السلام عليكم ورحمه الله وبركاته هو دائما بيبقى يعني الحاجه المجهوله اللي هي بس الصوره بتاعتها بناء على اللي احنا عمالين بنبنيه وبتتخيلوا بتبقى جميله جدا وبنبقى ماسكين فيها جدا، البنت دي انت حبيتها عشان خاطر شايف فيها صفات حقيقي هو أنت اكيد لسه مش متاكد منها يعني ممكن تكون شايفها لطيفه وروحها حلوه لكن ممكن جدا كنت يعني دخلت معاها في ارتباط خطوبه وكنت تلاقي لا يعني الانطباع اللي انت اخدته مش صح ما طلعش حقيقي او تلاقي صفات ثانيه بتغلب الصفه اللي هي بتاعه ان روحها خفيفه دي يعني ممكن تكون روحه خفيفه ولطيفه لكن تكوني مثلا يعني استغلاليه او دراما كوين فيعني ممكن تلاقي حاجات ما تناسبكش بعد ما تعرفها طيب الموضوع ده مختصر بانه هي البنت نفسها رفضت هي رفضت لان هي ما شافتش فيك اللي هي بتدور عليه ده لوحده كافي ده لوحده ضروري جدا يكون هي النقطه اللي هتبدا منها علشان تبدا تشوف الموضوع من اتجاه ثاني خالص أنا ليه قابل بشيء بيرفضني يعني ايه هنا الحاجه اللي لها قيمه عاليه اكثر من نفسي في الوضع ده انا حطيت البنت في قيمه اعلى مني وعمال بقول رغم ان هي مش شايفاني لكن انا شايفها برده وعاوزها هي مش شايفه فيا حاجات تخليها حتى تحاول تعرفني وانا شايف فيها كل حاجه وبرده عاوزها ده طبعا بيكون واحد من المواقف اللي هتبقى حطاك قدام نفسك في وضع انك مقلل من نظرتك لنفسك ومش قادر تتقبل انه هي ما شافتش فيك حاجه وتتمنى طبعا ان هي تقبل فتشوفوا بعض فتعرفك كويس فتحبك مش ضروري خالص على فكره ده واحد من الاحتمالات مبدئيا الاحتمال الثاني ان ممكن البنت والله يكون مش حابه ترتبط باي حد من من صحاب أخواتها يعني ده وارد هي مش حابه لانه ممكن ترتبطوا ويحصل مشاكل وما تكملوش فهي مش حابه تعمل كده ويفضل صاحب أخوها موجود طول الوقت وبتشوفه وبيتردد في مناسباتهم العائليه وتكون كان في يوم من الايام بينها وبينه علاقه لم تكتمل يعني بالجواز. ااا احترم رفضها ووقف الموضوع عند الحد ده وابدأ شوف إن الحياة مش هتقف عليها.
يبقى هو سبب صعوبة نسيانها ان دى اول مره تحس بالمشاعر دى
تم النشر الخميس، ١٧ أبريل ٢٠٢٥
انا عمري مكلمت بنت ولا اعجبت لكن دي مش عارف اشيلها من دماغي انا حبيت حب اعمي لدرجة اني خسرت كرامتي وعزة نفسي
تم النشر الخميس، ١٧ أبريل ٢٠٢٥
انا جي عليا وقت كرهت بعض افعالها معايا لكن مقدرتش اكرها
تم النشر الخميس، ١٧ أبريل ٢٠٢٥
بس انا مش صاحب الاخوات ما عارف عادي جدا وما فيش بينا اي معامله
تم النشر الخميس، ١٧ أبريل ٢٠٢٥
لعرض الإجابة في فدني اضغط هنا