بالنسبة يا جماعة للجواز و التعارف و كده أنا واحد معدي من تجربة سيئة جدا جدا و الحمدلله عدت مع انها لسه سايبة اثر جوايا لحد دلوقتي بس الحمدلله علي كل حال جه عليا واحدة بعدها كويسة كانت معجبة بيا و كده و انا خفت اقلها أنا مش معجب و كده عشان أنا اتقالتلي قبل كده و انكسرت كسرة وحشة اوي فقولتلها و انا كمان و بعدها بشهر قلتلها مش هينفع اللي احنا فيه و لازم نسيب بعض عشان سمعتك و لا لينا نصيب مع بعض هناخده فعايز اعرف اللي أنا عملته ده صح ولا لا
طيب احنا هنتكلم في كذا حاجة .. اول حاجة فيها ايه لما نترفض؟ مش معقول كل الناس هتكون معجبة بشخصيتنا، ومش معقول كمان احنا هنعجب او هنحب شخصية كل البشر. لازم هنكون مرفضوين .. لازم فيه حد هيعجبنا وفيه حد تاني لأ. ده طبيعي. انت مش بس ممكن تترفض في العلاقات .. اكيد عدى عليك وقت واترفض من شغل، كلنا بيحصلنا كده .. ف ده طبيعي؟ رفضك مش معناه انك شخص سئ .. رفضك معناه انك غير مناسب للشخصية ديه بالذات. ما هو مش معقول هتكون كل البشرية مناسبة لبعضها كلها، صح؟ وأكبر دليل وهي بقى الجزئية التانية انك جيت في وقت وقولتلها اسف .. مش هقدر هكمل! ليه حصل ده دلوقت لانك ضغطت على نفسك انك تكمل علاقة انت مش عايزها علشان خايف على شعورها من الرفض. طيب انت كده أذيت نفسك وأذيتها .. طبعا نيتك سليمة جدا .. بس التصرف غير صحيح بتاتا. لانك عاجلا ام اجلا كنت هتسبها .. طيب ما كنت تقول كده من اول مقابلة .. مكانتش على فكرة هتكون بنفس الاثر اللي هيكون بعد شهر او شهرين. خليك واضح من البداية مع نفسك ومع الاخرين .. علشان هترتاح وهتريح غيرك كمان
تم النشر الأحد، ١٥ يناير ٢٠٢٣
لازام تنسي اللي فات وبلاش تراقب او تحاول تكلمها احذاف اي حاجه بتفكراك بيها واول ماتجي ع بالك استغفر او اشغل نفسك، كل شي محتاج وقت مش انك تطلع من علاقه تدخل ف التانيه ومشعاراك لسا هناك كدا انت بتظلم نفسك والطرف التاني اللي معاك والتعارف بيكون خطبه ترضي الله واتعرف براحتك بعقلك وهل عيوبها قبل مميزاتها مناسبه معاك او لا وبعد الزواج حب ومشاعر براحتك لان فتره الخطب مجرد وعد بالزواج مش اكتر يعني هي اجنبيه عنك
تم النشر الاثنين، ١٦ يناير ٢٠٢٣
لو مكنتش حاسس بمشاعر قويه اتجاهها كان ممكن ترفضها بشكل مش مؤذي زي انك محتاج تعرفها اكتر عشان تحدد مشاعرك اتجاهها وتراجعك عنها دلوقتي اذاها برضه اكيد بس عشان متزودلهاش الاذيه طالما معندكش مشاعر ليها اقطع اي طرق للتواصل معاها ومتحاولش تتواصل تاني عشان وجعها ميزدش ويفضل يتجدد
تم النشر الاثنين، ١٦ يناير ٢٠٢٣
طبعا انت اتصرفت صح ف الاخر ...ايوه كنت بتلحق غلطة مكنتش تتعمل من الاول احسن .. الرفض ده اللى لازم تفهمه صح. انت عارف يعنى ايه اختيار؟ يعنى ايه حريه؟ يعنى الواحد يكون يملك يقبل ويرفض عدم تقبلنا للرفض هو بالظبط كأننا بنحرم الاخرين من انهم يختاروا او بنسلبهم حريتهم. مهما كنا فينا مميزات الا اننا طبيعى ان محدش يحبنا او حد يرفض وجودنا او ميشوفناش بنفس الشكل الحلو اللى متوقعينه احنا. فكر معايا كده فى الانبياء ...اول حاجة كانت بتقابلهم هى الرفض اصلا ...رغم انهم كانوا اشخاص صالحين وربنا اصطفاهم لصفات جميلة ومميزة فيهم ...الا انهم اترفضوا واتقالهم لا . الرفض مش بيقول انك وحش الرفض بيقول ان بس الشخص ده مش شبههى ومش متناسب معايا.
تم النشر الاثنين، ١٦ يناير ٢٠٢٣
بص يا صحبي انتا غلطان مترطبتش بي واحده إلا علشان تخطبها والحب والمشاعر والعاطفه لما بتخش في اي حاجه بتبوظها تمم وخليك اتقل نسخه من نفسك مش زي حد يارب تكون فهمت♥️
تم النشر الأحد، ١٥ يناير ٢٠٢٣
لعرض السؤال في فدني اضغط هنا