نفسي اموت بجد والله العظيم انا امنية حياتي امشي من الحياه كلها ، ماما شايفاني افشل حد في الكون كانت في الاول بتتكلم معايا لو فيه اي مشكله كنا بنحلها سوا دلوقتي علي كل كبيره وصغيره تزعق وتخاصمني بالاسابيع اقسم بالله لسه من اسبوعين متخانقين خناقه كبيره وصالحتها ولسه النهارده اهو بدون اي سبب زعيق لساعتين متواصلين بتقولي انتي مش بتشتغلي شغل البيت انا لما بشتغل هي نفسها بتقولي كفايه روحي نامي وبفضل اقولها هعمل انا تقولي لا مش عايزاكي تعملي حاجه انا حرفيا انام متأخر وبصحي بدري عشانها تقولي ايه المصحيكي بدري ادخلي نامي ادخل انام تزعق حاسه انه هيجيلي انفصام ، مليش حد اتكلم معاه ولا حتي صحاب كل شويه كدا مش عاجبها اي حاجه فيا تجيبلي الهدوم اللي علي مزاجها بألوان غريبه انا مش بحب النوع ده والالوان دي بيبقي يومي اسود لو اعترضت حتي في محلات اللبس بنتخانق لو وزني زاد شويه تقولي بقيتي شبه الجاموسه ايه المنظر ده بقعد اعيط اقسم بالله من كلامها مع اني مش تخينه اوي بس هي كدا لما بتغضب كلامها بيبقي سم لسه النهارده وقعت غصب عني حاجه علي الارض اتفتحت فيا زعيق انا مش قادره علي كدا كل يومين خناقه بسبب ومن غير انا خلاص جيبت اخري وخالتو تشجعها وتقولها معرفتيش تربي وبابا لما بيشوفها كدا بيتخانق معايا انا ويحرقلي دمي اقسم بالله ما حد مديني فرصه اتكلم بيخترعو حاجات من دماغهم ويصدقوها ويتخانقو معايا انا نفسي انتحر بجد مش هنكر اني عصبيه وساعات بشد معاها في الكلام وساعات بعدي عشان مبيبقاش عندي طاقه بس خلاص طاقتي نفذت بقيت بكره القعده معاها وساعات اقول لا حرام انا من غيرها مسواش حاجه بس اعصابي تعبت من الزعيق كل يوم بجد خلاص
فهماكي كويس ..الموت مش الاحل الأنسب ولأنه حرام..مامتك محتاجه تقعدي تتكلمي معاها وتفهميها اي اللي بيضايقك منها وهي كذلك حاولي تقربي منها وتحكيليها كل حاجه وتقوليلها ايه اللي بيضايقك منها حاولي تفهمينها اكتر وتعملي اللي يريحها ومتزهقيش ..ربنا يوفقك
تم النشر الأحد، ١٤ يوليو ٢٠٢٤
الموت مش وسيله لحل مشكلتك انتي لازم تحاربي وتجاهدي نفسك عشان توصلي لاي انجاز تثبتي لنفسك فيه انك مش فاشله وانك تقدري ربنا بختبرك وانتي قد الاختبار
تم النشر الأحد، ١٤ يوليو ٢٠٢٤
فى البداية كده.انتى شخصية هاديه والمحيط العائلى فيه اختلافات كتير وده اللى اثر عليكى نفسيا بشكل كبير. ممكن تكون والدتك بتمر بظروف أو أمور صعبه وضغوط مخليها عصبيه ومتوتره وده بيظهر فى اى موقف ما بينكم. حاولى تتكلمى معاها براحة وفهميها انتى فيكى ايه وحاولى باكثر من طريقه تتقربى منها لانها مامتك وبتحبك واى أطراف خارجية هتدخل المشكلة هتكبر فكونى ذكية واحتوى الموقف على اد ما تقدرى فكرة الانتحار دى صعبة جدا ارجوك متفكريش فيها لانك كده مش هتخلصى من حياتك لاء انتى هتخسرى علاقتك بربنا للابد.ده ممكن يكون اختبار ليكى من ربنا واكيد ليه حكمه فخليكى قويه لأنها مامتك ومحتجالك مهما حصل بينكم اختلاف. لو حسيت انك تعبانه اخرجى من المكان اللى انتى فيه .اتكلمى مع حد قريب منك أو لايف كوتش ده هيساعدك ويدعمك جدا.فكرى ايه الحاجات اللي بتحبيها وبتلاقى نفسك فيها واعمليها دايما اكتبى دايما اللى جواكى باستمرار ده هيخفف عنك كتير وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر السبت، ١٣ يوليو ٢٠٢٤
حبيبتي، أول حاجة بحب أقولك اني فاهمة جدًا اللي بتمري بيه، ومقدرّة تعبك وضغوطاتك. أنا هنا عشان أسمعك وأدعمك. الموضوع ده مش سهل أبدًا، والعلاقة بين الأهل والأبناء أحياناً بتكون معقدة وبتمر بفترات صعبة. أول حاجة لازم نعملها هي نحاول نفهم الوضع من منظور مختلف. مرات الأهل بيكون عندهم ضغوطات ومشاكل بيظهروا غضبهم بطريقة غلط. مامتك ممكن تكون متوترة أو بتمر بحاجة خاصة بيها ومش قادرة تعبر عنها بشكل كويس. أنا عارفة إنك بتحاولي تساعدي وممكن تشعري إن تعبك مش مدلول، بس مهم تحافظي على صحتك النفسية والبدنية. جربي تبدي بهدوء وتتكلمي مع مامتك وتقولي لها إنتِ قد إيه بتحاولي تراضيها وبتساعدي، وإنك محتاجة دعمها وتفهمها. حاولي تقولي لها إنتِ بتحبيها قد إيه ومقدّرة تعبها بس إنك محتاجة شوية تفاهم. لو شايفة إن الوضع ما بيتحسنش، جربي تتكلمي مع حد تاني من العيلة ممكن يؤثر بشكل إيجابي، زي خالتك أو عمك أو أي حد تاني مقرّب. ومش غلط إنك تسألي مختص نفسي يساعدك تتعاملي مع الوضع بشكل أحسن ويحفظ لك الصحة النفسية. وأخيراً، إياكِ تفكري في الانتحار، حياتك ثمينة وغالية، وإن شاء الله تمرّي من الأزمة دي وتبقي أقوى. كلنا بنمر بتحديات وممكن تحسي إنها نهاية الدنيا لكن في الواقع كل مشكلة في حل ولو بعد وقت. أنا هنا معاكِ بقلبي وبفكري، وفكري دايمًا إن بكرة أحسن بإذن الله.
تم النشر السبت، ١٣ يوليو ٢٠٢٤
التزمي بالصلاه وان شاء الله خير والامور تتحل وترجع زي الاول واحسن كمان
تم النشر الأحد، ١٤ يوليو ٢٠٢٤
الامر صعب جدا ربنا يكون ف عونك بس متوصلش للدرجاتي انهم يتخانقو ع الفاضيه والمليانه
تم النشر الأحد، ١٤ يوليو ٢٠٢٤
مش عارف اقولك ايه .. ربنا معاكي ويصلح لك الحال .. بس ياريت تحافظي على صلاتك وعلاقتك بـربنا وإن شاء الله تلاقي تحسن في علاقاتك باللي حواليك
تم النشر السبت، ١٣ يوليو ٢٠٢٤
لعرض السؤال في فدني اضغط هنا