اتعرفت علي ناس اكبر مني ونسيت كل حاجه غلط انا عملتها بحاول اكتشف مواهبي والحمد لله لقيت بعرف اعمل حاجات كتير بتكلم مع ناس اكبر مني كتير وبحاول اعرف هما وقعوا في ايه واتصرف ازاي في الحاجات دي بحاول أقرب من عليتي اكتر بقيت بهتم بنفسي وصحتي واتمشى واعمل اللي كنت عايزاه وباجله عارفه انك عايز نصيحه مش احكي قصه حياتي يعني بس انا بقولك لو قعدت مستني كده عمرك هيعدي قوم كده من مكانك وبص حوليك حدد أولوياتك وهادفك والحاجات اللي عايز تعملها وقوم وابدا متستانش الوقت المناسب يجي وابدا في انك تحب نفسك وتعرف قيمتها كويس وبعد كده اتجنب الناس المؤذية اللي في حياتك اللي بيحاولوا يحبطوك أو ياثروا عليك قرب من ربنا اكتر وحسن علاقتك مع ربنا وعلاقتكم مع اهلك وابعد عن السوشيل ميديا والموبيل وركز ثم ركز ثم ركز في دراستك ركز اوي فيها وعود نفسك كل يوم تتعلم حاجه جديده واكتب أهدافك واحلامك وكل حاجه نفسك تعملها وابدا هتبدأ بايه وازاي ده انت اللي هتحدده واعمل دايما على انك تبقى مبسوط وسعيد في حياتك وبس كده ده اللي اقدر افيدك بيه وربنا معاك ويوفقك في حياتك
تم النشر الأحد، ٢٣ مارس ٢٠٢٥
أولاً، أود أن أهنئك على وعيك ونضجك في سن مبكرة. من الطبيعي أن تشعر بالتشتت وأن تفكر في العديد من الأهداف والطموحات، وفي بعض الأحيان قد تصعب عليك الأمور. إليك بعض الخطوات التي يمكنك اتباعها لتحقيق أهدافك: تحديد الأهداف : ابدأ بتحديد أهداف محددة وواقعية. يمكنك كتابة قائمة بالأهداف التي تود تحقيقها، ثم اعمل على تصنيفها إلى أهداف قصيرة المدى وأهداف بعيدة المدى. إنشاء خطة عمل : بعد تحديد الأهداف، حاول وضع خطة عمل لكل هدف. ما الذي يمكنك القيام به اليوم أو الأسبوع المقبل لتحقيق هذا الهدف؟ هذا سيساعدك على رؤية خطوات واضحة بدلاً من الشعور بالإرهاق. ممارسة الصبر : النجاح يتطلب الوقت والجهد. عليك أن تتحلى بالصبر لأن تحقيق الأهداف يستغرق وقتاً. من المهم أيضاً أن تتقبل الفشل كجزء من عملية التعلم. التواصل مع الآخرين : لا تتردد في البحث عن الدعم من الأشخاص الذين تثق بهم، سواء كان ذلك من الأهل أو الأصدقاء أو المعلمين. قد يكون لديهم رؤى قيمة أو نصائح تساعدك. التركيز على التنمية الشخصية : ابحث عن مصادر تعزز من معرفتك ومهاراتك. يمكنك قراءة الكتب، حضور ورش عمل، أو حتى متابعة دورات على الإنترنت. المحافظة على الإيجابية : حاول أن تظل إيجابياً، حتى عندما تواجه تحديات. تذكر أن كل تجربة تكون درسًا لك. تأكد من أن كل ما تقوم به ينبع من قيمك وأهدافك الشخصية. أنت في مرحلة تشكيل هويتك، لذا خذ الوقت الكافي لاستكشاف ما تجده مثيرًا للاهتمام ومناسبًا لك. موفق بإذن الله.
تم النشر الخميس، ٢٠ مارس ٢٠٢٥
لعرض السؤال في فدني اضغط هنا