انا عندي 18 سنه ثالثه ثانوي محافظه المنوفيه تعرفت على شاب من ست شهور هو اكبر مني عنده 25 سنه هو كشكل جميل وعيله كويسه مستوى كويس وشاب اي حد يتمناه انا شفته مره وبعد كده دخلت كلمته مع العلم كنت اول مره اعملها في حياتي بتكلم معايا وشافني وعجبته وبعد كده حبينا بعض واخد تليفوني
مديني تليفون نوكيا وانا بستخدم التابلت والتليفون بغرض ان انا مليش ولا يبقي ليا اي صحاب هو كويس بيجبلي حاجات من غير منا ببقى عايزه بيتهم بيا اووي اوووي بيغير عليا اوووي اوووي لدرجه الخنقه كنت بلبس بناطيل وكده لبس طبيعي عادي بس هو قالي عايزاني البس خمار
لبست خمار مع العلم انا كنت حابه ابقي موديل قفل كل اكونتاتي ومن هنا قالي اني اقعد في البيت ومش انزل دروس سمعت كلامه ومكنتش اخرج إلا لما انزل اقابله بس فجأه ملقتش حد جمبي غير هو بطريقه كده خباثه مبقاش عندي صحاب ومع العلم كلم امي بس وامي عرفت بالموضوع والدنيا كويسه حبيتوا اووي وهو حبني اوووي اووي يمكن ضعف حبي وكلمت مماتوا طول اليوم مش بيفارقني حتى ونا نايمه هو بيبقي معايا ع تلفون فجأه حصل بينا
حاجه غلط وطلب يشوف جسمي وشفت جسموا والشهوه زادت اكتر جيت قلتلوا اخطبني حسيتوا بيتهرب زعلت قلتلوا بكل هدوء اني ماشيه قالي لا وانو مش هيعرف يعيش من غيري وكده ودا بجد الصراحه
بيسيب اهلوا ويقعد معايا يكلمني مع العلم يخليني اصلي وأقرأ قرآن مع العلم لو معملتش كده بيزعل اني مثلا مفيش صور او كده إلا لازما اصحى معاها وانام معاها ولو صحيت قبله او مسكت تلفون ماما او كده يحلفني اني مكلمتش حد دا بشتري عبايه رمضان هو الي نقاها وحتى سرق الحزام من ورايا وخدوا وانا ممنوع الخروج ع بابا الشقه حتى
وعارف كل جيراني وواخد ارقامهم عشان يعرف انا طلعت ولا لا بس هو افعالوا واهتماموا وكل حاجه يقول بيحبني مع العلم مش بيخوني بس هو عندوا أرقام بنات الدنيا والآخرة بس مش بقي يتكلم معاهم ولا مره قفشتوا بيخوني لانوا مش بيفارقني لاحظه بس انا مش عارفه اكمل ولا لا عايزه حل والنبي اكمل ولا لا والنبي
🎤 إجابة صوتية
تم النشر الخميس، ٢٠ مارس ٢٠٢٥
هو الحقيقة إن أنا مستغربة إنك بتسألي فعلا تكملي ولا لأ. يا بنتي دي الريد فلاجز بتتنط في كلامك، مش لاقية سطر واحد مفهوش علامة إنذار خطر. انتِ شايفاه بيحبك بجد؟ أنا مش شايفة غير شخص سام ومتناقض ومتحكم وكل عبر الدنيا فيه. عززي نفسك يا بنتي، علاقتك به مش صح خالص ومش من حقه أي تحكم فيكِ وهو مش زوجك ولا يحل لكِ. أنتِ صغيرة قوي وهو بيستغل صغرك ومشاعرك. منين أصلا بيزعل منك لما متصليش وتقرأي قرآن وعاوزك تلبسي خمار ومنين عاوز منك صور عريانة وخلاك تعملي حاجة غلط... القرآن والتدين ميمشيش أبدًا مع القذارة دي. مش بيخونك بس عنده أرقام بنات الدنيا والآخرة؟ عرفتِ منين بقى مش بيخونك؟ عشان مش قفشتِه ولا مرة؟ ده دليلك يعني؟ بعيدًا عن مش بيخونك. عاوزة تكملي مع حد زي ده ليه بجد؟ هاتي لي ميزة واحدة توحد ربنا تخليكِ توافقي بجد.
تم النشر الأربعاء، ١٩ مارس ٢٠٢٥
ملكيش اعتبارات فعشان كدا بيستغلك. يعني ايه بجد تبقي ثانوية عامة ومش عارفه تخرجي عشان واحد مش راجل بيمارس عليكي سلطة مش من حقة دا لو حتى انتي خطيبته فمش من حقه يكون مسلط عليك هتضيعي... هتضيعي... والله هتضيعي ما يغركيش الهرمونات اللي بتحسبي بيها معاه انت كبنت بتخربي نفسك بتعملي لنفسك ماضي قذر إن لم تتوبي وترجعي تعزي نفسك ربنا يهديكم يارب لازم تقفلي العلاقة المحرمة دي وتدوسي على نفسك لاحسن والله هتتمنى لو انك تموتي ولا ان عزتك اتهزت وشرفك يضيع
تم النشر الجمعة، ٢١ مارس ٢٠٢٥
طيب بصي يا جميلة مشاعرك للحب والاهتمام دا شيء طبيعي بس خلي بالك الاهتمام دا بتاخديه بطريقة حلال ومشروعة ولا حرام ركزي في دراستك وطوري ذاتك واهتمي بصحتك جسديا ونفسيا وعقليا كلامك فيه علامات خطر كتير أوي ودلائل انه شخص غير مناسب وبعدين هو حد بيكلم واحدة برضاها وبرضى أمها وشاف جسمها وأكيد بينكم كلام مش كويس هيسيبها ليه؟ بيمارس رجولته على ضعفك واحتياجك وانك صغيرة ولو حصل وتجوزك في يوم مش هتعيشي معاه مبسوطة لأنه طول الوقت هيشك زي ما غلطتي معاه هتغلطي مع غيره . باختصار مش هيثق فيك ولا في بيتك هو بس بياخد اللي يقدر ياخده، وكل ما ياخد حاجة هيطلب زيادة ومش هتقدري ترفضي لحد ما توصلي يوم تندمي. . ركزي في دراستك يا جميلة ومستقبلك وتأكدي انك تقدري تتخطيه وربنا غفور رحيم هتكبري والزمنيثبت لك انه مكانش الخيار المناسب انت جميلة ومشاعرك تشبعيها بطريقة شرعية وتستاهلي احسن منه بكتير
تم النشر الجمعة، ٢١ مارس ٢٠٢٥
اتقي الله ، حبيبة قلبي دا طريق زنا ابعدى العلاقات الغير شرعيه دى حرام اقفلى اى وسائل تواصل ، وتخلصي من اى وسيلة يقدر يوصلك منها اهررررررررررببيييييييييييييييييييييييييييييييي، اوعي بجد ، عارفة لو حصل ما بينكوا زنا ودا مش مستبعد هتروحى فى داهيه ولا هتعرفي تتجوزى غيره ولا حاجه وتبقي خسرتى فى الآخرة والدنيا خدى بقي عندك أهلك لو عرفوا بالزنا دا ولا لو الموضوع تكتم عليه والدنيا مشيت وعريس جه يتقدملك وانت فى ليلة الدخلة هتعملى ايه ، خلى بالك انت مستبعدة فعل الزنا بس انت قريبة اوى منه ، انا قولتلك ، وبعدين هو اصلا لو عايزك فعلا كان جه اتقدملك ، انت بتقولى بيجيب ليك حاجات كتيرة وبتاع ، ايه ممعهوش شوية فلوس يجيب دبلة ، ولا حتى لو اتخطبتوا بردو مازال رجل أجنبي عنك لا يحل لك انك تتكلمى معاه إلى بضوابط شرعية ، خدى بقي الكبيرة تعرفي كنت سامعة شيخ بيتكلم بيقول أنه كان بيكلم واحد مقضيها بنات وكدا وبعدين راح قال للشيخ عايز اتجوز فالشيخ بيهزر معاه ويقوله دا انت يعنى إلى هو عارف بنات اد كدا وبتاع قاله لا أنا مش عايز صاحبة انا عايز زوجة فالشباب يا حبيبتى عارفين كويس اوى بيعملوا ايه بيتسلوا شوية لكن وقت الجد عايزين واحدة متكلمتش مع واحد ، بصي رسالتى ليك فيها شدة شوية بس لازم تفوقي يا بنتى الشيخ سمعته بيقول أن الشباب عارفة بتعمل ايه كويس ، وقال كمان واحدة متجوزة وكانت باين عملت حاجات غلط مع إلى اتجوزته دا بس قبل الجواز المهم قام مش عارفة كانت باين بتقول ايه ولا عملت ايه قام جوزها قايلها انت هتعملي فيها شيخه انت نسيت كنا بنعمل ايه فى الخطوبة
تم النشر الخميس، ٢٠ مارس ٢٠٢٥
اتقي الله واقطعي تلك العلاقة فهذا ليس انسان أنه شيطان وانتي للاسف من جعلتي من نفسك سلعة رديئة يبتزها متي يشاء اتق الله وارجعي لله واحفظي نفسك وأهلك أولا وأخيرا
تم النشر الاثنين، ٣١ مارس ٢٠٢٥
كل الناس لها نفس الراي انك تتركيه اعملي كدا احنا جايين من المستقبل
تم النشر الخميس، ٢٠ مارس ٢٠٢٥
والله انتي علي خطر عظيم لا تخوني عهد الله وتخوني ثقه اهلك هذا لا يحبك ابدا هو فقط يحب الصور جربي كدا تقوليله مش هبعتلك صور تاني وساعتها هتلاقي بني ادم تاني خاللص بني ادم بيهدك بصورك اللي انتي باعتاها قبل كدا ولو كملتي معاه لازم تعرفي ان طلبه اللي جاي هو علاقه كامله وبعدها ابقي اجري وراه بقي. اتقي الله وابعده عنه تماما
تم النشر الخميس، ٢٠ مارس ٢٠٢٥
طبعا لا متكمليش ده بني ادم عايز يحس انه مسيطر عليك هي بتيحي كده فالاول يفضل يسحبك لحد متبقي معندكيش غيره بعدين دي مسمهاش غيرة دي خنقة وقرف وده م اول مشكلة هيفضحك فابعدي العلاقات اللي مترضيش ربنا مترضكيش والله فانت ابعدي عنه وقوليله لو بتحبني بجد تعالي اتقدملي لكن كلام حاليا مش هينفع عشان دراستي وبعدين ده لو حصل واتجوزك هيقرفك فعيشتك ويخليكي تنعزلي بحجة انه بيغير عليك. ده توكسيك جدا اهربي ي حبيبتي
تم النشر الخميس، ٢٠ مارس ٢٠٢٥
انتي ١٨ سنه في كليه و في حياه كامله بعيده عن القرف دا خاااالص
تم النشر الأربعاء، ١٩ مارس ٢٠٢٥
لا حبيبي لااااااا لا لا لا لا لا لا لا لا لا
تم النشر الأربعاء، ١٩ مارس ٢٠٢٥
لعرض السؤال في فدني اضغط هنا