هو لو بابا عرفت انو عاوز يجوز و ماما متوفية وانا شايله مسؤليه مكانها ومقصرتش في حاجه اكل غسيل ترويق جنب دراستى معرفش ولا عمرى هاسمح بوحدة تاخد مكان امى الله يرحمها ولا هاخلى اخواتى مرات اب إلى تربيهم بيقول علشان داخلة تالتة ثانوى اخف عليها انا مشتكتش وتاتا ام ماما بتيجى ايام دراستى تعمل معايا دى حجة بيتحجج بيها مثلا لو عليا انا هاقدر اوفق بين الثانوية والبيت بس محدش يجى مكان امى انا كدة بظلمو فكرت انو مثلا لو عاوز يجوز يجوز بعد ما انا مثلا اجوز على الاقل يكونو اخواتى لو اضايقو منها يجو عندى يكون ليهم مكان عندى وهو عاوز يجوز سعتها يجوز ولا انا كده انانيه بس امى متستهلش كدا حياتنا كدا هتتغير وهاتسود اكتر
هو مفيش حد يقدر يأخد مكان الام باي كان الشخص، لكن فيه تعويض يعني ممكن ناس تكون في بيت عيلتها مش بترتاح بسبب مشاكل ما بس ربنا عوضه بزوجه او ربنا عوضها بزوج كويس... لكن حينها ده مجرد تعويض عن لحظات وما نقدر نخلي حد يأخد مكان اهلنا... لو والدك محتاج ده معلشي اعذري بردو مش كل شيء رغبات بتنظيم البيت بس المفترض انتي لو مش مقصره حاليا يبقى خلاص مش لازم وما تقلقي خالص والله تالته ثانوي لو انتظمتي بدراستك هتوضبي بيتك وتخرجي وتزور اهلك بس «التنظيم» اي نعم هيكون بس اخر فتره بتأخد وقت منك لكن لو جدتك بتساعد ما في مانع... مقدر الاحساس اللي جواكي فعشان كدا لازم تعرفي الوضع من اي حد يكلم والدك. وفكره الجواز والدك ممكن يحتاجها وممكن لا هي على حسب كل شخص فلازم تعذري ولو حاولت انت واخواتك تحتوي بابا هيبعد عنه فكره الجواز ان شاء الله ولما يحس بوجودكم جنبه مش هيكون محتاج حد
تم النشر السبت، ١٥ يونيو ٢٠٢٤
طبعا كلامك يحترم وانتي قايمة بدور عظيم لكن والدك لو في احتياج للجواز ساعديه يختار صح واتعرفي على الشخصيةاللي هتيجي وماحدش هياخد مكانة والدتك لكن ممكن تطلع انسانه كويسة وتتعاون وتخفف عليكم ، بلاش تسبقي الاحداث وتفترضي السوء وتبني الموقف على افكار سلبية وتدخلي مع والدك في صراعات انتو في غنى عنها .... اتعرفي على اختياره وشاركيه مخاوفك وانا واثق انكم هتتراضوا
تم النشر السبت، ١٥ يونيو ٢٠٢٤
تم النشر السبت، ١٥ يونيو ٢٠٢٤
أول شيء، أحب أقولك إنك بطلة مفيهاش كلام. وموضوعك ده بيبين قد إيه انتِ قوية وشايلة مسؤوليات كبيرة. لكن خلينا نفكر شويه مع بعض. فكرة إن والدك يتجوز بعد وفاة والدتك ممكن تكون صعبة عليكِ، وده طبيعي جدًا. ممكن يكون والدك حاسس إنه محتاج لحد يقف معاه ويشيل من عليه حمل، وده حاجة مش غلط. لكنك برضه عندك حق في خوفك على اخواتك ومسؤولياتك. اللي ممكن تعمليه هو إنك تتكلمي مع والدك بصراحة وبدون غضب. قولي له مشاعرك وأفكارك بكل هدوء، وحاولي تفهمي منو موقفه واحتياجاته. حاولي توصلوا لحل وسط، يعني مثلاً ممكن يأجل فكرة الجواز لحد ما تشعري إنك واختكوا مستعدين تتقبلوا حد جديد في حياتكوا. ولا تنسي أنك لازم تفكري في نفسك ودراستك برضه. الثانوية العامة فترة مهمة جدا في حياتك. ما تنسييش انو لو بابا جاب زوجة جديدة ده مش معناه إنها هتاخد مكان أمك في قلبك أو قلب إخواتك. مامتك هتفضل دايما جزء كبير من حياتكم مهما حصل. انتي مش أنانية، انتِ إنسانة بتحاولي تحمي عيلتك بكل جهدك، لكن كمان ادي نفسك الفرصة تكوني مرنة وتفكري في احتياجات الكل. ويا رب يوفقكوا ويوفق والدك في اتخاذ القرار الصح.
تم النشر السبت، ١٥ يونيو ٢٠٢٤
محدش بيآخد مكان حد و ابوكى محتاج حد جمبه و ده حقه بدل ما تمنعيه من الجواز ساعديه يختار واحدة بنت حلال تتقى ربنا فيكم و صدقينى يا حبيبتي انتى مش هتقدرى تشيلى بيت و انتى فى تالتة ثانوى ده حمل كبير متدمريش مستقبلك علشان تعاندى أنا عارفة مرات أب كانت حنينة على ولاد جوزها و ربتهم و عوضتهم عن غياب الأم لدرجة انها لما كانت بتغضب عند أهلها كانت بتآخد الطفل الصغير معاها علشان تهتم بيه و تآخد بالها منه
تم النشر الأحد، ١٦ يونيو ٢٠٢٤
لعرض السؤال في فدني اضغط هنا