زوجي رجل عملي وانا رومانسيه بيحب اتعامل بمشاعري
لكن هو لا بيعرف يتكلم كلام حب وحلو ولا بيعرف يعمل مفاجئات ولا بيعرف يجيب هدايا ورزين جداا لكن حاسه ان قلبي جف ونشف و لما بتكلم معاه بيقولي انتي عارفه اللي في قلبي ومتاكده. منه بس انا حاسه ان مشاعري قلبت وقلبي بقي فاضي وخلص ازاي ارجع اللي في قلبي ده تاني وازاي اخليه هو كمان يعبر ويحسسني بالحب ازاي
هو انا مش متجوز والحمد لله بس هعلق من الباب العام .. كل واحد مننا بيدى ويستقبل مشاعر من غيره ، كل واحد فينا بيبقى لية طريقة بيعبر بيها عن حبة واهتمامه وطرق تواصله مع غيره .. اللي منا بيقول كلمة حلوة وحلانجى، واللي بيجيب هدايا ، وفي الجدع ، وفي اللي بيدي مشاعر وحنية ، واللي بيعبر عن حبه بالاهتمام ... دا اللي بيدي .. طب اللي بيستقبل .. بيختلف بردو من واحد بيحب الكلام وواحد بيحب الاهتمام واحد بيحب المشاعر .. وهكذا .. ثانيا : الراجل ممكن ميكنش عاطفي شوية زي الست ممكن عادي ميعرفش يقول كلام حلو ولا يجيب هدايا مثلا دايما وينسى مناسبات عادى ممكن يكون بخيل شوية فى المشاعر المرئية بس بيعوض دا اهتمام وجدعنة وسند ..ثالثا : المشاعر فى الحياة الزوجية مطلوبة اكيد بس مش هي اللي بتمشى الدنيا .. انتو بقى بتعودو بعض .. حضرتك جربي الحاجة الى بتحبيها عادى وحاولى معاه مرة واتنين عادى متزهقيش 😊 رابعا : لازم تجددو حياتكم ، غيرو روتين ، افتكسيلو اى حاجة جديدة ، خدى الخطوة وحاولى لازم .. خامسا : ظروف حياتنا صعبة والدنيا مقصرة مع كله ، ممكن التفكير واخده وبيفكر ف بكرا خليكى سند ليه.. وربنا يبارك فى حياتكم
تم النشر الخميس، ١٩ ديسمبر ٢٠٢٤
ماشاء الله الأساتذة ردت علي حضرتك الرد الفعلي العملي وانه ازاي الراجل بيفكر وحقيقي اي راجل محترم فاتح بيت دماغه مبقتش بتفصل. انا هتكلم معاكي من منظور الست انا متفهمه مشاعرك جدا. بس انا عيزاكي تفتكري كويس اوي انك ست والست منبع لا ينضب. انا عيزاكي انتي تروقي دماغك كده وتحبي كل الموجود تفاصيل يومك ووجوده نفسه كلميه انتي كلام حلو انا عارفه انك اصلا معندكيش طاقه ولا حاسه بحب. بس مش احنا بنتصدق حتى لو مش معانا غير قليل مش احنا بنواسي بعض حتى لو فينا اللي مكفينا. لن تنالوا البر حتى تتفقوا مما تحبون. كان ليها تفسير انك لو عايزه حب طلعيه. ماتستنيش منه مبادره وان الموقف لو محصلش زي ماانتي عايزه او زي الافلام يبقي خلاص مش هنعمل approve ع المشاعر بتاعته. لا اتكلمي انتي وهاتي هديه انتي وظبطي مكان تخرجوا واعملي. هديه باايدك. ساعات كتير اوي كلمه شكرا من الراجل بتبقي زي كلامنا الحلو كله❤️حبي انتي نفسك وحياتك وهو هيزهقك حب متقلقيش😂
تم النشر الخميس، ١٩ ديسمبر ٢٠٢٤
لغات التعبير عن الحب مختلفة من شخص للتاني ومهم جدا ان الشريكين يعرفوا اللغات الخاصة بيهم وتعلمها وممارستها لاشباع الشريك ، الطلب وتوضيح الطريقة المناسبة والمساعدة في تنفيذها وقبول المحاولات المبذولة والتشجيع هيساعدكم توصلوا لمرحلة تكونوا راضيين فيها
تم النشر الخميس، ١٩ ديسمبر ٢٠٢٤
عزيزتي، أشعر بك وبمشاعرك في هذه اللحظة الصعبة. من الجميل أن تعبّري عن مشاعرك ورغبتك في إعادة الحب والرومانسية إلى حياتكما الزوجية. إليك بعض الخطوات التي يمكنك اتباعها: التواصل المفتوح : حاولي إجراء محادثة صريحة ومفتوحة مع زوجك حول مشاعرك. استخدمي كلمات لطيفة وعبّري عن حاجتك لشعور الحب والمفاجآت، وكوني واضحة في ما تبحثين عنه. ابدئي بنفسك : يمكنك أن تظهري له كيف تعبرين عن مشاعرك من خلال الأفعال. قومي بإعداد مفاجآت صغيرة له، أو كتابة رسائل حب. قد يجد ذلك تحفيزًا ليبدأ هو الآخر بالتعبير عن مشاعره. شاركوا الأنشطة الممتعة : حاولي إيجاد أنشطة تقومون بها معًا وتكون ممتعة للطرفين، مثل تناول العشاء في مكان جديد، أو الخروج لنزهة في الطبيعة. هذه التجارب يمكن أن تعزز الروابط بينكما. التحلي بالصبر : تذكري أن التغيير لا يحدث بين عشية وضحاها. امنحي زوجك الوقت ليشعر بالتغيير وينفتح على التعبير عن مشاعره. تعليم الحب : يمكنكما قراءة كتب أو حضور دورات عن كيفية التعبير عن الحب. فهم بعضكما البعض يمكن أن يسهل عملية التعبير عن المشاعر. الصبر والدعم : في بعض الأحيان، يكون الزوج بحاجة للدعم لفهم مشاعره وكيفية التعبير عنها. كوني داعمة له وصبورة في هذا التحول. تذكري أن الحب يحتاج إلى العمل من كلا الطرفين، وأن التواصل والحوار هما الأساس في أي علاقة ناجحة. الله يوفقك في جهودك ويعيد الحب إلى قلبك وقلب زوجك.
تم النشر الخميس، ١٩ ديسمبر ٢٠٢٤
لعرض السؤال في فدني اضغط هنا