سؤال مهم للغاية
السلام عليكم
أنا شاب في العشرينات من العمر دايما عندي إحساس أن أنا لم أنجز شي في حياتي كلها وأن أنا فاشل وأيضا لا أجد تقديرا من أحد البتة وما زلت في مكاني
السلام عليكم ورحمه الله وبركاته طيب حاليا انت في العشرينات في العشرينات يعني احنا لسه بنقولي يا هادي انت غالبا متاثر كتير جدا بالحاله اللي موجوده حواليك الشباب اللي في نفس السن وواصلين مثلا ان هم بقى معاهم فلوس او واصلين حاجه معينه في نفس السن اللي انت فيه فانت بتقارن نفسك بيهم وشايف نفسك ما انجزتش شيء في حياتك المقارنه دي خطا جدا مهمه كمان مساله التقدير التقدير اللي انت بتفكر فيه واللي انت بتدور عليها هل اللي حواليك مش بيقدمه لك تقدير خالص ولا انت عندك معنى محدد للتقدير انت مش شايفه من اللي حواليك لازم تكون مراجع النقطه دي مع نفسك كويس مساله بقى الانجاز والنجاح والفشل وانا واقف في مكاني انا محتاج الاول اشوف هل انا بتجه ناحيه شيء يعني انا عندي هدف محدد ورايح له ولا انا معنديش هدف محدد فلذلك انا واقف مكاني لسه بفكر المفروض اروح فين اصلا ومفروض ابذل مجهود في ايه لو انا كده يبقى انا محتاجه ابدا احط اهداف لنفسي ان انا فاشل طب انا فاشل بناء على ايه قال انا ما اتحركتش خالص ولا انا ما وصلتش الحاجه محدده اكون فخور بيها واتكلم بيها لازم تعرف لنفسك الفشل هو عبارة عن إيه الحاجات دي كلها محتاج تراجعها مع نفسك عشان خاطر تتاكد انك هل فعلا في عندك مشكله انك مش قادر تنجز ولا هو انت مش عارف تتحرك ناحيه ايه بالظبط حقق لنفسك الاول هدف واضح وابدأ اتحرك ناحيته انت لو واقف في مكانك حاليا اللي هو معناه انك مش بتعمل حاجه خالص اه يبقى في مشكله لكن لو انك واقف في مكانك دي لانك لسه ما وصلتش هو مفيش ميعاد معين للوصول كل واحد بيوصل على حسب الهدف اللي هو حطه.
تم النشر السبت، ١٥ فبراير ٢٠٢٥
إحساسك ده طبيعي جدًا، وناس كتير بتمر بيه، خصوصًا في العشرينات، لأنها مرحلة مليانة ضغط نفسي ومقارنات وتساؤلات عن المستقبل. بس الحقيقة إن الإنجاز مش معناه حاجة ضخمة الكل يشوفها، ممكن يكون في حاجات صغيرة إنت بتعملها ومش واخد بالك إنها نجاحات في حد ذاتها. إنت مش فاشل، الفشل الحقيقي هو الاستسلام، وطالما إنت لسه بتفكر وبتسأل نفسك الأسئلة دي، فده معناه إن عندك رغبة في التغيير والتقدم. الإنجازات مش شرط تكون ضخمة، ممكن تكون حاجة بسيطة زي إنك تتعلم حاجة جديدة، تحسن من نفسك في حاجة معينة، أو حتى تتعامل مع تحدياتك اليومية بشكل أحسن. والتقدير مش لازم ييجي من الناس، أحيانًا بنكون مستنيين التقدير من اللي حوالينا، بس في الحقيقة التقدير الأهم هو اللي بييجي من نفسك، إنت الوحيد اللي عارف الرحلة اللي عديت بيها والتحديات اللي واجهتها. لو حاسس إنك مش محقق حاجة، جرب تبدأ بحاجة صغيرة جدًا، زي تعلم مهارة جديدة أو تحسين جزء معين من حياتك، ومع الوقت هتحس بالفرق. وابعد عن المقارنات، لأن المقارنة بالناس اللي ظاهر إنهم ناجحين ممكن تخلينا نحس إننا متأخرين، بس الحقيقة إن كل واحد ليه رحلته وظروفه، والنجاح بييجي بطرق مختلفة لكل شخص. في النهاية، الحياة مش سباق، ومافيش سن معين لازم تكون فيه حققت حاجة ضخمة، المهم إنك تفضل تحاول وتطور من نفسك حتى لو كان التطور بطيء.
