نفسيتى كل يوم بتدمر بسبب انى طول الوقت بتوجع وتعبانة أنا تقريبا كل اسبوع لازم يبقى فى ليلتين افضل صاحية فيهم وبتوجع لحد الصبح ويجى الصبح عايزة انام مش قادرة اروح جامعة ولا قادرة اذاكر أنا ببقى فى الوقت دا فى سكن بعيد عن عيلتى والوجع دا هو له سبب والدكتور بيحاول معايا ولو قدرت وروحت الجامعة بتعامل كان مفيش اى حاجة وبضحك بس بيبقى صعبان عليا نفسى وسط زمايلى وبتصعب عليا نفسى اكتر وانا يقضى الليالى دى لوحدى تعبانة ومحدش عارف عنى اى حاجة و مش حابة اعرف حد أو اقلقه كدا كدا مش هيفيدنى بس اللى لاحظته أن حتى الايام اللى ببقى فيها كويسة نفسيتى مش كويسة بسبب الليالى دى تعبت من كتر ما بتعب وعدت بتكسف من زمايلى يقولولى مبتجيش ليه كل مرة اقول تعبانة دا غير أن فى كلية مش سهلة وداخلية على فترة امتحانات ومقصرة فى مذاكرتى ومش عارفه اى الحل
بخصوص الوجع الجسدي انصحك جدا انك تعملي حجامه علاجيه يعني اعمليها مرة وبعد ٢١ يوم اعمليها مرة تانيه بس لازم ميكونش عندك سيولة في الدم بخصوص انك تعبت احب اذكرك بأجر الصابرين وان الدنيا ظار ابتلاء ودار ممر وليست دار مقر ادعي كثيرا اللهم اجعلني من الصابرين اللهم ان عافيتك هي اوسع لي اللهم انت الشافي المعافي اشفني شفاء لا يغادر سقما وتذكري ان مفيش الم بيشعر به المؤمن الا بيكون تكفير لذنوبه ورفعه لدرجاته واجعلي أنسك بالله سبحانه وتعالى انت وصلت لمرحله كويسه في الاستغناء عن الخلق فاجعلي القران والذكر هو انيسك واسمعي كلام دكتور اياد قنيبي عن بنته سارة وعن فترة مرضها رغم انها كانت طفله عندها ١٢ سنه أسأل الله العظيم رب العرش العظيم ان يشفيك
تم النشر الاثنين، ٥ ديسمبر ٢٠٢٢
سؤالك مش موضحه فيه طبيعة الوجع ايه لكن حسب ما فهمت أنه جسدي وبتتابعي مع طبيب. مهم إنك تكوني ملتزمة بعلاجك وعندك وعي كافي عن المشكلة الصحية من جميع النواحي سواء اسبابها واعراضها وازاي تتجنبيها او تقللي من ظهورها ودرجة الشفاء منها والاثار الجانبية بتاعة الادوية اللي بتاخديها وازاي تتعاملي مع الاثار دي .. ده مهم جداً لأن هيبقى عندك وعي وتوقع بنسبة كبيرة لأي عرض فجائي وازاي تتعاملي معاه. بالنسبة للجانب النفسي ففي نقطتين: 1- مفيش أي حد على وجه الارض مش مبتلى سواء في صحته أو ماله أو أسرته أو دينه أو ... فتأكدي تمام التأكد إنك مش الوحيدة اللي بتعاني وده يوصلنا للنقطة التانية. 2- الانسان كائن اجتماعي بطبعه وفطرته .. والدعم الاجتماعي اللي ممكن صحبتك أو اختك او قريبتك تقدمهولك لا غنى عنه .. دوري ف دايرة معارفك على صاحبة تثقي فيها وتقدر تسندك وقت ضعفك وتعبك .. وده مش عيب ولا ينقص منك شئ اطلاقا بالعكس .. نفسيتك هتبقى أقوى وهتبقي متطمنه انك سانده على حد .. حتى لو محدش هيبقى معاكي وقت تعبك لكن اطمئنانك لأن في حد هيقلق عليكي وهيتطمن لما تبقي كويسه ولو قدرتي وقت التعب تتكلموا ف التليفون ف احنا كده هنكون بنقلل الوجع بشكل كبيير. اخيرا .. بتمنالك الشفاء العاجل والونيس الصالح ولو حبيتي تتواصلي معانا بتفاصيل أكتر عشان نساعدك أكتر هنرحب بيكي ف أي وقت.
تم النشر الاثنين، ٥ ديسمبر ٢٠٢٢
انا للأسف مش قادر احدد أن كانت مشكلتك صحيه ولا نفسيه. ممكن تراسلني لو احتجت اي مساعده.
تم النشر الاثنين، ٥ ديسمبر ٢٠٢٢
لازم تساعدني نفسك يحببني وتساعدي الدكتور إذا كان طبيب نفسي لازم تعرفي سبب تعبك من الوحده؟؟ اتونسي بالله وواظبي علي قيام الليل مهتسبهوشي ابدا وودي من الطاعات واشغلي وقتك وطوري من نفسك وشخصيتك لازم يبقي عندك اراده للعلاج
تم النشر الخميس، ١ ديسمبر ٢٠٢٢
لعرض السؤال في فدني اضغط هنا