السلام عليكم انا بنت عندي ١٨ عام من حوالي تلات سنين وانا بعاني من التفكير المفرط زي مثلا هايحصل اي لو حد توفي في عيلتي بعيد الشر او لو سقطت ف امتحاناتي ولما تجي وقت الاجازه عشان استمتع اقعد الليل كله مش عارفه انام بسبب اني بفكر هل حليت كويس ل الامتحانات او لا او اقعد اقول اني نسيت سوال او سبت حاجه ف الامتحان محلتهاش كمان مكنتش اقدر اكل من اكل حد غير اكل ماما بس مؤخرا زادت عندي الحاجات دي زي مثلا بخاف اكل برا قبل كده روحنا عزومه ف رمضان مقدرتش اكل او اشرب ميه لحد ماروحنا الساعه 11 الليل بقيت بفكر كتير زي ان ماما بتكرهني او انها ممكن تقتلني في يوم من الايام كمان النهارده رحت ببت جدي كنت خايفه اسلم ع حد بأيدي جيت كل دقيقتين بروح اغسل ايدي لحد ماايدي التهبت والتفكير زاد بشكل كبير احيانابحس ان حد بيراقبني واحيانا اسمع اصوات مش موجوده واوقات احس بالاكتئاب وبفتكر حاجات حصلت معايا من سنين واتضايق وفي الوقت دا بحس ان الكل بيكرهني او اني قليله هل دا ليه علاج ولا دي وسوسه وهل ممكن الوسوسة تزيد في يوم وليله
شوفي دكتور نفسي الموضوع كبير وبلغي أهلك انك بتحسي بكده و اقري قرآن وادي الفروض متقعديش لوحدك كتير عشان متفكريش
تم النشر الأحد، ٥ مايو ٢٠٢٤
حبيبتي دي اعرض وسواس بسبب فرط تفكير وخوف شديد متملك منك لازم تلجئي لدكتور متخصص في اقرب وقت افضل
تم النشر الجمعة، ٣ مايو ٢٠٢٤
إللي أنا إن شايفاه لااازم دكتور نفسي دي أعراض وسواس قهري، محتاجة دكتور يساعدك فيها ضروري بجد
تم النشر الخميس، ٢ مايو ٢٠٢٤
ال انتي شرحتيه من أعراض زي الضلالات والهلاوس والوسواس القهري الشديد دا دليل ع اضطراب نفسي او ممكن عقلي، انتي محتاجة تروحي لدكتور نفسي مختص في أسرع وتحكيله عن حالتك بالتفصيل عسان تتعالجي لأن لو استمريتي كدا بدون تشخيص او علاج حالتك هتسوأ، ارجو انك تاخدي نصيحتي في عين الأعتبار لأن انا اعرف حد من قرايبي عنده نفس الأعراض ولما المرض متعالجش تفاقم..وعمومًا لو مش عارفة تقولي لأهلك ازاي انك عاوزة تروحي وتكشفي نفسي احكيلهم عن حالتك انك قد ايه تعبانة وقد ايه بتعاني وفي نفس الوقت لو أهلك مقتنعوش انتي عارفاهم كويس دوري ع طرق لإقناعهم وروحي لأنك ضروري تاخدي تشخيص ال عندك دا مش حاجة عادية هتتعالج بكلمتين، وربنا يشفيكي يا قمر❤️🥰
تم النشر الخميس، ٢ مايو ٢٠٢٤
ده نوع من انواع اضطرابات المزاج " قلق معمم أو قلق غائم " وده بكون في مشكلة بطريقة التفكير وتشوهات معرفية تبقي لك على الحوار ده , ممكن تقدري اول حاجة نسبة حدوث الاشياء لي بتقلقك من 100 ثم تتعودي تنزليها لاقل حاجة وبعدها تستمري في الطريقة دي وتتعودي عليها وتواجهي الواقع
تم النشر الجمعة، ٣ مايو ٢٠٢٤
دي تفكير مفرط زياده عن اللزوم حتى انه أدى لوسوسه في حجات كتير انتي محتاجه حد يساعدك حاولي تشوفي دكتور وأسالي لو حد كان عنده نفس مشكلتك وتعالج هيفيدك
تم النشر الخميس، ٢ مايو ٢٠٢٤
لعرض السؤال في فدني اضغط هنا