هل هذا هو الحب الحقيقي؟ - خدعتني وأنا الان أشتاق اليها، ماذا أفعل؟

Question

اقسم بالله انا تعبت كل حاجه علشانها عملتها كانت بتقولي هاموت من غيرك كانت الهدف الي بيشغلني وبحارب في الصخر علشانها بالرغم انها كانت منفصله ومعاها طفلين مافرقش معايا كل دا وقولت انا موش عايز غيرها انا بحبها اقسم بالله العظيم ما حبيت حد غيرها كانت اي حاجه بتطلبها. بتبقي تحت رجليها ومره واحده ماردتش عليا ولا بقت بتكلمني اصلا فضلت اروح استناها عند باب بيتها كل يوم في عز المطره علشان بس اشوفها او اشوف حد من عيالها اطمن عليهم وفي يوم ماشي من عندهم لاقتها ماشيه مع واحد قعدت اشتم فيها شتايم من اوسخ مما يتخليو بني آدم وفي الاخر ردت عليا وبتقولي دا مديري قي الشغل وعدت الحكايه ولما سألتها لي مابترديش قالتي موش عايزه اكمل معاك اتاريها لاقت البديل انا اصلا مندوب مبيعات شغلي كلو مع بنات بس ماعرفش قلبي مامالش غير ليها كنت لما بشوف بنت حلوه أغمض عيني واقول انتي احلي وفي مره قولتلها سيبي خطيبك قالتلي انا لو سبتو اموت ومعرفش لي انا لسه بحبها وخايف ااذيها للاتردلي بس هيا ضحكت عليا ونصبت عليا ووهمتني انها بتحبني

Accepted Answer

أنت طبعا غلطت جدا لما قعدت تشتم في واحدة شتايم شنيعة زي ما بتقول علشان لقتها اختارت واحد تاني وغلطت طبعا لما طلبت منها تسيب خطيبها والنبي ﷺ يقول (لا يخطب أحدكم على خطبة أخيه) كأنك حجزتها باسمك لمجرد أنها تكلمت معاك أو حتى قالت لك بحبك! كل علاقتك بيها خارج الإطار الرسمي كانت غلط تعرف .. لو كنت التزمت الأصول من البداية وخليت علاقتك بها في إطار التعارف الرسمي في بيت أهلها ودخلت البيت من بابه مكنتش تعبت كدة ..أو كانت العلاقة انتهت مبكرا قبل ما تدخل في قصة حب فاشلة .. ربنا عارف أن الإنسان ضعيف وحط لك منهج يريحك من التعب ويحميك من شر نفسك وأذى غيرك ليك أعتقد أن أول مراحل نسيانها هو التوبة من أي حاجة غلط ممكن تكونوا عملتوها وساعتها هتقدر تنساها لأنك مش هتكون عايز تفتكر حاجة تفكرك بالعلاقة دي

Answer

ملهاش لازمه انك تفكر فيها اتجاهلها وعيش حياتك زي م شافت حياتها ولو كانت خير كانت هتبقي من نصيبك ربنا قال ف القران الكريم وعسي أن تكرهوا شيئا وهو خير لكم وعسي أن تحبو شيئا وهو شر لكم والله يعلم وانتم لا تعلمون 🤍."

هل هذا هو الحب الحقيقي؟ - خدعتني وأنا الان أشتاق اليها، ماذا أفعل؟

اجتماعية

حب

سؤال من مالوش لازمه

تم النشر السبت، ٣ فبراير ٢٠٢٤

2 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك