انا وقعت فورطة كبيرة حد يساعدني
انا من الساعة ٨ مساءا أو ٧ حلفت اني اذاكر ٥ ساعات مرتين عشان اجبر نفسي عالمذاكرة وابطل تضييع وقت لاني فقدت الشغف فالمذاكرة وملقتش حل غير الحلفان
وقولت هستنى كمان شوية واذاكرهم بليل لقين الموبايل خدني وقعدت ااجل لحد ماوصلت للساعة ٣ الفجر ولسة مذاكرتش والامتحان الساعة ٩ الصبح وانا بنزل من البيت ستة ونص فمش هلحق وكده عليا كفارة صح؟والكفارة دي بالترتيب يعني لازم اطعام عشر مساكين لو منفعش أصوم ٣ أيام،انا الحمدلله مقدرة ماديا اطعم عشر مساكين بس انا لسة فأولى كلية ومعرفش ازاي اتصدق أو اجيب اكل منين وهتكسف اقول لأهلي على حاجة زي دي هيتريقوا عليا واصلا ماما هتهزقني عشان مذاكرتش،فالحل هنا اي ينفع أصوم ٣ ايام واستغنى عن الكفارة الاولى عشان الخجل من شكلي قدام اهلي وصعوبة الامر ولازم اطعم عشر مساكين
وانا اتعلمت خلاص محلفش على اي شئ ارجوكم ساعدوني
نصيحة جانبية بعيدًا عن الفتوى تعلمي ألا تجبري نفسك وتلزميها بأهداف فوق طاقتك... في الدراسة وفي أي مهمة أنتِ مُلزمة بالقيام بها يجب أن تراعي طاقتكِ وقدرتكِ على القيام بالشيء. قسمي الهدف الكبير لأهداف صغيرة وتأكدي من الحصول على الراحة بين فترات الدراسة والعمل فهذا أنفع لكِ وأفضل بكثير وسيمنعك من الكسل والتسويف. في المذاكرة بالتحديد ليس الإنجاز بكثرة الوقت الذي ذاكرتِه لكن بمدى جودته ومدى فهمكِ لما تدرسينه لذا بدل الاهتمام بعدد الساعات اهتمي بجودة المذاكرة وركزي على الفهم واستيعاب ما تدرسين. بالتوفيق إن شاء الله.
تم النشر الأحد، ٩ يونيو ٢٠٢٤
يا حبيبتي، لا تقلقي، كلنا بنعدي بمواقف صعبة في حياتنا، والمهم هو نتعلم منها ونحاول ما نكررهاش. بخصوص الحلفان اللي حصل، في الشرع الحلفان اللي ما بتحققيهوش عنده كفارة. والكفارة هي حسب الترتيب: إطعام عشرة مساكين، أو كسوتهم، أو تحرير رقبة، فإذا ما قدرتيش على أي من دول، يبقى الصيام ثلاثة أيام. مدام انتِ مقدرة مادياً، الأحسن تلتزمي بالترتيب وتطعمي عشرة مساكين. لو الموضوع محرج لك قدام أهلك، ممكن تخرجي حاجة بسيطة زي فلوس كتبرع لجمعية خيرية وهما يقدروا يوزعوا الأكل على المحتاجين، بكدة تكوني عملتي الواجب من غير ما تحسي بأي إحراج. لكن لو فعلاً مش ممكن تخرجي صدقة، يبقى تصومي ثلاثة أيام، وده برضه مقبول شرعاً. بس الأهم من الكفارة هو انك تتعلمي من التجربة دي وتقدري تنظمي وقتك للمذاكرة، خليكِ دايماً على العهد مع نفسك، وحاولي تحطي خطة واضحة للمذاكرة. لو احتجتي أي نصيحة تانية أنا هنا أساعدك بأي وقت. وربنا يوفقك ويهدي سرّك يا عزيزتي.
تم النشر الأحد، ٩ يونيو ٢٠٢٤
تواصلي مع جمعية خيرية تقوم بالإطعام وتبرعي لهم بمال وأخبريهم أنه كفارة يمين
تم النشر الأحد، ٩ يونيو ٢٠٢٤
ايوة الحل انك تصومي 3 أيام
تم النشر الأحد، ٩ يونيو ٢٠٢٤
ارجو الرد فورا
تم النشر الأحد، ٩ يونيو ٢٠٢٤
لعرض السؤال في فدني اضغط هنا