صديقي واقع في الإباحية و العادة السرية و مش عارف يبطل و من كتر الندم و كثرة محاولات التبطيل و الفشل بيفكر في الانتحار
المفروض اعمله ايه ؟؟؟؟؟
وطبعاً مستحيل يروح لدكتور
انا بجد خايف عليه جدا
بنصحك ان ترشد صديقك بالتواصل معي وسوف نتابع جلسات مكثفة للتخلص من ذلك السلوك السيء وربنا يهديه ويصلح حاله ويبعد عنه الفتن
تم النشر الأحد، ١٤ يوليو ٢٠٢٤
خده المسجد وخليه يتوضا ويصلي ركعتين توبه ويدعي ربنا بكل اللي هو عايزه ويتوسل الي الله ويواظب ع الصلاه واوعدك هيبقا زي الفل
تم النشر الجمعة، ١٢ يوليو ٢٠٢٤
يا عزيزي، انا فاهمة جداً مخاوفك و قلقك على صديقك، وده طبيعي جداً انك تبقى قلقان على واحد غالي عليك. أول حاجة، حاول إنك تكون جنبه وتديله الدعم اللي هو محتاجه. أعبر له عن قلقك وحبك ليه، واحتويه في المرحلة دي من حياته. الكلام عن مشاعره وتعبيره عن حالته النفسية ممكن يكون خطوة كبيرة نحو التحسن. تاني حاجة، حاول تفهم ليه هو بيواجه المشكلة دي. أحياناً بيكون فيه أسباب نفسية أو ضغوطات حياتية بتدفع الإنسان للسلوكيات دي. ممكن إنه يحتاج حد يسمعه من غير أحكام. ممكن كمان يساعد إنك تحاول تنصحه بطرق غير مباشرة. مثلا، تتكلموا عن أهمية الصحة النفسية والجسدية وتأثير العادات دي على حياته وأهدافه وشغفه. تالت حاجة، فيه بعض الموارد والمصادر على الإنترنت اللي ممكن تساعده يتغلب على المشكلة دي. حاول تبحث عن مواد تعليمية، كتب، وكانوات على يوتيوب بتتكلم عن الموضوع ده بطريقة علمية وعملية. رابع حاجة، لو هو مش مستعد يروح لدكتور، فيه مراكز دعم وعلاج مجانية ممكن تكون كويسة ليه، وكمان فيه خطوط ساخنة بتقدم دعم نفسي وسري لأي حد محتاجه. مهم جداً إنه يبعد عن أي مشاعر سلبية جواه ويحس إن فيه أمل، وإنه يقدر يتغلب على مشكلاته بالعزيمة والإصرار والدعم اللي هيلاقيه حوالينه. وأخيراً، خليك دايماً موجود جنبه، الدعم من الأصدقاء بيكون هو أكتر حاجة مهمة في الأوقات الصعبة. اتمنى لصديقك الصحة والعافية، ودائماً تذكَّر إن الأمل موجود، والمساعدة متاحة. ❤️
تم النشر الخميس، ١١ يوليو ٢٠٢٤
كام سنة ؟ صديقك ، خليه يشغل وقته ..لو شغل وقته اشتغل مثلا اكيد مش هيعمل دا ، والانتحار مش اوبشن كل عبد خطاء يتوب مليون مرة ولو اذنب يتوب مليون وواحد ، سمعت من دكتور كدا (عماد رشاد ليه قايمة كاملة 60 فيديو تقريبا بيتكلم عن فهم اسس الادمان والتعافي ك كل و الاباحية والعادة السرية بالاخص خليه يسمعه بردو ) ان الاباحية دا من الاعراض لشئ ما في. خلل ، انت عندك مشكلة عشان كدا بتعمل اباحية ممكن عايز تحس بخزي تجاه اشياء مش عايز تواجهها ف بتعمل دا ، يواجه مشاكله بعد كدا يجرب يملى وقته ف حاجات كويسه ممكن يلخص بودكاست مثلا ديني او يخش ف اكاديمية دينينة وهكذا في طرق كتيرة يملى بيها وقته علي حسب سنه معرفش اي نظامه
تم النشر الخميس، ١١ يوليو ٢٠٢٤
تقريبا فيه جروب اسمه واعي .. حاول تتواصل معاهم وإن شاء الله يساعدوا صاحبك !
تم النشر السبت، ١٣ يوليو ٢٠٢٤
يبدا ب حلقة روتين التسعين لو هيتفرج علي البلاي ليست "روتين التسعين هناك امل في التعافي من الادمان"
تم النشر الجمعة، ١٢ يوليو ٢٠٢٤
ممكن تخليه يحاول يشغل وقته بحيث ميفكرش ف كده ويقرب من ربنا اكتر وكمان الإنسان خطاء ف عادى يحصل كده المهم أنه يحاول يشغل وقته
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا