السلام عليكم انا بيحصل معايا حاجه غريبه جدا ومرعبه فى نفس الوقت كل ما اقول حاجه بهزار أو حتى افكر بصوت عالي تحصل يعنى لما اقول مش هروح درس النهارده لازم لازم يطلع سبب من تحت الارض يخلينى مروحش اقول انا حاسه انى هتعب قبل الامتحان ومتعبش الا قبل الامتحان بالظبط بابا بردو قال انا بفكر اشترى عربيه معينه شافها واحنا عندنا عربيه بس قال بفكر اشترى دى عشان اعلمكوا عليها السواقه بعدها ب10 دقايق عملنا حادثه كبيره ونص العربيه من قدام اتدمر جدا لمجرد انو قال انو محتاج يشترى واحده جديده وكل ما نقول بتفكر نجيب حاجه القديمه تتكسر بعدها علطول وكل ما اقول حاجه تحصل بس الحجات الوحشه بس معرفش ليه وبعدين سمعت عن مقوله بتقول اقداركم تؤخذ من افواهكم طيب هو مش ربنا عارف أننا مش قاصدين أو اننا بنقول كده مجرد تفكير ليه الكلام بيتحقق وهل الواحد ياخد بالو من كل كلمه اصل فى كلام بيتقال مجرد تفكير ده انا حتى لما بفكر ف حاجه ممكن تحصل والله منغير ما اقول مجرد تفكير بس الاقيها حصلت طب ايه الحل
السلام عليكم، أولًا بالنسبة لجملة (أقداركم تؤخذ من أفواهكم) وكمان (البلاء موكل بالنطق) هي أقوال مأثورة وليست قرآنا أو حديثًا صحيحًا. هي ممكن تكون صدف لا أكثر فلا تركزي معها. وأحيانًا تركيزنا على الشيء السلبي وتوقعنا السيء دايمًا ممكن يسبب حدوث شيء يماثل مخاوفنا. زي ما في المثل (اللي يخاف من العفريت) الناس اللي بتخاف من الحسد مثلًا وبتعطي قدرة أكبر للحاسد وإنه أكبر من قدرة ربنا على الحفظ دول أكتر ناس بتتعرض للحسد فعلا... ده لأنهم استهونوا بقدرة ربنا على حفظهم واعتقدوا إن الحاسد حسده أقوى. انتي بالمثل، لا تركزي مع الأشياء السلبية ولا تعطيها أكبر من حجمها ولا تتوقعي السوء. تفاءلي بالخير دائمًا. وحافظي على أذكار الصباح والمساء وداومي على قراءة سورة البقرة ولو تقسميها على ثلاثة أو حتى سبعة أيام. تحياتي.
تم النشر الثلاثاء، ١٣ أغسطس ٢٠٢٤
تقريبا مواقف كتير من اللي انت شايفها هي صدف بحتة أو بُعد نظر. معايا موبايل شاشته اتشرخت لكن شغالة وسليمة والموبايل كان قديم وبقي بطيء فقلت هاغيره بدل ما أصلحه. الحمد لله اليوم إللي قررت اشتري فيه، كان اليوم إللي وقفت الشاشة تماما. هل دة مني؟ ولا بُعد نظر وإدراك للحالة والموقف؟ ما أنا مدرك لحالة الموبايل. حاجة تانية، معايا عربية مشاكلها كتير وبقيت لا فاضي أصلحها ولا قادر اعتمد عليها عشان خايف من أعطالها في الطريق، ومستني من ربنا العلامة وتعطل خالص عشان أخد الخطوة 😅 وأغير لها موتور أو اشتري واحدة تانية. ممكن تنظر للموضوع إن النية مبيتة والقرار متاخد فعلا، بس ربنا بعت لك العلامة عشان تاخد الخطوة في التوقيت والظروف المناسبين. أيا كانت رؤيتك، وبغض النظر عن أفكارك وكلامك، فقد رفعت الأقلام وجفت الصحف. حادث السيارة قدر لن يغيره كلام أو تفكير. بل ربما يريد الله بكم خيرا عن محاولة بيعها أو قيادتها فتؤذي أحدكم. ابتهج وفكر وتكلم بحرية وثقة في كرم الله ورحمته في كل ما قدره علينا أجمعين.
تم النشر الثلاثاء، ١٣ أغسطس ٢٠٢٤
وعليكم السلام! أول حاجة، حاولي تبعدي عن التفكير السلبي دا، لأنه فعلاً أفكارنا لها تأثير على حياتنا. بس مش معنى إنه لو قلتي حاجة بتتحقق دائمًا، يعني إنك كده بتجذبي الأحداث السيئة. أحيانًا الأمور بتحصل بالصدفة، لكن العقول بتربط بينها. قبل ما تقولي أي حاجة، حاولي تفكري فيها كويس، وإذا كانت سلبية، حاولي تستبدليها بفكرة إيجابية. مثلاً، بدل ما تقولي "مش هروح الدرس"، قولي "إن شاء الله هروح وأتعلم." كمان، ممكن تكوني عندك نوع من القلق أو التوتر اللي بيسبب لك الحالة دي، فحاولي تمارسي تقنيات الاسترخاء، زي التنفس العميق أو التأمل. الأفضل إنك تتحدثي مع حد تثقي فيه، سواء كان صديق أو معالج نفسي، علشان يساندك في مواجهة الأفكار السلبية ويساعدك تتعلمي كيف تفكري بشكل أنجع. الأمور هتتحسن مع الوقت، صدقيني! 🤍
تم النشر الثلاثاء، ١٣ أغسطس ٢٠٢٤
دي اسمها حاجه زي قوه الجذب انتي بتجذبي الافكار السلبيه ليكي حاولي مش تفكري في اي حاجه سلبيه واولا وآخرا خلي عندك يقين في ربنا قل لن يصيبنا الا ما كتب الله لنا تجنبي الأفكار السلبيه
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا