هو الحقيقة إن أنا مستغربة إنك بتسألي فعلا تكملي ولا لأ. يا بنتي دي الريد فلاجز بتتنط في كلامك، مش لاقية سطر واحد مفهوش علامة إنذار خطر. انتِ شايفاه بيحبك بجد؟ أنا مش شايفة غير شخص سام ومتناقض ومتحكم وكل عبر الدنيا فيه. عززي نفسك يا بنتي، علاقتك به مش صح خالص ومش من حقه أي تحكم فيكِ وهو مش زوجك ولا يحل لكِ. أنتِ صغيرة قوي وهو بيستغل صغرك ومشاعرك. منين أصلا بيزعل منك لما متصليش وتقرأي قرآن وعاوزك تلبسي خمار ومنين عاوز منك صور عريانة وخلاك تعملي حاجة غلط... القرآن والتدين ميمشيش أبدًا مع القذارة دي. مش بيخونك بس عنده أرقام بنات الدنيا والآخرة؟ عرفتِ منين بقى مش بيخونك؟ عشان مش قفشتِه ولا مرة؟ ده دليلك يعني؟ بعيدًا عن مش بيخونك. عاوزة تكملي مع حد زي ده ليه بجد؟ هاتي لي ميزة واحدة توحد ربنا تخليكِ توافقي بجد.
انصحك بالانسحاب بهدوء وفي صمت،، عيشي حياتك الطبيعيه في يومك العادي وانسي قوانينه، والخط اللي راسمهولك وانتي تابعه ليه بلا أي منطق لمجرد أنه بيهتم أو مُقنّع بالدين.. كمان لازم يكون فيه حد ثقه داعم ليكي في الخطوه دي ويعرف المقبول من مجريات الأمور ما بينكم، وانا شايف ان انسب شخص هي والدتك بما انها على علم بوجود الشخص ده، أو أي شخص قريب بين أهلك.. للاسف بناءاً على وصفك لسلوكياته معاكي فده شخص مضطرب وغير أمين، وانتي بالنسباله مملوكه من حقه!..(هو شايف كده)، فبغض النظر عن إذا كان فعلاً بيحبك أو لأ، وانا لا اعتقد بالمره إن ده حب في الأساس.. علشان كده توقعي اي تهديد ممكن يحصل نتيجة انسحابك أو اختفاءك عنه، فلازم تاخدي حذرك منه بالله اولاً، ثم بمساعدة الشخص القريب في انك تتخلصي منه نهائيا بدون اي مضايقات أو شوشره. "ونصيحه. اخيرة،، اهتمي بدراستك ومستقبلك، بلاش تخوني ثقة اهلك فيكي، وبلاش الحرام بكل أشكاله، اتقي الله في عِرضِك"
تم النشر الخميس، ٢٠ مارس ٢٠٢٥
اجبهالوا ازاي
تم النشر الخميس، ٢٠ مارس ٢٠٢٥
لعرض الإجابة في فدني اضغط هنا