انا حاليا بنت عمرى 16بس عندى مشكله قد تبان تافهة بس هي مهمة لى جداااا أنا مبعرفش أي شعور الناس من نحيتى و بقلق لما حد يبصلى سواء راجل او ست بنت او شاب (مع العلم انى محجبة و لبسي لائق للحجاب) بس بفكر كثير ليه بيلصو لى او فيه حاجه غلط ببقى مشتته احيانا +انى مبعرفش اثق فى الناس الحولية مبعرف احكى لو حاجه مدقانى او أفضفض بمعنى آخر ربما ده أثره انى معنديش أخوات فى الأثاث بس لا انا بخاف من تفكير الناس الحولية ليكون تفكير مش حلو ليكون بيقولى عنى حاجه مش حلوه و انا اساسا فى حالى يعنى حتى مسحت فيسبوك و انستا مواقع التواصل عمتا حتى مبقاش فيه اي شئ عنى او حد يقدر يقول حاجه عنى.
ملكيش دعوة بالناس الناس في الحالتين بيتكلموا سوا لبسة محترم أو لا ولو ركزنا معاهم مش هنعرف نستمتع بأي حاجة طول م انتي واثقة في نفسك وفي لبسك وانك مش غاضبة ربنا عنك وراضية عن نفسك يبقي كلام الناس في ستين داهية اعملي اللي يريحك واللي يبسطك واللي يرضي ربنا وسيبك من الناس لان دي الحاجة الوحيدة اللي مش هنعرف نغيرها ولا نمنعهم عن الكلام اللي هنعرف نعملة اننا نتجاهل كلامهم اصلي مهما عملنا مش هنعرف نرضي الناس
تم النشر الجمعة، ٨ مارس ٢٠٢٤
جميل انك مش حابه تكونى ملفته بشىء غير لائق بس لا تلتفتى لاراء الناس بهذا الشكل لان النظر عموما فى الشارع ممكن ان يكون بدون تركيز من الشخص او ممكن ان ينظر الى شىء ورائك وتعتقدين انه ينظر اليكى انتى . ايضا لا تحصرى الامر فى ان النظر بسبب شىء سىء لان النظر ممكن يكون بسبب التزامك واحتشامك . دائما اطرحى هذا السؤال على نفسك...ماذا اذا اعجب بيا الاخرين ؟ وماذا اذا لم اعجبهم .؟ اذا كانت الاجابات ستغير من تصرفك شيئا فهنا الامر يخصك ولا يغير من الامر شىء اذا لم ينظروا من الاساس . اذا كنتى متاكده من حالك بالقدر الكافى فلن تخشين رأيهم لدرجة الهروب منه بهذا الشكل
تم النشر السبت، ٩ مارس ٢٠٢٤
بصي انتي مفيكيش حاجه لبسك حلو وواسع وحجابك محترم كل ده انا عرفاه من غير حتي ما اعرفك بس نقول ايه الناس فاضيه وموارهاش حاجه غير انهم يتكلموا علي اللي رايح واللي جاي ولو شغلت بالك الناس بتشوفك ايه او بيقولوا عليكي ايه فدا تضييع لوقتك انتي دلوقتي ما تعمليه حاجه تغضب ربك اواهلك وخلاص ملكيش دعوه بالناس
تم النشر الخميس، ٧ مارس ٢٠٢٤
بصي لأني كنت في المرحله دي لما كنت في نفس عمرك بالظبط انا اكتشفت الشعور دا بيجي بسبب الكسوف الزايد غالبا انتي لو نفس حالتي فا مبتقدريش تبصي في عين اي حد ماشي سواء ست او راجل فا غالباً دا كسوف لما بتحسي بحد بيبص عليكي بتتكسفي فا بتحاولي تقطعي كسوفك بالتفكير الكتير زي: هل الطرحه مظبوطه ؟ هل الكوتشي مش لايق على اللبس ؟ إلخ، واكتشفت لما كبرت شويه انوا اعجاب الناس بشكلك او لبسك عمتا هو اللي بيخليهم يبصوا عليكي
تم النشر الجمعة، ٨ مارس ٢٠٢٤
بلاش تكوني عديمة الثقة في نفسك ثقتك متزعزعة هكلمك ك انك اختي ده اسمو تزعزع ثقه عشان الثقة دي انتي مش مدياها لنفسك نزلي انستا و فيس ومش مهم راي الناس خليكي فاكره انك جميلة مدام انك مش متصنعة سواء بقا محجبة او متبرجة حطي ثقة ف نفسك وعززيها وبلاش كل شويه تقولي بيقولو اي ف سرهم عليا وده مش سبب تافهه كلنا بنمر ف ده بس مش كتير ثقي في ربنا انك شخص جميل وحلو وبلاش تثقي لراي الناس مهما حصل
تم النشر الجمعة، ٨ مارس ٢٠٢٤
انتي ليه اصلا حبيبتي مفكرة أن بصتهم ليكي بصه سلبيه. مش امكن نظرة ايجابيه. يعني مثلا جميله أو انيقه انتي حطي فدماغك أن انتي صح خلاص سيبك من الناس. انتي ناقصك الثقه بالنفس والثقه بالنفس ازاي أن أنا صح خلاص الكون حوليا يروح ميرجعش ميهمنيش دومت انا عارفه نفسي واحدة صح وأخلاقي وقيمي ولبسي صح. خلاص. بس كده 🌹🤍🤍
تم النشر الخميس، ٧ مارس ٢٠٢٤
بصي ي حبيبتي شيلي الناس من حساباتك انتي عايشه عشان نفسك وبس سيبك من الناس اللي يتكلم يتكلم عيشي حياتك بس طبعا ف حدود دينك وطول م انتي مبتعمليش حاجه تغضب ربنا يبقي سيبك من الناس
تم النشر السبت، ٩ مارس ٢٠٢٤
ثقي في نفسك وثقي في •اللّـہ̣̥
تم النشر الخميس، ٧ مارس ٢٠٢٤
انتي محتاجة تثقي في نفسك بشكل كبير و تخلقي عادات ليكي و هوايات و يبقي عندك اصدقاء و تخرجي لوحدك و تواجهي كل الي بتخافي منه مره ثم مره ، انا كنت كدا و كنت بحس لو حد بيضحك يبقي بيضحك عليا و لو حد بيتريق يبقي انا المقصوده
تم النشر الخميس، ٧ مارس ٢٠٢٤
لعرض السؤال في فدني اضغط هنا