القصه ابويا للأسف معاه ٥ اخوات بنات و٣ولاد
ابويا و٣ ولاد دول فيهم واحد بس هو اللي بيشتغل وبيصرف علي اخواته الباقيين علشان هما عاطلين من غير سبب مش.بيحبوا الشغل وابويا بيشتغل وبيصرف علينا ابويا طيب وغلبان للعلم عمي البيشتغل دا بيدخل مرتب كبير لكن ابويا مدرس.يدوبك علي قدنا
طبعا معاهم اراضي وفدادين والكلام دا عماتي وعمامي بيميزوا عمي ومراته وعياله عن ابويا وامي واخواتي بيعملوا معامله وحشه جدا واحنا معملناش حاجه لحد واعمي اللي بيصرف عليهم بيعملوه كأنه استغفر الله العظيم إله او رسول مثلا في بيت جدتي بنتجمع كل سنه عمي هو وماشي بياخد معاه من خيرات البلد كلها وهو اصلا معاه واحنا نروح بكرتون واحنا الاكثر احتياج منه بس مش ببص علي الكراتين ببص علي الموده والحب والرحمه ليه مش حنين علينا ويحنوا ا اللي بيأكلهم مش ابويا بردو اخوهم وعلي فكره مش بيقصر مع أي حد فيهم
والمشكله ان ابويا من فتره عمل عمليه في القلب وكان محتاج فلوس للعمليه فكان عايزه يبيع محصول الأرض بتاعته هوبس علشان العمليه اخواته ال٨ وقفوا زى العقرب لا مفيش حاجه هتتباع وبابا يقلهم انا باخد من حقي في الأرض مش باخد منكم وبابا كانت حالته النفسيه زفت بسبههم الله ينتقم من عماتي وعمامي اشد انتقام مالمشكله ان هم خالطين لسه مقسموش الأراضي وابويا له حق في الحاجات دي ناخد حقنا منهم ازاى ونعمل ايه علشان ابويا ياخد حاجته
انا بجد كرهتهم جدا من اللي بيعملوه حني مش ناس كويسه علشان تسيبلهم حق ناس قليله الأصل وبردوا مش بيقدروا عايزين انا واخواتي نفرح ابويا بأي شكل ناخد حقه هو وأمي من الكفره الظلمه ازاى
معنيش الخبره الكافية في الموضوع بس حالو تاخدو الحاجه بتاعتكو ودي ومرديوش ارفعو عليهم قضيه والي في الخير يقدمو ربنا
تم النشر الاثنين، ٢٩ أبريل ٢٠٢٤
إنتِ قلتي بنفسك إنهم ( خالطين ولسه مقسموش الأراضي ) يعني الورث لسه لم يتم تقسيمة و محدش أخد حق والدك منه .. انا معاكي في إنهم موقفوش معاه في عمليته الجراحية وهما عارفين ظروفه المادية .. لكنك مينفعش تحكمي عليهم، هما أخوات والدك في النهاية عيلتك ولازم تحترميهم ومتتكلميش عليهم بالطريقه دي، انتِ قلتِ بنفسك ان معظمهم عاطل عن العمل و الوحيد اللي بيشتغل فيهم وظروفه الماديه كويسه إلى حد ما بيصرف على إخواته يعني شايل مسؤوليه كبيرة لوحدة .. وقلتي إن معاهم أراضي وفدادين يعني اموالهم مجمدة ويمكن مش متوفر معاهم فلوس يساعدوا بيها حاليا .. عايزه تفرحي والدك إجهتدي في دراستك انتِ في 3 ثانوي جيبي مجموع يدخلك كلية يتفخر بيكي وعوضيه عن حزنه وزعله وإدعيله وإدعميه نفسيا .. يمكن ربنا ليه حكمه في تأخير توزيع الميراث لعله هيوصل في وقت محتاجينه أكتر ووقتها هتقولي فعلا ربنا كان ليه حكمه في تأخيره.. وبخصوص عمليه والدك ممكن تسعوا في إنكم تعملوها على نفقه الدولة في مستشفيات كتير بتدعم الحالات الحرجة و بتكون على أعلى مستوى من الدقة ومفيش فرق كبير بينها وبين الخاصة..
تم النشر الاثنين، ٢٩ أبريل ٢٠٢٤
لعرض السؤال في فدني اضغط هنا