والدي بيعاني من السكري
والدي منفصل عن والدتي و لكن ساكن جنبي مسافة بسيطة
اخر مرة قالي سكره انه ٥٠٠ !!! بياخد العلاج و كل حاجة بس قصاده بياخد سكر كتيير انا قلبي تعبني عشان عاجزة و هو مش بيسمع كلامي و اناىمش قدامه طول الوقت ضميري قاتلني اني مش ماشية معاه ف الاكل يعني مثلا عندي سؤال
اللبن لبن عادي و لا نوع معين؟؟؟
بابا بيشرب كوبايتين تلت كوبايات تلت معالق سكر
غلبت معاه مش عارفة اعمل ايه قولتله حط عسل و لا اكني قلت حاجة و بيشرب تمر هندي )فيه سكر(
بياكل رز اللي فيه نشويات و عيش بلدي
اعمل ايه؟؟؟؟؟؟؟؟؟
ربنا يشفيه ويعافيه ويخفف عنه بصي هو افضل حاجه يروح لدكتور ويشوف نوع علاج مناسب ليه عشان السكر العالي وعشان يعرف ياكل حاولي بردو متحسسيهوش انه كله ممنوع وكله مينفعش دا غلط انا واحدة معنديش سكر بس في حالة تانيه اول م حد يقولي دا ممنوع بنفر ومش بقتنع ف الافضل انه يتابع مع دكتور عشان يظبط السكر وخليه ياكل الحاجات اللي بيحبها دي بس مش بكميات اوڤر ويكتر خضروات زي الخس والخيار والجرجير بتظبط السكر انا مش دكتورة بس والدتي عندها السكر ومن خبرتي معاها كمان نصيحه حاولو متسبهوش لوحده دا ابوكم بردو وعشان ممكن يتعرض لغيبوبة لو فضل السكر عالي كده.
تم النشر الأربعاء، ١٢ أبريل ٢٠٢٣
هاتيله بديل السكر وكل ما تروحى عنده ف البيت شيلى السكر العادى لو اشتراه النوع ده حلو وكيس واحد بيعادل معلقتين سكر كل حاجة حطيلوا بدايل يتعود عليها واحده واحده هيلاقى مفيش فرق الالبان مفيهاش مشكلة طبعا. والنظام الغذائى حسب حالته تقدرى تعرفيه من الدكتور ...حتى لو روحتى انتى لوحدك للدكتور وعرضتى عليه تحاليل حديثة لبابا وكلمتيه عنه.
تم النشر الأربعاء، ١٢ أبريل ٢٠٢٣
اعملي له بدائل لمعظم اللي بياكله، يعني مثلا السكر الابيض يكون بديله سكر دايت زي مثلا استفيا اما للأكل ف ممكن تعملي له اكل كيتو او لوكارب وتبتدي كل شوية تعملي حاجه جديدة ومختلفة وده كتاب فيه وصفات للكيتو وتنفع لمرضى السكري - رابط الكتاب: https://thisisdrwaad.com
تم النشر الأربعاء، ١٢ أبريل ٢٠٢٣
عرفيه انه كدا بيلقي بنفسه ف التهلكه زيه زي المدخن ويمكن اكتر وانه لو السكر تسبب ف وفاته بعيد الشر عليه يارب ممكن يحمل وزر واثم كبار جدا ... فلو نظريته يومين ال عايشهم استمتع بالحياه فمحتاج يعرف انه في حياة تانيه ف الاخرة احلاله واحسنله يشتغل عليها
تم النشر الأربعاء، ١٢ أبريل ٢٠٢٣
أهلا بك، يمكن أن يكون مرض السكري صعبًا على الجميع، ولكن هناك بعض الأشياء التي يمكن القيام بها للحد من مخاطر الإصابة بمشكلات صحية. أولاً، ينصح بأن يتبع والدك نظام غذائي متوازن، وهذا يعني تناول كميات معقولة من الحبوب الكاملة والخضروات والفواكه والبروتينات الصحية مثل اللحوم المشوية والأسماك والبيض والمكسرات والحبوب. ينبغي تجنب الطعام الدسم والمقلي والحلويات والمشروبات الغنية بالسكر، والتي يمكن أن تؤدي إلى زيادة في تراكم السكريات في الدم. بالنسبة لشرب اللبن، يمكن أن يشرب والدك اللبن العادي، ولكن يجب عليه الانتباه إلى السعرات الحرارية والكربوهيدرات الزائدة في الحليب الخالي من الدسم. بالنسبة للسكر، من المفيد تجنب استهلاكه قدر الإمكان، ولكن إذا كان والدك بحاجة إلى استخدامه يجب استخدام كميات صغيرة وتجنب تناول القطع الكبيرة. قم بتشجيع والدك على استخدام التمر الطبيعي لاحتوائه على سكريات طبيعية. بشأن الرز، ينصح بالتقليل من تناوله واستبداله بالحبوب الكاملة مثل الجاودار والحنطة السوداء والبازلاء. قم بمساعدة والدك في التحضيرات الصحية وتناوُل وجبات صحية للمساعدة على خفض مستويات السكريات في الدم. بشأن ضرورة تغيير نمط حياة والدك، سيكون من المفيد تحديد نمط حياته وتنبيهه عن أهمية تناول الوجبات الصحية وشرح الإجراءات التي يمكن اتخاذها للتحكم في مستويات السكريات في الدم. ويفضل الالتزام بنظام غذائي متوازن والحصول على نشاط بدني يومي. يمكنك أيضًا الاتصال بمتخصصي الرعاية الصحية، مثل الأطباء والممرضين والمغذين، للحصول على نصائح إضافية ودعم في إدارة وضع والدك.
تم النشر الأربعاء، ١٢ أبريل ٢٠٢٣
لعرض السؤال في فدني اضغط هنا