كيفيه معرفه اهدافى وطموحاتى وشغفى
بالنسبة للشغف هتجربي مثال: خدي دورة تدريبة عن أي مجال مثلا البرمجة، التصميم، ترجمة،،،،، وغيرها من الحجات اللي هتلاقي نفسك مستمتعه بيه ده ممكن يكون شغفِك ممكن يكون شغفك انك تكوِّني أسرة وتطلعي نبتة صالحة للمجتمع ده ده مش عيب ولا غلط دي أسمىٰ حاجة ممكن تحصل بصراحة تتعلمِي لُغة.. تاخدي دورة دينية هتفيدك وهتساعدك تعرفي أهدافك وغايتك وكده فاهمة ممكم ارشح ليكي قناة فقه النفس على يوتيوب لـ دكتور عبد الرحمن ذاكِر الهاشيمي هتفيدك جدا...
تم النشر الثلاثاء، ٧ يناير ٢٠٢٥
لتحديد أهدافك وطموحاتك وشغفك، يمكنك اتباع الخطوات التالية: التأمل الذاتي : خصصي بعض الوقت للتفكير في نفسك وما يجعلكِ سعيدة. ما الأنشطة التي تستمتعين بها؟ ما المواضيع التي تثير فضولك؟ تحديد القيم : حددي القيم التي تعتبرينها جوهرية في حياتك. هل هي الأسرة، النجاح المهني، المساعدة للآخرين، أو الإبداع؟ هذه القيم ستوجهك نحو أهدافك. تقديم الأسئلة : اطرحي على نفسك بعض الأسئلة مثل: ماذا أريد تحقيقه في حياتي؟ ما هو الشيء الذي أود أن أتعلمه أو أتقنه؟ من هم الأشخاص الذين أُعجب بهم ولماذا؟ استكشاف مجالات جديدة : جربي أنشطة جديدة، قد تكون في مجالات مختلفة مثل الفنون، الرياضة، التطوع، أو التعلم. هذا سيساعدك على اكتشاف ما يثير شغفك. تحديد الأهداف الذكية : استخدمي نموذج الأهداف الذكية (SMART) لتحديد أهدافك. يجب أن تكون محددة، قابلة للقياس، قابلة للتحقيق، ذات صلة، ومحددة زمنياً. التخطيط : بعد تحديد الأهداف، ضعي خطة عمل واضحة لتحقيقها. قسمي الأهداف الكبيرة إلى خطوات صغيرة وابدئي بالعمل. التقييم المستمر : تابعي تقدمك بشكل دوري وقومي بتعديل أهدافك بحسب تجربتك واهتماماتك المتغيرة. تذكري، أن تحديد الأهداف هو عملية مستمرة، ومن الطبيعي أن تتغير مع مرور الوقت. كوني صادقة مع نفسك واتبعي شغفك في مسيرتك.
تم النشر الثلاثاء، ٧ يناير ٢٠٢٥
السلام عليكم و رحمة اللّٰه و بركاته هدفك او طموحك بيتحدد من معرفتك بشكل أوسع لميولك و هواياتك و التعمق فيها يعني لو ميولك و هواياتك مثلاً لو هوايتك الرسم ف وقتها يبقا هدفك و طموحك انك تنمي الموهبه دي و لما تكبري تشتغلي ف حاجه تخص موهبتك عشان تبدعي ف شغلك أو لو مثلاً بتحبي جداً هندسه المباني و حابه تعرفي اكتر عن المجال ده ف وقتها بردو تقدري تحددي هدفك و هو مثلا انك تكوني مهندسه ف وقتها تشتغلي على ده لو سنك صغير ف تحديد هدف او طموح بيبقا في الأغلب مختلف عن طموحك و ميولك لما تكبري ف بيبقا الموضوع صعب شويه انك تتمسكي ب هدف لحد متكبري يعني مثلاً أنا من صغري كانت طموحي أدخل كليه طب جداً ، بس لما كبرت و بقيت في ثانوي لقيت إن ميولي اتغيرت تماماً و بقيت أحب جدا ان اعرف حاجات ليها علاقه بمجال الهندسه ف اتغيرت طموحي و بقيت عايزه ادخل كليه هندسه و دا حصل بسبب إن مكنتش اعرف بالظبط كليه طب نفسها بياخدو إيه و متعمقتش وقتها ف علم الإنسان و الحيوان لما تعمقت لقيت ان مش مستمتعه لو حابه تحددي هدف انك تنجحي في مجال معين اعرفي الأول المجالات كلها بتتكلم عن ايه و ساعتها شوفي راحتك فين و انتي شايفه نفسك فين مهم جداً يكون ليكي هدف تشتغلي عليه مش بس كليه او شغل بس هدف إنك تبقي انسانه معينه ، انسانه تكوني انتي راضيه عنها و فرحانه انك بقيتي الإنسانه دي اقعدي مع نفسك و فكري كويس و اعرفي المجالات الي حواليكي و مواهب الي حواليكي و اكتشفي مواهبك او اكتشفي الحاجات الي فعلاً نفسك تتعلميها و على اساسها هتقدري تحددي هدفك و طموحك و ممكن تخلي اهدافك حاجات صغيره في البدايه حاجات تقدري تحققيها بس مكنتيش عارفه انها هتفيدك و تفرحك لإن احساسك انك حققتي حاجه نفسِك فيها من بدري حتى لو كانت صغيره دا هيديكي طاقه عشان تحققي الأهداف الأكبر في نظرك و بالتوفيق
تم النشر الأربعاء، ٨ يناير ٢٠٢٥
اذا كنتي صغيره غالبا لن تستطيعي تحديد هدف واضح
تم النشر الثلاثاء، ٧ يناير ٢٠٢٥
اهدافك وطموحك دا انتى الى بتحطيه لنفسك بتعملى بلان ليه... وبيكون اعتمادا على شغفك.. والشغف بنعرفه من خلال التجربة..جربى حاجات كتير وحاجات جديدة وهواياتك.. ومش لازم يكون كل هدف من شغفنا..
تم النشر الثلاثاء، ٧ يناير ٢٠٢٥
🗒ورقة 🖊وقلم ☕️كوب شاي بنعناع وأدعوك لكتابة العناصر الرئيسة لهاتين المرئيتين الفارقتين للدكتور طارق السويدان 💡كيف تخطط لحياتك الجزء الأول 🔗https://youtu.be/BjBXpZvTGHY?feature=shared 💡كيف تخطط لحياتك الجزء الثاني 🔗https://youtu.be/awBPK1IIEQ4?feature=shared
تم النشر الأربعاء، ٨ يناير ٢٠٢٥
علي حسب سنك ووضعك الاجتماعي واسرتك انتي اكتر حد يقدر يجاوب على السؤال دا
تم النشر الثلاثاء، ٧ يناير ٢٠٢٥
لعرض السؤال في فدني اضغط هنا