السلام عليكم
ارجوكم ساعدوني ونبي انا واقعة في مصيبه وانا عندي ١٥ سنه ومحدش عارف انا امبارح في قناه بعتت لينك وقالت الرقم دا اعملوا إبلاغ وانا دخلت على الينك والنهارده دلوقتي لقيت الرقم دا شايف الاستوري بتاعتي أعمل ايه انا هموت من الخوف والنبي ساعدوني
هكر التلفون وعليها صور لاهلي
بصي هقولك على حاجتين تعمليهم وهتتأكدى إذا كان الرقم ده مهكرك ولا لاء اولا هتدخلى على الرقم ده وتضغطى على ال3 نقط اللى فوق بعدها هيعرض لك صفحته على الواتس هتضغطى ثانى على 3 نقط وتدخلى على التحقق من رمز الامان وتضغطى عليها لو قالك تم التحقق من التشفير يبقى الرقم ده لسه عندك ولو قالك لم يتم التحقق يبقى تمام ده اولا ثانيا هتدخلى على صفحتك وبعدين الاعدادات وبعدين الخصوصيه وبعدين التحقق من الخصوصية وبعدين عزز حماية حسابك وتختارى التحقق بخطوتين لو عملتيها ودخلتى رقم للتحقق حتى لو اخترقك لما يدخل ثانى هيطلب منه الرقم وانتى احفظى الرقم ده عندك علشان كل فترة كده لما يجى يحصل لك اختراق بيطلب منك الرقم ده كحماية لكى من الهاكرز كلهم
تم النشر الأربعاء، ٢٦ فبراير ٢٠٢٥
السلام عليكم ورحمه الله وبركاته بصي مش عايزاك تقلقي لانه اللي هيعمل الهاكينج للتليفون بتاعك مش هيظهر رقمه ان هو شاف الستوري كل الموضوع انه يعني انت دخلتي على قناه على التليجرام فلما بتدخلي على القناه طبعا انت عشان تعملي لها ريبورت بتعملي جوين فجوين بيبان الأرقام اللي دخلت على على القناه يعني عند صاحب القناه فهو واضح انه الشخص ده هو صاحب القناه وبيعمل الحركه دي عشان خاطر يوصل لارقام أكونتات يعني ويتابعها او ممكن يدخل يعاكس البنات فيعني انت عموما اعملي بلوك للرقم ومتقلقيش يعني الموضوع ان شاء الله مش هيكون زي ما انت متخيله كده.
تم النشر الثلاثاء، ٢٥ فبراير ٢٠٢٥
وعليكم السلام ورحمة الله وبركاته، أختي العزيزة، أقدر شعورك بالخوف والقلق في هذه الحالة. أولاً، من المهم أن تقومي بالهدوء وعدم الارتباك. إليك بعض الخطوات التي يمكنك اتباعها: لا تردي على أي رسائل من هذا الرقم : يجب أن تتجنبي التواصل مع الشخص الذي أرسل لك الرابط أو أي شخص آخر قد يتواصل معك عبر هذا الرقم. أبلغي شخصاً موثوقاً : تحدثي مع أحد أفراد العائلة أو الأصدقاء الموثوقين وأخبريهم بما حدث، ويفضل أن يكون بالغاً ليتمكن من مساعدتك. احذري من فتح أي روابط أو تحميل أي ملفات : قد يكون هناك مخاطر تتعلق بالأمان إذا قمت بذلك. تحققي من خصوصية حساباتك على وسائل التواصل الاجتماعي : تأكدي من أن إعدادات الخصوصية لديك تمنع الأشخاص غير المعروفين من رؤية محتوى الحساب. إذا استمر الأمر أو أصبح أكثر تعقيداً، يمكن أن تتوجهي للجهات المختصة : لا تترددي في إبلاغ الشرطة أو الجهات المعنية لأن هذه الأمور قد تحتاج لدعم قانوني. تذكري، أنك لست وحدك، وهناك دوماً من يمكنه مساعدتك. الثقة بنفسك وطلب المساعدة حين تحتاجين إليها هو أمر في غاية الأهمية.
تم النشر الثلاثاء، ٢٥ فبراير ٢٠٢٥
بلوك علطول متقلقيش
تم النشر الأربعاء، ٢٦ فبراير ٢٠٢٥
يارب انا وانت والمسلمين
تم النشر الأربعاء، ٢٦ فبراير ٢٠٢٥
شكراً جدآ جدآ لحضرتك علي كلامك الطيب وانا هقبل النصائح دي
تم النشر الأربعاء، ٢٦ فبراير ٢٠٢٥
اي حد بيسجل تليفونك بمجرد ما يتسجل يشوف حالتك عادي اعمليله حظر على الحاله عادي ونصيحه اخويه مني ليكي متنزليش صورتك لانك بنت وممكن اي حد يحفظها عنده ولأجل اسباب تانيه زي العين أو الحسد والحاجات دي مذكوره فالقرآن وبالذات في الوقت اللي احنا فيه كلو مش عايز حد احسن منه والحقد زايدفي النفوس في ظل عصر الماده الا مارحم ربي وشكرا.
تم النشر الثلاثاء، ٢٥ فبراير ٢٠٢٥
علشان تطمني لو لسه عندك اللينك انسخيه و ادخلي على جوجل فحص المواقع المشبوهة هيظهر ليكي حاجات كثير اختاري اي واحد منهم إن شاء الله مفيش حاجه و ده بالنسبة لاي موقع يتبعت ليكي عموما ثانيا لو لقدر الله حصل حاجه يفضل تقولي لحد اكبر منك يتصرف
تم النشر الخميس، ٢٧ فبراير ٢٠٢٥
عفوا وبالتوفيق والنجاح الدائم
تم النشر الأربعاء، ٢٦ فبراير ٢٠٢٥
هو اخره يشوف الحالة ولو مضايقك اعمليله بلوك
تم النشر الثلاثاء، ٢٥ فبراير ٢٠٢٥
الرقم ممكن يشوف حالتك بمجرد انه يسجلك تقريبا لكن ميقدرش يهكر فونك ببساطه كده
تم النشر الثلاثاء، ٢٥ فبراير ٢٠٢٥
لعرض السؤال في فدني اضغط هنا