أنا دايما عصبيه وعندي احساس عندي احساس بالخمول والكسل صداع مستمر ودايما عايزه انام مش عايزه اسمع حد او اشوف حد مش عايزه اخرج دايما حاسه بان انا مخنوقه مش قادره اعيط وراحتي كلها في اني انام عايزه دايما افضل نايمه من غير حتى ما افكر من غير حتى ماحلم دايما في خلافات مع اهلي اتضايق جدا لما حد يزعق لي او يفكر يمد ايده عليا انا مطلقه مش عارفه اتجاوز الازمه ديت حتى اهلي مش قادرين يفهموا كده مش قادره اشتغل مسؤوليه الطفل اللي معايا مش قادره اعمل حاجه لنفسي حياتي عباره عن البيت فقط لا غير عندي مشاكل كثير مع والدي يعني مشاكل من وانا صغيره بس بجد كل فتره بتخنق على الفتره اللي قبلها ده غير المشاكل اللي مع اخويا وعدم فهم امي ليا
اللى بتعملية كده عامل زى فيلم الهروب الكبير حاجات كلها محتاجة مجهود ومقاومة ...لانك شايفه نفسك مرهقة تقومى تقولى لالالالا ....اكيد مش هقدر اتعامل مع كل ده فتستحضرى كل شعور الارهاق وتدخلى فى النوم فورا ولا ينتهى شعور الارهاق لانك انتى اللى بتستحضرية بذهنك ...مش عشان هو حقيقى فعلا . كل اللى حصل زمان وحصلك قريب هى مجرد هزات تحتاج لدعامات بسيطة ....لو فضلتى كده تستخسرى فى نفسك بناء الدعامات هيجى يوم والزلزال هيكون كفيل بسقطة اكبر انتى مش هتتحملى لومك لنفسك علي نتايجها. ر تبى المشاكل بالاشخاص وابدأى باصغرهم زعلانه من بابا ...اقعدى معاه وقولى كل حاجة وعيطى و كل حاجة ...وخشى نامى هتصحى اخف من الاول ...الحمل نقص حته بيضايقك ان حد بيتجاوز حدوده ويمد ايده .....اقفى وقولى مش هسمح لحد تانى يعمل كده ...وكونى حازمة ...وخشى نامى بردوا هتصحى واخده شوية ثقه انك تقدرى تقولى وتعترضى وتوقفى اللى بيأذيكى ...الحمل كده نقص حتتين تلاته وهكذا اكتئاب الصدمات ده وحش وتقيل ومحتاج اننا نهون على نفسنا زنتحرك لقدام حتى لو الحركة بسيطة
تم النشر الاثنين، ٢٨ أغسطس ٢٠٢٣
مبدأيا انتي راحتك كلها في النوم ده شئ اكيد، علشان هو الملجأ الوحيد اللي بتهربي من مشاكلك بيه. ايه اسباب مشاكلك مع اهلك بالظبط؟ وليه مش قادرة تشتغلي ف الوقت الحالي؟ ممكن تقوليلي او توصفي تجربة طلاقك؟ ايه احساسك عن التجربة ديه؟
تم النشر السبت، ٢٦ أغسطس ٢٠٢٣
في الأغلب انتي عندك اكتئاب و لغبطةهرمونات فلو في امكانيه تتابعي مع دكتور او انك تحاولي تخرجي و تتعرفي علي ناس جديده بس اهم حاجة تختاري صح عشان الناس دي ممكن تكون توكسيك تزود تعبك
تم النشر السبت، ٢٦ أغسطس ٢٠٢٣
مشكلتك نفس مشكلتي والله بس انا مش متجوزه هي الحياه مش هتقف ع حد اطلعي اشتغلي واعملي حاجه لنفسك ولطفلك وانسي الماضي واكيد ربنا مختارلك الخير ونتي لما يكون تواجدك ف البيت فتره اقل ف بالتالي هيكون فتره خناقك مع مامتك واخوكي اقل واعمل الحاجات إللي بتحبيه ومتوقفيش حياتك ع حد هي اكيد هتكون فتره صعبه بس انتي اقوي منها انتي بعد كام سنه كدا هتندمي لما تلاقي نفسك لسا زي منتي لو مش متعلمه مثلا كملي تعليمك جنب شغلك ويارب تفكيرك ميكنش زي ناس كتير ان انتي كبيره ع الدراسه وكدا وممكن تاخدي كورسات ف حاجه بتحبيها طوري من نفسك علشان يكون ليكي فرصه عمل احسن وربنا معاكي ومرحلة وهتعدي بأذن الله
تم النشر السبت، ٢٦ أغسطس ٢٠٢٣
استغفري وصلي علي النبي كل يوم
تم النشر الجمعة، ١ سبتمبر ٢٠٢٣
وعند الله المخرج 🥀
تم النشر السبت، ٢٦ أغسطس ٢٠٢٣
لعرض السؤال في فدني اضغط هنا