منذ فترة وأنا لا أريد فعل أي شيء غير أن أنام ولا أعرف ما فائدتي في الحياة، ماذا أفعل؟

Question

بقالي فتره مش عارفه اعمل اي حاجه مش عارفه اتكلم مع اللي بحبهم مش عارفه امارس اي هوايه مش عارفه و مش عايزه اعمل حاجه غير اني انام او منامش بس ابقا ف اوضتي و قافله الباب و مشوفش حد مش قادره اتعامل مع حد ولا قادره اعمل حاجه مبسألش نفسي غير سؤال واحد هو انا اتولدت لي من البدايه الناس بتصحى بتبقا وراها حاجه تعملها او في حاجه تصحى عشانها انما أنا لاء أنا دايما نايمه دايما مش عارفه اضحك و مش عايزه اتكلم مع حد ولا اسأل عن حد ولا حد يسأل عني حتى عيلتي انا مش قادره اقعد معاهم مش قادره اعمل اي حاجه كل اللي بعملو بصحى اكل و اصلي و اقرأ قرآن بعدين انام انا حتى مش عايزه احاول او حاولت و فشلت اني اعمل الحاجه الي تبسطني مفيش طاقه او رغبه لأي حاجه اعملها ولا خروج ولا حتى قاعده ع التليفون بقيت بحس لما بنام ببقا مبسوطه ببقا مرتاحه ونا نايمه غير كدا عمري مرتحت ع طول بحاول اعمل حاجه و تفشل لحد مزهقت مش عايزه اشوف ناس ولا اعمل حاجه ف حياتي بقيت حاسه إن مفيش فرق بيني و بين الدولاب دا حتى الدولاب في فايده عني مش عارفه اخرج من الحاله دي ازاي ولا اعمل ايه مع العلم حتى الأنشطه الإجتماعية بتتعبني اكتر مببقاش مبسوطه فيها حاسه كل حاجه بقا لونها اسود مبقتش عايزه اصحى

Accepted Answer

فى البداية كده.واضح انك مريتى بظروف ومواقف تأثيرها عليكى نفسيا كان قوى. حالة فقدان الشغف والهروب من الواقع بالنوم ورفض التعامل مع العالم الخارجي ده نتيجه الظروف والمحيط اللى بتعيشى فيه خلينا اقولك لمجرد انك كتبت اللى جواكى يبقى فى امل فى قابلية للتغيير متستسلميش للوضع ده كل واحد فينا مر بظروف صعبه ومواقف وحاجات كتير جدا . اكيد ليكى هدف نفسك تحقيقه ولو حاولتى وما انجزتيش دى مش اخر الدنيا حاولى اكتر من مره علشان توصلى لهدفك .سيطري على اللى جواكى بأنك تهتم بالجانب الدينى ،تحددى هدفك وخطه لتحقيقه.مارسى رياضه بتحبيها، لو فى تجمعات عائليه حاولى تنضمى ليها،لو ليكى صديق مقرب أو لايف كوتش اتكلمى باستمرار وشاركيهم افكارك اكتبى دايما اللى جواكى ،انجازاتك، كل حاجه بتحسى نفسك فيها بقوة،كل ده صدقينى هيغير منك كتير جدا وتذكرى أن ربنا معاكى فى كل خطواتك وبيساعدك. وانك قوية وهتقدرى🌷

Answer

انا بردو بيحصلي نفس الكلام ومش عارفه اعمل ايه بنام كتير بردو وحسا بكسل طول الوقت ومش بقدر اعمل حاجه غير اقعد علي الموبايل.

Answer

السلام عليكم. شوفي يا بنتي يعني انا متاكده يعني قد اختي الصغيره او قد بنتي. اللي انت بتقوليه ده يعني انا في اسئله كثير او ناس كثير كانت بتتكلم في مواضيع ممكن شبيهه بالحاله دي السؤال بتاعها هو انا موجود في الحياه ليه السؤال ده بياكد انه في جزئيه معرفيه مهمه جدا واقعه مننا اللي بتخلينا ضعاف قوي قوي قصاد الشيطان وبيبقى الباب مفتوح له قد كده اهو عشان يخش يحزننا ويكسلنا فهنبقى ما بنعملش حاجه خالص في الحياه ونايمين وفاقدين الشغف ومش عارفين نتعامل ومش عارفين نتواصل وكل الكلام ده. نقطه الضعف دي هي ايه هو احنا مش محتاجين ندور على هدف وجودنا في الحياه لانه ربنا سبحانه وتعالى قال لنا احنا موجودين ليه وما خلقت الجن والانس الا ليعبدون ده في القران الكريم. فاحنا موجودين عشان نعبد ربنا انت بتصحي كل يوم لازم تعبدي ربنا طب وانت تعبدي ربنا انت ماسكه الموبايل طب احنا نقعد ربنا ازاي نصلي بس ده انت ما بتصليش بقى مثلا طيب بتصلي طب هي الصلاه بس العباده في كل شيء. احنا بنصحى كل يوم عشان نعبد ربنا نعبده بان احنا نعمل الفروض نعبده بان احنا نشوف اهلنا محتاجين ايه نعبده بان احنا نشوف نقدر نساعد اللي حوالينا بايه حتى لو مش اهلنا نعبده بان احنا نشوف نقدر نصلح ايه في في محيط اللي حوالينا ونعمل ده عشان يبقى لنا لازمه ولينا فايده اللي هي ربنا خالقنا عليه ليها اصلا فوالله مش محتاجين ندور على سبب نعيش عشانه لانه السبب موجود. الحاجات التانيه بقى اللي احنا بنتكلم فيها وانه نشوف هدف وشوف حلم وكل الكلام ده الهدف اصلا موجود عيش في الحياه عشان تعبد ربنا وهدفك الاساسي انك تدخل الجنه لانك لو حياتك خلصت وكانت المحصله بتاعتها ما تدخلكش الجنه انت كده رحت في 60 داهيه. الرسول عليه الصلاه والسلام كان في الاذكار بيقول دائما اللهم اني اعوذ بك من العجز والكسل اللهم اني اعوذ بك من الهم والحزن اربع حاجات كارثه زي ما بنستعيذ من الشيطان يعني نقول لربنا احمينا من الشيطان عشان احنا يعني ممكن ما نقدرش عليه من غير قدره ربنا فبرضه الهم والحزن حاجات كبيره احنا عايزين نكون في حمايه منها فمعنى كده انه احنا وجودنا في معيه الله وجودنا في كل الحاجات اللي لها علاقه بربنا هو اللي هيحمينا وان احنا كمان ندعي ربنا ونقول له يا رب احمينا من ده احمينا من ان احنا نكون مهمومين وحزانى سواء بسبب او من غير سبب لان الهم والحزن ممكن يجي من غير سبب ليه عشان هو اصلا من الشيطان. طب والعجز والكسل والعاجز ده لازم يكون في عنده حاجه جسديه معجزاه مقعداه لا لانه في ناس كتير فاقدين اطرافهم ومع ذلك مش عاجزين. وبيؤدوا في الحياه فالعجز والكسل حاجات برده نفسيه وحاجات برضه بتيجي من الشيطان استعيدي بالله من الحاجات دي وقومي قدورك اللي ربنا خلقك عشانه عشان هتتسالي عليه علشان ما تبقاش المحصله تزعلي عليها في الاخر ايا كانت الحاجات اللي حاصله في الحياه ايا كانت الحاجات اللي ممكن تكون متقلاكي في الحياه قومي كل يوم الصبح وقولي انا قايمه عشان اعمل الهدف اللي ربنا حطني عشانه في الارض قبل اي حاجه ثانيه.

منذ فترة وأنا لا أريد فعل أي شيء غير أن أنام ولا أعرف ما فائدتي في الحياة، ماذا أفعل؟

نفسية

اجتماعية

سؤال من احد أعضاء فدني

تم النشر الاثنين، ١ يوليو ٢٠٢٤

4 إجابة

0 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك