بحب ولد وقالي انه هيتقدملي بعد سنتين مجرد مايخلص الجامعه ماما عارفه بيه لكن بابا لا هو متعلق بيا لدرجة تخوف ومش راضي يسيبني هل كدا فيها حرمانيه اني اقعد سنتين بكلمه من غير علم بابا وهو خايف يفاتح بابايه لان باباه حالف عليه مش هيتقدم غير وهو مخلص جيش هو قالي هيفاتح بابايه من ورا ابوه حتي يقرا فاتحه لغايه سنتين اهو يبقي حجزني بس خايف لبابا يرفض ويبعدنا عن بعض انا بدأت اتعلق بيه بس خايفه احبه ليكون مش من نصيبي وعشان خايفه ليكون حرام
السلام عليكم و رحمة اللّٰه و بركاته أولاً حتى لو باباكي عرف بعلاقتك بيه و وافق ف هي علاقه محرمه فكري ف ربنا قبل رأي باباكي ممكن يكون بيحبك فعلاً اللّٰه أعلم و ممكن يكون بيتسلى بيكي مش اكتر ، انتي أدرى ، بس نصيحتي تبعدي و توقفي كلام معاه و لو مكتوبلكم تتجوزوا هيحصل و كلو ب إذن ربنا بس أهم حاجه متعمليش حاجه حرام و تدخلي ف علاقه مترضيش ربنا تحت مسمى "بيحبني" مهما كان الحب دا واصل لفين ف رضا ربنا هو الأولى و عدم عِصيانُه هو الأولى و الأصح ، مقدره مشاعرك و إنك بتحبيه ، بس أنتِ بتهدري كدا مشاعرك ف مكان غلط في بداية علاقه غلط توبي لربنا و سيبيه قوليلو إن حرام علاقتكم و لازم تنهوها و قوليلو إن لو انتو مكتوبين لبعض ف هتتجمعوا حتى لو حصل إيه ف الدنيا ، بس أهم حاجه منغضبش ربنا هو لو بيحبك بجد هيتفهم ده و مش هيرضى أبدا انك تغضبي ربنا ، حاولي تدركي الخطر الي وقعتي فيه قبل فوات الأوان و هداكِ الله و وفقك
تم النشر الجمعة، ٧ فبراير ٢٠٢٥
حرام طبعآ واعرفي مدام انك مخبية الموضوع يبقى اكيد غلط عشان لو عادي مش هتخافي وتخبيه الراجل لو محترم هيدخل البيت من بابه و يتقدم مش هيقولك ابويا حالف عليا اضعف الايمان انه يجي مع ابوه خطوبة حتى مش قراية فاتحة بس مينفعش يجي لوحده من ورا ابوه كمان عشان لو ابوه عرف بعدين مش بعيد يحلف عليه ميتجوزكيش بما انه راجل بيحلف بلشكل ده قوليله جيت كان بها مجتش و جالي احسن منك هاخده و هيكون ده نصيبك ولو مجاش لاقدر الله حد وهو جيه يبقى خير و بركة بس تتكلمو من ورا ابوكي و تستنيه يخلص جيش و ممكن يزهق منك او مشاعره تبرد مع الوقت اصلا و يمل منك و يسيبك و ميردش عليكي و يكون ضيع وقتك ده كله في انتظاره ربنا يعينك و يرزقك بابن الحلال ان شاء الله
تم النشر الجمعة، ٧ فبراير ٢٠٢٥
السلام عليكم، نصيحة بلاش تفضلي على تواصل معه. لو كان بيحبك فعلا وناوي يتقدم لك يبقى تصبروا لحد ما يبقى قادر ييجي يفاتح والدك وتكوني خلصتِ الدراسة. حتى لوباباكِ عارف وحتى لو مخطوبة له فيه حدود أصلا في الكلام فما بالك لو مش مخطوبة رسمي. وبمناسبة إن والدتك تعرف عنه، فيه شباب عادي على فكرة بيكونوا بيتسلوا بالبنات ومع ذلك بيقنعوهم يتكلموا مع الأم في التليفون قال يعني عشان يبين لها هي ومامتها إنه صادق ومش بيلعب بها والأم طبعا تخبي على الأب وبعد كده الموضوع بينتهي بكسرة قلب ويقول لها مع السلامة. معرفش بالنسبة للشاب ده هل هو صادق معك ولا بيتسلى ولو صادق هل مشاعره هتتغير مع الوقت وتكوني علقتِ نفسك بوهم في الآخر، في كل الأحوال عززي نفسك وابعدي عن أي تواصل معه لحد ما ربنا يسهل لو لكم نصيب في الحلال إن شاء الله.
تم النشر الاثنين، ١٠ فبراير ٢٠٢٥
https://www.fedni.net/q/61104300/
تم النشر الجمعة، ٧ فبراير ٢٠٢٥
أنت في علاقة غير شرعية لا تكون فيها البنت التي تخاف من ربنا.
تم النشر الجمعة، ٧ فبراير ٢٠٢٥
لعرض السؤال في فدني اضغط هنا