انا عندي 20 سنه ، وبحب وبحبه اكتر من نفسي ، زي اي بنت بتحب الهدايا والاهتمام والحب بس بشوف معاه غير كدا انا اللي بهتم واللي بفكر اشوف اي اللي يفرحو طول الوقت واعملو ، هو شوية يعاملني حلو واهتمام وحب وفجأة يتغير ولما بنخرج بشوف ف عيونه حب وبحس انو عاوز يجبلي كل حاجه ومش بهون عليه ، ببقى نفسي يعملني كدا لما منخرجش ،
لما اتكلمت معاه قولتلو عاوزه اشارك معاك يومك قالي انو وهو صغير محدش بيسألو مالك أو مش بيتكلم مع حد وكدا ، وكل اللي نفسي في اذ كان حب واهتمام وكل حاجه لما نتخطب ، عاوزني اغير من شكل جسمي لاني مليانه شوية واشغل وقتي بحاجه استفاد بيها عاوز لما يدخلني عيلته محدش يتكلم ع اختيارو واشرفو وسط أهلو
انا بقى ببقى تمام ومفيش اي حاجه فجاه بحس بنكد وبقعد اعيط واكلمو وهو ف عز شغله اقولو انت مش بتكلمني و بتهتم لحد ما حسيتو اتخنق للعلم احنا ف الاول خالص مكناش كدا ، انا بس محتاجه حل ونصيحه اعمل اي حاجه علشان نرجع زي الاول و ميزهقش
السلام عليكم، مش عارفة إذا إجابتي هتضايقك أو لا لكن خليني أكون صريحة معك. فيه كم نقطة فيهم مشكلة بحكايتك معه، أنتم حاليًا مفيش رابط رسمي بينكم يلزمه أصلًا بأي حاجة ناحيتك، حتى لو رسمنا بدماغنا كل الأحلام الوردية والمعتقدات عن الحب والارتباط. هو ببساطة غير ملزم ولا أنتِ ملزمة ناحيته بشيء. لما يتقدم لك إن شاء الله ويبقى خطيبك هيبقى وقتها فيه التزامات لكن مش كاملة، يعني مش من حقه مثلًا يأمرك متخرجيش من بيت والدك إلا بإذنه لأنه لسه مش زوجك وأنتِ ملزمة بطاعة والدك بس طالما أنتِ ما زلتِ في بيته. ** ثانيًا، اللي ذكرتِه عن قوة علاقتكم بالأول، دي كانت حلاوة البدايات... شعلة الحب والمشاعر الجياشة مع الوقت بتنطفي وبتستنفد. عشان كده أغلب الزيجات اللي عن حب بتنتهي بالانفصال لأنهم بيكونوا استنفدوا طاقة الحب قبل الزواج وبيبدأ الواقع يظهر لهم والمشاكل والعيوب. *** مش هدخل في نواياه، جايز يكون شخص كويس وناوي يتقدم، لكن في أغلب العلاقات الحالية بين الشباب والبنات بيكون الشاب بيتسلى مع البنت لحد ما ربنا يسهل بقى ويبقى مستعد يتزوج وفي الآخر بيروح يخطب واحدة مكنش مصاحبها. ممكن يكون الملل تسرب له من علاقتكم، ممكن زهق من اهتمامك المتواصل وكونك متاحة وقريبة طول الوقت وأنتِ اللي على طول بتتواصل وتهتمي. فيه احتمالات كتيرة عامة، والمفروض إن أنتِ كبنت تكوني عزيزة وبعيدة والرجل هو اللي يسعى لنيل رضاك مش العكس. ثالثًا، معنديش مشكلة إنه ينصحك تشغلي وقتك بحاجات تنفعك لكن ليه تغيري نفسك عشان الغير؟ لو هتخسي فده يكون عشان نفسك، لو هتتعلمي حاجات ومهارات مفيدة فخلي ده عشان نفسك مش عشان ترضي حد مهما كان غالي عندك ولا عشان تنالي رضا عائلته وتشرفيه زي ما بتقولي. اللي بيحب حد مش بيتشرط عليه. ** أرجو متكونش إجابتي أزعجتك. ونصيحة أخيرة، خليه يتقدم لك دلوقتي أفضل ولو مكنش مستعد فابعدي لحد ما يكون مستعد عشان متغضبيش ربنا بعلاقة حرام مهما كنتِ بتحبيه ومهما كان هو صادق معك. بالتوفيق.
تم النشر الاثنين، ٢١ أبريل ٢٠٢٥
مرتبطين
تم النشر الاثنين، ٢١ أبريل ٢٠٢٥
هو الشخص ده خطيبك ولا مرتبطين بس؟
تم النشر الاثنين، ٢١ أبريل ٢٠٢٥
لعرض السؤال في فدني اضغط هنا