السلام عليكم ورحمة الله وبركاته
انا طالبة فأولى ثانوى عندى 16 سنة و انا فدرس كان قاعد ورايا ولد قدى بردو و كان بيلمسنى بطريقة مش كويسة فمكان غلط و انا اتكسفت اقول للمستر وقعد اعيط وجسنى كان بيترعش و دى اول مرة اتعرض لحاجة زى كدا
ضروري جدا تبلغي والدك أو اخوكي الكبير وخليه يجي معاكي ويضع حد للشخص ده مهم جدا جدا كوني قوية ومتسمحيش لشخص قذر زي ده يعمل كده مرة تانية ولو حصل قومي واضربيه علي وشه في قلب الدرس وبلغي المدرس باللي حصل واتصلي لوالدك في الحال اوعي تتهاوني ابدأ مع اي حد في الموضوع ده لانه هيتجرأ اكتر
تم النشر الجمعة، ١٥ سبتمبر ٢٠٢٣
وعليكم السلام اولا تاخدى حد كبير ...والدك او اخوكى او والدتك ...ويستنى مع المستر فى المكتب وانتى تدخلى عادى وهما يندهوا على الولد ده اول ما يجى ويتهزأ وبعدين يندهولك ويعتذرلك ويكلموا اهله كمان لازم تاخدى رد فعل قوى والا الموقف هيفضل مأثر معاكى ويحسسك بانك ضعيفه انتى مش ضعيفة وهو اللى ضعيف وحيوان
تم النشر الجمعة، ١٥ سبتمبر ٢٠٢٣
إضافةة للإجابات هونِي على نفسِك بجد انتِ جسمك اتكهرب معرفتيش تاخدي رد فِعل إيه أتمنى تسمعي لِ كللم دكتورة ياسمين بردُك سيبك.من اي حد قالك كنتي تضربي وكده اللي حصل حصل لقدر الله لو اتعرضْتي للموقف ده تاني بعد الشر عنِك انتِ هيكون عند شويةة جُرأه إنك تتكلمي معلش بجد لِِِيكي ولأي واحده حست الإحساس المؤذي ده بجد متخافِيش.
تم النشر السبت، ١٦ سبتمبر ٢٠٢٣
مينفعش طبعا تقولي للمستر على العكس تماما التصرف الصحيح كنتي وقفتي في الحال وضربتيه بالقلم أو تفيتي في وشه كان لازمن تهينيه لأن جسمك دا الخط الاحمر مينفعش اي كان يقرب منك. لكن الي حصل حصل ومحدش بيتعلم ببلاش واوعي تلومي نفسك على انك معرفتيش تتعاملي صح لكن عادي جدا والي جي احسن إن شاء الله بس احنا نحاول منديش لحد فرصة انو يعمل كده يعني مثلا ليه تاخدي في مجموعة فيها اولاد أو ليه مثلا تقعدي قريب من الولاد وهكذا ربنا يحفظكم جميعا
تم النشر الجمعة، ١٥ سبتمبر ٢٠٢٣
انا فالاخر قولت للاسيستنت اللى واقف بس معملهوش حاجة غير انه طلعة برا الحصة لما رجعت قولت للمستر عالوتس وهو قالى هيجبلى حقى عشان بجد لو محدش جبلى حقى منه ممكن اتعب اكتر الحاجة الوحيدة اللى ممكن تهون عليا شوية انه يتعاقب على اللى عمله
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا