من وانا صغير وانا معنديش صحاب اغلبهم كانو زمايل وتعاملي معاهم كان سلام وبس والي كان صاحب كان بيبقا فتره فحياتي وبيعدي لحد ما اتعرفت على واحد كان شبهي في 90% من الصفات لو اتنين توام مش هيبقو زينا وفضلنا صحاب تلت سنين لحد ما حصل خلفات واتصالحنا وبعدها خلافات واتصالحنا وهكذا وبعدها خدت بالي انو لما بيلاقيني عامل انجاز او حلجه كبيره فاي حاجه بيبتدي يقلل منها ويبنلي انها ولا حاجه وهو علطول كئيب حاولت اخرجه من الحوار ده كذا مره معرفتش وفتاي بطريقه غبيه بسبب وبدون سبب فانا لما لاحظت كل ده بعدت عنو فتره كبيره بس خدت بالي اني معنديش صحاب غيرو في ناس تانيه بتحاول تقرب مني وتتعرف عليا بس مفيش حد فيهم شبهي ببقا عايز ابعد وانعزل دائما لاني مبلاقيش حد شبهي فا شعور الوحده الي مش جديد عليا معنتش مستحمله لا بكلم حد الا سلام وبس لا بخرج مع حد الا ممكن حد من قرايبي فين وفين الشهص دا الوحيد الي كنت بتكلم معاه فاي موضوع انا مدايق منو مكنش بيديني حلول بس على الاقل كنت بحكي كنت بخرج معاه بلعب معاه بروح دروسي معاه كل حاجه معاه لما هو اختفي بلحو بلوحش بتاعو اكتشفت ان وجودو احسن من عدمو مع كل عيوبو بس انا مش عايز كل الي حصل يتكرر تاني ومش عارف اكلمو واستحمل الوحش بتاعو مع ان دا بيأثر عليا بردو ولا ابعد عنو واستحمل الوحده والانعزال ودا لا يطاق
لو حد في حياتك من الاصدقاء وده اي شخص مهما كانت درجة قربه منك، سئ، او بيتعمد يهز ثقتك في نفسك، او فيه اي عيوب خطيرة، والعيوب ديه بتؤثر عليك بشكل كبير جدا. قولا واحدا ... ابعد عنه. اللي انت هتخسره اكبر بكتير من وحدتك. وحدتك انت ممكن تحولها لصالحك. اما لو فضلت مع شخص انت مش مرتاحله وكمان بيعود عليك بالسلب، انت هتعمل ايه فيه وقتها؟
تم النشر الثلاثاء، ٣٠ أبريل ٢٠٢٤
ع فكره كلنا فينا عيوب ولو انت مرتاح معاه مثلا لو عمل حاجه اديقك قولو دا بديقني مفيش حد كامل
تم النشر الأربعاء، ١ مايو ٢٠٢٤
بني آدم سلبي وكاره الخير لغيره وعايز يحطمك ويخليك زيه عشان ميبقاش حد أفضل منه، ابعد عنه نهائي وبالنسبة للوحدة ف انتا مش مضطر تكون وحيد خالص، لو لقيت ناس مش شبهك دور بأستمرار وكلم كل الناس بأستثناء ال مش كويسين حاول تتعرف معاهم سطحيًا كدا ولو حد شبهك صاحبه من قريب، وحتي دلوقتي ف وقتنا هذا متسبش نفسك من غير صحاب اتعود تصاحب الناس سطحيًا مثلًا انا كان عندي كذا صاحبة في اعدادي وثانوي في الدورس بقابلهم في الدرس او ممكن نتفق نروح الدرس سوا وبس علاقتنا ببعض مقتصرة ع الدرس وشوية كلام جانبي وخلاص، اتعود تسطح علاقاتك لأنه فعلًا مش كله ينفع يقرب منك واتعود تخلي كل مكان ليه علاقاته زي ما شرحتلك كدا
تم النشر الأربعاء، ١ مايو ٢٠٢٤
أبعد وربنا هيقولك واشتري راحه بالك وسلامتك أحسن من كل ده واللي يضايقك حطه في دايرو الطناش
تم النشر الأربعاء، ١ مايو ٢٠٢٤
لا طبعا اعبد عنو لانو هيفضل يسوء المعامله مدام ملقاش انك بتتغير من الطريقه دي و استحمل الوحده ولو هوا بيحبك بجد هيتغير و هيغير طرقتو بس لو مغيرهاش يبقا مش بيحبك و ابعد عنو و هيجي الي يقدرك و الي يبقا الصديق البجد
تم النشر الأربعاء، ١ مايو ٢٠٢٤
ع فكره الصحاب مش لازم تكون شبهك عشان تتعرف عليهم بالعكس ده لو صاحبك عكسك هتكونوا بتكملوا بعض والمهم انك تكون مرتاح معاه مش متدايق من تصرفاته وهو لو صاحبك ومحتاجلك زي انت م محتاجه مكنش عمره فكر انو يدايقك... بالعكس انت لازم تتعرف على صحاب جديده واهم حاجه راحتك ف الكلام معاه وف تصرفاته... الحياه مش بتقف على حد شبهى لا.. بالعكس الحياه ممكن تقف على حد فاهمنى وانا مطمن معاه بحس انو اخ مش صاحب.. بيرد غيبتى.. بيشجعنى حتى لو انا قليل عمرو مايصغر منى.. بيجي على نفسه عشان ميشوفش زعلى... ساعتها بس الحياه ممكن تقف... انت لازم تبان انك اقوى بيه او من غيرو ولازم تتعرف على اكتر من صاحب... واكيد لازم تشوف الحلو والوحش مفيش صحوبيه او زماله بتبقى صداقه بسرعه ده لازم خناقات ولازم الناس تحاول تفرق بينكم بس انتوا تتحدوا المستحيل عشان خايفين على بعض... فاهمنى.. اتمنى لو تكون فاهمنى
تم النشر الأربعاء، ١ مايو ٢٠٢٤
شكرا جدا ❤️
تم النشر الأربعاء، ١ مايو ٢٠٢٤
صح الوحدة وحشه بس أحلى من صاحب يتعبلك نفسيتك صاحب ناس يكونوا معاك في دراستك او شغلك واطلع معاهم وخلي علاقتكم في حدود ده بس بلاش التعمق عموما
تم النشر الأربعاء، ١ مايو ٢٠٢٤
شكرا جدا ❤️
تم النشر الأربعاء، ١ مايو ٢٠٢٤
تمام شكرا جدا ❤️
تم النشر الأربعاء، ١ مايو ٢٠٢٤
سهل جداا تعمل معارف وتحافظ على مكانتك يس ميكونش غرور لو حسيت انو غرور صدقني مش هتعرف لا تعمل معارف ولا تحافظ على مكانتك
تم النشر الأربعاء، ١ مايو ٢٠٢٤
منا معروف عني اني هادي مش بتاع كلام ولا صحاب معارفي قليله وده بيدي احترام كبير من الناس حتى المعارف السطحيه بيحترموني بس بيبقا ليا مكانه تانيه الي هو انا مش اي حد بس انا متواضع لو حد كلمني برد عليه لو في مشكله حصلت بيكلموني محدش بيعرف يبصلي بصه متعجبنيش حتى لو كان ميعرفنيش لانو بيشوف الاحترام ده من بقيت الناس ليا بس كان في فتره زمان كنت متعرف على ناس كتير جدا واي حد اكلمه واهزر معاه والاحترام ده مكنش موجود فانا ازاي اعمل معارف واحافظ على مكانتي فنفس الوقت
تم النشر الأربعاء، ١ مايو ٢٠٢٤
ابعد عنه لانه بيغير منك ووجوده جمبك ضرره اكتر من نفعه و دايما هيحبطك عشان متكونش احسن منه دا شخص توكسيك فسيبك منه خالص و هتلاقى غيره احسن منه
تم النشر الأربعاء، ١ مايو ٢٠٢٤
وعلى فكره اللي يقلل منك قلل منو حتا لو كان صاحبك
تم النشر الثلاثاء، ٣٠ أبريل ٢٠٢٤
تمام ودي مش مشكله اعمل من كدا كتييير اعمل صحاب عشان هتندم بعد كدا والله اعمل ناس لما تحتاجهم في اي حاجه تلاقيهم وعلى فكره القرب الزياده من الناس مش حلوو بالعكس اوقات كتير بيعمل تبلد مشاعر زي انا مثلا واحده صاحبتي من كتر ما كانت قريبه وكن كتر ما كانت في حياتي بقيت بحس انها مش موجوده واني مبقتش احبها بالرغم من أن كل الناس كانت بتحسدنا بس الحكايه حكاية مشاعر بقا وكمان اهم حاجه مش انك تعمل ناس وخلاص اعمل صحاب وزمايل تكون حاسس من جواك أنهم ناس كويسين وكمان عادي لو مش كويسين سعات بتكون محتاجينهم والله بس اعمل ناااس كتير اوي ومتقربش لحد فيهم بزياده اشتغل على نقطة السطحيه هيكون احلى واريح والله انا كدا بكلمك عن نفسي انا بعمل كدا *
تم النشر الثلاثاء، ٣٠ أبريل ٢٠٢٤
بس انا مش بعرف اتعامل مع حد اني اصاحبه وكده ممكن اكلمه شويه لو هو قاعد جنبي وبعد كده بسلم عليه لما اشوفو وخلاص
تم النشر الثلاثاء، ٣٠ أبريل ٢٠٢٤
اولا مش لازم اللي نقربلهم أو اللي بقربوا لينا نكون شبهم جدااا في معظم صفاتهم أو يكونوا شبهنا في معظم صفاتنا اوقات كتير الموضوع دا بيكون كارثه لأن مفيش تكمله في الموضوع انتوا الاتنين واحد سعات الحوار دا بيولد سلبيات كتير اوي وممكن نوصل لأننا نخسر بعض عشان بنكون بييض اوي في حياتنا لازم لما نيجي نتعرف على الناس يكون في تنوع واختلاف في صفاتنا طب والله انا عن تجربه بقيت مبسوطه جداا وانا يسمح لناس عكس شخصيتي تماما أنها تتقرب مني في تنوع كدا وحب وحاجات مختلفه كل شويه وحاجات جديده في علاقتي بيهم والله والله بجد مش بيقتلنا غير اختياراتنا اللي بتكون ناتجه عن روتين وافكار سلبيه ومتخلفه عن تجربيه شخصيه اقسم بالله ادي فرصه للناس تدخل حياتك وحقيقي هتلاقي فيهم ناس جميله
تم النشر الثلاثاء، ٣٠ أبريل ٢٠٢٤
لعرض السؤال في فدني اضغط هنا