عندي صاحب ليا عمره ما قالي باسمي الا نادر دايما بيستعمل الالفاظ زي ولا او انت او يلا ازاي اخليه يحترمني زي ما انا بحترمه ؟
لو نده عليك بأي حاجه غير اسمك طنشه ومتردش وقوله ليا اسم ندهت بيه هرد مندهتش ولا كأني ساعمك هتقول كده بثقه وثبات وهو هيجبر يحترم الفاظه هو مش تقليل منك بس ممكن يكون لسانه متعود ع الاسلوب ده ف هيتعود يغيره مع اصرارك
تم النشر الأحد، ٢٩ يناير ٢٠٢٣
صارحه .. يعني في قعدة كده وقوله أنا عايز اقولك على حاجه مضايقاني منك .. أنك تواجه الشخص ده اريح حاجه ممكن تعملها، لنفسه وليك انت كمان. لأنك اكيد محتاج تبقى في علاقة مُرضية بالنسبالك.
تم النشر الأحد، ٢٩ يناير ٢٠٢٣
قرار حازم جدا وبوش جد جدا .....تبلغه لو ما احترمناش احنا بعض محدش غريب هيحترمنا. واحنا الاتنين نفكر بعض طول الوقت باى حاجه بتقلل من احترامنا لنفسنا وتقوله مثال كده اننا ننده بعض باسماء حلوة او ع الاقل باسامينا ...لكن اى لقب تانى هيقلل مننا بلاش منه.
تم النشر الاثنين، ٣٠ يناير ٢٠٢٣
المواجهه تقوله انا مش بحب حد يناديني بغير اسمي .من فضلك لما تكون بتكلمني تكلمني باسمي ممكن يكون هو ده اسلوبه حتى مع اهل بيته مش قاصد يعمل كده معاك انت بس اعرف واحد متعود في بيته مع بماته ومراته يقول يا بت يا بت هاتي يا بت اعملي حتى لما بيجيلهم ضيوف قرايبهم يقول للبنات كده ازيك يا بت عامله ايه يا بت كده يعني هي لازمة او عادة في لسانه يعني مش قاصدك بيها لو انت عزيز عليه وصداقتكم تهمه هتلاقيه يحترم رغبتك ويناديك باسمك ان شاء الله
تم النشر الثلاثاء، ٣١ يناير ٢٠٢٣
يبقى مش صاحبك.دور على صحبة صالحة تجد فيها التقدير والعون على الخير
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا