وعليكم السلام. انا عايزه اقول لك ان مامتك ولا هي مش بتحبك ولا هي مش متقبلاكي ولا اي حاجه بس مامتك. علشان باباك مسافر كل ده بيطلع منها. هي عندها ثقل وحمل ومش لازم الحمل ده يكون بس فلوس يعني ماشي ممكن بابا بيبعت فلوس وكل حاجه ولكن حمل المسؤوليه ان هي متحمله التفاصيل بتاعه الحياه كلها لوحدها ده ممكن تكون حاجه هي مش عارفه تعبر عنها فلما بتكون مش عارفه تعبر عنها بتطلعها بالشكل ده فتبقى طول الوقت نفسها تحسس باباكي انه الدنيا تقيله هي عارفه ان مثلا هي ما تقدرش تقول له كفايه سفر وتعالى خليك عايش معانا هنا علشان الدنيا تقيله عليا حتى لو كانت تقله ده تقل نفسي بس ااا ولكن هي مش قادره تقول كده علشان مثلا عارفه ان متطلبات الحياه مش هينفع ان هو يسيب الشغل هناك وينزل هنا فالتفاصيل دي كلها انت مش هتحسيها ومش هتعرفيها لانك عمرك ما هتعرفي تحطي نفسك مكانها مش هتعرفي تحطي نفسك مكانها كام وكزوجه وكمسؤوليه ابدا فغصب عنك هتفضلي واقفه قدام السؤال اللي هو هي بتعمل معايا كده ليه بس هو الحقيقه ان هي بتعمل كل ده من غير ما تبقى واخده بالها قد ايه ده مضر لان هي كمان مضروره من جواها وهي كمان محتاجه تنفس عن اللي جواها دولي للاسف بتنفس. هي من حقها انها تقول انه انا تعبانه وان انا مش عايزه اشيل الحمل ده ولكن علشان تقديرا للظروف وتقدير ان هي بتشارك باباكي في انها تشيل معاه جزء من الحمض مش قادره تقول ده. فارجوك اللي انا هقوله لك انه راعي ده كويس قوي حسي بمامتك جدا شوفي كل تصرفات تتصرفوا ان هي بتنفس عن غضب انت ملكيش علاقه بيه وده غصب عنها فكوني رحيمه لها وده اللي هيخليكي تعرفي تتعاملي معاها احسن كثير همم لو انت شيلتي معاها حسستيها انك شايله معاها العلاقه هتتحسن اكتر بكتير فارجوك حاولي تشوفي ده وتحسي بيها وتتعاملي معاها على انه انا حاسه بيكي وفضفضي عليها شويه لما تشوفيها داخله من بره تعبانه يا حبيبتي تعالي انا عارفه قد ايه انت من اقل مشوار بتتعبي تعالي اقعدي روحي جيبي لها كوبايه عصير اعملي لها حاجه تشربها لو وقفت كده وهويتي وجبت لها المروحه قدامها هتحسي ان انت حاسه بيها تحسي ان في حد حاسس بيها هتحس ان في حد بيطبطب عليها هتكون هي اهدى كتير. هتكون حاسه انها مش محتاجه تقول ان هي تعبانه في حد يحس بيها. حد حاسس بيها من غير ما هي تقول فمش هتقول مش هتقعد تزعق فيكي مش تقعد تقول لك انا تعبانه وما حدش له دعوه بيا سيبك من ان هي بتاخد بعضها وبتحاول تنفس بانها تروح تساعد حد ثاني وتستاهلك صحتها هي بتحاول تخرج تعمل حاجه عشان تحسس نفسها انه هي بتعمل حاجه غير المسؤوليه اللي عليها عشان هي مفتقده حاجات كثيره جدا مفتقده لمشاركه ومشاركه الزوج والزوجه دي بتبقى نقطه صعبه جدا مش كل الناس بتقدر تتحملها في وضع انه يكون الزوج مغترب او يكون بيسافر على طول بره وشغال بره ارجوكي شوفي مامتك من اتجاه ثاني وهتبداي تشوفي كل اللي هي بتعمله من شكل ثاني خالص وانت هترتاحي ان شاء الله.
تم النشر السبت، ٢٩ يونيو ٢٠٢٤
فى البداية كده.انتى بنوته ذكيه جدا وصبوره وهاديه كل محاولاتك دى تدل على انك انسانه مش بتستسلم بالعكس قويه حاولى تتواصلى دايما مع والدك وتفهميه وجهة نظرك. وحاولى برضوا مع والدتك بس بدون الدخول فى نقاش لأن ممكن نتيجته تبقى سلبية وده لحد ماتتقربوا تانى فرغى طاقتك فى القراءة.الرياضة.تنضمى لتجمعات عائليه . انك تكتبى كل اللى بتشعرى بيه أو تتكلمى مع صديقتك ده هيقلل من عصبيتك وهيفرق معاكى جدا وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر السبت، ٢٩ يونيو ٢٠٢٤
ما تهتمي بكلام المقارنات.... لان اهلنا اتربوى على كدا زمان بالمقارنه لكن ده غلط لاننا مش نسخ من حد قوليها لنفسك كتيير... مفيش انسان على وجه الكون ليه بصمه وشك ولا بصمه ايدك" محدش وحش الا اللى بيقتنع انه كدا " اختلافك في حد ذاته ميزه لصالحك لان مش طبيعي الانسان يعيش في دور ابن خالته او صديق.... إلخ اصلا ليه تعيش بدماغ مش ليك ولا ظروف مش تبعك ولا حتى اهدافك
تم النشر الجمعة، ٢٨ يونيو ٢٠٢٤
وعليكم السلام عزيزتي، أولاً، حابة أقولك إنك قوية وشجاعة لأنك عمرك ١٧ سنة وبتواجهين الأمور الصعبة دي وبتحاولين تحسني من نفسك رغم الظروف. كلماتي لك فيها دعم وأمل. بالنسبة لأمك، واضح إن عندها ضغوط كتير وأحيانا الناس الي عندهم ضغوط بيصير تصرفهم كدا مش لأنهم مش بيحبوا اللى حواليهم، بس عشان مش عارفين يعبروا عن مشاعرهم بطريقة صح. جربي تتكلمي معاها بهدوء في وقت تكون فيه رايقة مثلا بعد ما تهدأ الأمور. قولي لها انك بتحبيها وبتهتمي بيها وإنك بتحتاجي تحسي بحبها ودعمها كمان. لو متاحتك الفرصة، جربي تعملي حاجة مشتركة معاها، حاجة تحبوها سوا زي الطبق، المشي، أو حتى مشاهدة فيلم. ساعات التقارب بيجي من الأنشطة البسيطة دي. كمان، من المهم تحافظي على صحتك النفسية. خدي لحظات لنفسك تكون فيها بعيدة عن الضغوط. الكتابة عن مشاعرك مثلاً أو ممارسة رياضة ممكن تساعدك. وأخيرا، إذا كنتي حاسة إنك تعبانة جداً، ممكن ترافقك زيارة مستشارة نفسية أو مدربة حياة. ممكن يساعدوك بشكل أكبر ويدوك أدوات أفضل للتعامل مع الضغوط. انت قوية وجميلة والله يسهل عليك كل الأمور ويوفقك. كوني واثقة ان في ضي في نهاية النفق. 🌟💪
تم النشر الجمعة، ٢٨ يونيو ٢٠٢٤
لعرض السؤال في فدني اضغط هنا