تم النشر الاثنين، ١٧ فبراير ٢٠٢٥
بص انت لسى صغير ما تضغطش على نفسك هتعدي السنين وانت كدة عيش شبابك مش مطلوب منك تكون منجز مش لازم حد يقدرك هتنصدم بالواقع بعد الشر عيش حياتك واستمتع في ظل رضى ربك وشوف انت عايز تبقى ايه وعلى فكره احيانا بنرسم هدف ولما نوصل ليه بنحس بفراغ كبير فأرسم لنفسك أكثر من خطه وامشي خطوه بخطوة وما تستعجلش لو خلصت كل حاجه في العشرينات هتعمل ايه باقي حياتك
تم النشر السبت، ١٥ فبراير ٢٠٢٥
وعليكم السلام ورحمة الله وبركاته، أخي الكريم، أشعر بمعاناتك وأفهم أن الشعور بالفشل والافتقار للتقدير يمكن أن يكون تجربة صعبة للغاية. من المهم أن تدرك أن هذه المشاعر شائعة بين الكثير من الشباب في مرحلة عمرك، وغالبًا ما تتعلق بالتحديات التي تواجهها أثناء تنميتك الشخصية. إليك بعض النصائح التي قد تساعدك: تحديد الأهداف الواقعية : حاول تحديد أهداف قصيرة الأجل وطويلة الأجل تكون قابلة للتحقيق، بحيث تتمكن من قياس تقدمك بطريقة واضحة. تحقق من إنجازاتك السابقة، مهما كانت بسيطة، واعتبرها خطوات نحو النجاح. نموذج القدوة : قدِّم نفسك إلى أشخاص يحققون إنجازات في مجالات تهمك. يمكن أن يلهموك ويحفزونك على العمل بجد أكبر. البحث عن الدعم : تحدث مع أفراد أسرتك أو أصدقائك المقربين عن مشاعرك. قد تجد أن لديهم وجهات نظر مختلفة يمكن أن تساعدك. التواصل ومشاركة المشاعر له تأثير كبير على حالتنا النفسية. التطوير الذاتي : ابحث عن فرص جديدة لتطوير مهاراتك، سواء من خلال الدورات التعليمية أو الأنشطة التي تثير اهتمامك. التعلم المستمر يمكن أن يفتح لك أبوابًا جديدة. تقدير الذات : حاول أن تكون لطيفًا مع نفسك. تذكر أن كل شخص يمر بتحديات وأن النجاح يأتي بشكل مختلف لكل شخص. الدعاء والاستغفار : تذكر أن الله دائمًا معك. الدعاء والاستغفار يمكن أن يجلب السكينة ويزيد من إحساسك بالاطمئنان. لا تفقد الأمل، فكل بداية تحتاج إلى وقت وجهد، ولديك القدرة على تغيير مسارك. اتخذ الخطوات اليوم نحو تحقيق ما تريد. إذا كنت بحاجة للدعم الإضافي، فلا تتردد في التواصل مع مختص في مجال الصحة النفسية.
تم النشر السبت، ١٥ فبراير ٢٠٢٥
تقريبا كلنا كدا نفس المشكلة دي عندي و علطول حاسس ان الوقت بيجري و أني محققتش حاجة و انك عمال تجرب حاجات كتير و مبتكملش او مش مرتاح ولا مبسوط فيها بس لو جينا نشوف الموضوع ده ليه منتشر في جيلنا كله يعني في الأغلب بسبب التطور و السرعة اللي بقينا فيها هتلاقي أغلبية زمايلنا اللي خطب و اللي اتجوز و اللي خلف و اللي ضربت معاه في حاجة او بيزنس و بقى معاه فلوس أو اشتغل قبلك و بمرتب أكبر من اللي بتاخذه او اللي اتشهرت من التيك توك و من ده كتير فالناس مبقتش زي زمان ياكل و يشرب و ينام و يبقى موظف حكومي بيروح ٣ العصر و خلاص فعلشان كدا اوعى تحط نفسك في المقارنة مع غيرك و اسع و اجتهد طبعا و رزقك كدا كدا جاي بس اعمل اللي عليك خليك مبسوط بحياتك و بس و حاسس بالنعم اللي ربنا كارمنا بيها و اتعودنا عليها و بقينا عايزين اكتر انا على فكرة مش بقولك انت الكلام ده انا بقوله لنفسي برضو انا لسه داخل على ٢٥سنة و النقطة دي شغلتني كتير اوي
تم النشر السبت، ١٥ فبراير ٢٠٢٥
فعلا يا أخوي هو ده نفس اللي بيحصل معاي برده الله المستعان ربنا يوفقنا جميعا
تم النشر السبت، ١٥ فبراير ٢٠٢٥
وسواس وجلد ذات لا تلتفت له واكتب ما انت فخور به
تم النشر السبت، ١٥ فبراير ٢٠٢٥
آمين يارب
تم النشر السبت، ١٥ فبراير ٢٠٢٥
لعرض السؤال في فدني اضغط هنا