من فتره حبيت واحده جدا وكنت هتقدملها بس واحنا بنتكلم بدأت احس بأنها بتبالغ في بعض الامور وبحس ببعض الكذب بس طبعا عليان بحبها مكنتش بشوف الكدب ده ، ولكن مؤخرا تأكدت انها بتكدب عليا في موقفين ورا بعض ، للأسف بعدت عنها وخدت جنب بحجه اني مشغول بس مش عارف اخد قرار ابعد عنها ولا لا ، هي كويسه ومناسبه تماما ليا من كل النواحي وده اللي حببني فيها ، ولكن مش عارف هل الكدب دي حاجه عاديه موجوده فكل الناس ولا حاجه لا تغتفر ، للأسف تكرار الكدب حسسني انه طبع فيها مش انه موقف عابر وخلاص ، ابعد ولا ايه اللي ممكن اعمله
ولو حضرتك شايف انك مش هتقدر تستحمل موضوع الكدب يبقا ابعد علشان فيما بعد ميحصلش مشاكل وميبقاش فى ثقة لان اهم حاجة هة الثقة والامان
تم النشر السبت، ٣٠ مارس ٢٠٢٤
زى مايقولون مرايه الحب عامية مش بنشوف عيوب الى بنحبهم بس كل إنسان لى عيوب ومميزات اه الكدب اكيد حاجة مش حلوة لانى بعدها ميكونش حد بيصدق كلامو بس تختلف يعنى لو هى بتكدب على حضرتك فى حجات بسيطة وجها وسألها لى هى بتعمل كدة وأبدأ اتفاهم معاها غير مثلا لو الكدب كبير بس إلى يستحسن انك تقعد معاها تفهم هى بتكدب لى
تم النشر السبت، ٣٠ مارس ٢٠٢٤
الأفضل انك نبعد ومفيش حاجة اسمها تقعد معاها وتفهم هي لي بتكدب،الكدب مالوش مبررات،ولو عملت كده فأنت كده بتحرجها وطبيعي هتبرر موقفها،وللاسف اللي فيه طبع الكدب مش بيغيره،نصيحة لله دي مش صلة رحم عشان تربط نفسك بيها،ابعد عنها بكل احترام وبنات الناس كتير وربنا يعوضك بالأفضل
تم النشر الأربعاء، ٣ أبريل ٢٠٢٤
وبالمناسبة مافيش حاجة اسمها كدبة كبيرة وكدبة صغيرة
تم النشر الأربعاء، ٣ أبريل ٢٠٢٤
نصيحة مني بلاش وابعد عنها ومش كل الناس بتكدب طبعا،أي حاجة ممكن الواحد يعديها الا الكدب،وربنا يعوضك بالزوجة الصالحة اكيد في بنات كتير كويسة
تم النشر الأربعاء، ٣ أبريل ٢٠٢٤
حاول تواجهها لعل وعسي فيه جانب انت هتسمعو منها ومش قصدي دا مبرر للكذب
تم النشر الأحد، ٣١ مارس ٢٠٢٤
علي حسب موقف و كدبه عاديه ولا لا
تم النشر الأحد، ٣١ مارس ٢٠٢٤
على حسب الكدبه كبيره ولا كدبه صغيره يعني
تم النشر الأحد، ٣١ مارس ٢٠٢٤
كل واحد بيحط حدود فى العلاقه إلى هيدخلها فلو انت من ضمن حدودك دى انك مش هتستحمل الكدب منها فلتقولها وتحاولوا توصلوا لحل وتفهم وجه نظرها لاما تبعد لأن الشى ده مش هيعجبك وهيضايقك كتير منها
تم النشر السبت، ٣٠ مارس ٢٠٢٤
لعرض السؤال في فدني اضغط هنا