انا حاليا بحب واحد وعلي ما اظن انو هو كمان بيحبني ف انا قررت اني معتش اكلمو تاني عشان حرام وكده وفرصه عشان رمضان كمان ف هو وافق بس بعد كده هو حس اني مش بحبه واني كنت بتسلي وهو كان فتره وعدت وان هو بالنسبالي عادي مع اني بحبه والله ف السؤال هنا انا المفروض اعمل ايه هو مسجل رقمي ونا مسجله رقمو وهو معايا ف نفس المرحله الدراسيه وبشوفوا ف هل ينفع اسيب رقموا واذا دخل وكلمني انا هقولوا معتش نتكلم تاني بس انا هسيب رقمك ولا اعمل ايه؟؟؟؟!
بلاش تتركي أبواب مفتوحة. ما دام عرفتِ إنها حرام وقررتِ تمشي صح يبقى اقطعي كل طريق ممكن يخليكِ تضعفي. امسحي الرقم ولو اتصل أو اتكلم من رقم مش متسجل عندك اعملي حظر وبلغيه قرارك بحزم إنك عرفتِ إن ده حرام وقررتِ متدخليش في علاقات. وعادي لو هو اعتقد إنه كان بيتسلى، المهم أنتِ نيتك إيه وعلاقتك بربنا. قربي لربنا واستغلي الشهر وادعي ربنا يحفظك من الحرام كله. بالتوفيق.
تم النشر الثلاثاء، ٤ مارس ٢٠٢٥
ده قرارك و هو قرار صح جدا، عن تجربة شخصية من حوالي ٤ سنين كنت بكلم واحدة كان كلام عادي يعني و زميلة دراسة و هي قالتلي قرارها ده بالظبط زيك كدا قالتلي احنا كدا في علاقة محرمة و مش هينفع نتكلم تاني انا احترمت رأيها جدا و مكلمتهاش من وقتها بس وقفت انا وقفة مع نفسي برضو هو اللي كنت بعمله ده غلط ليه اصلا ده كان مجرد كلام عادي فبدأت ادور انا كمان و ابحث يعني و من وقتها مكلمتش بنات تاني إلا في حدود شغل او دراسة بس فده قرارك و انتي بتعاملي ربنا في الأول و الاخر بس قبل ما تمسحي أرقام او تقطعي الصلة عرفيه السبب لعله يتوب او انتي تبقي سبب في توبته برضو و ربنا يوفقك
تم النشر الثلاثاء، ٤ مارس ٢٠٢٥
عزيزتي، أشعر بمدى الحيرة التي تمرين بها، ومن الجميل أنك تفكرين بجدية في عواقب خياراتك. إن اتخاذ قرار بقطع علاقة تعتبرينها غير شرعية هو خطوة شجاعة ويجب أن تعززي هذا القرار بتصرفات متوافقة معه. إذا كنت قد قررت عدم التواصل معه، فمن الأفضل أن تلتزمي بهذا القرار. ترك رقم هاتفه مسجلاً قد يسبب لك الإغراء للتواصل في المستقبل، وقد يكون من المفيد قطع كل صلة إيجابية أو سلبية قد تعيد إحساسك بالحيرة. إذا حدث وتواصل معك، يمكنك بكل وضوح أن تشرحي له موقفك وأنك ترغبين في الابتعاد لأن العلاقة غير مسموحة في الإسلام. حاولي أن تكوني صادقة معه ومع نفسك. إن الحفاظ على مبادئك وقيمك هو أمر مهم جداً، خصوصًا في شهر رمضان المبارك. أود أن أشجعك على استغلال الوقت للتفكير في نفسك وتطوير قدراتك، مما سيساعدك في تجاوز هذه المرحلة بمجملها. تذكري أن العلاقات تستند على أسس متينة من الاحترام والتفاهم، وأحيانًا قد يكون الابتعاد هو الخيار الأنسب لتحقيق ذلك. اتكلي على الله وكوني على يقين بأن ما هو خير لك سيحدث بإذن الله.
تم النشر الثلاثاء، ٤ مارس ٢٠٢٥
دي خطوه كويسه جدا انك عملتي كده اذا كان هوا نيته جد وجواز خليه غير كده فامسحي طبعا لان كده تسليه
تم النشر الأربعاء، ٥ مارس ٢٠٢٥
اذا كان عايزك يخطبك وان لم يكن امسحيه من حياتك كلها وليس الموبايل فقط
تم النشر الثلاثاء، ٤ مارس ٢٠٢٥
👀❤️
تم النشر الثلاثاء، ٤ مارس ٢٠٢٥
وبجد إنتي جميله جدا اللهم بارك إنك عايزه تسيبي معصيه لأجل مرضاة لله ،مش عشان رمضان بس
تم النشر الثلاثاء، ٤ مارس ٢٠٢٥
بصي عشان تقطعي العلاقه ف مرضاة الله سبحانه وتعالى اعرفي إنه ده عند ربنا سبحانه وتعالى كبير أوي وفضله هيعود عليكي بالعوض والخير ورضا ربنا سبحانه وتعالى امسحي الرقم واعملي بلوك ولو تقدري ماتشوفيهوش ف مكانك وتغيري المكان ف ده افضل ،مقدرتيش تغيري المكان ف غضي بصرك عنه وادعي ربنا إنه يعوضك خير ويصرف عنك وسوسه الشيطان وماتفكريش فيه ولا تفتكري اللحظات اللي كانت بينكوا ولا الكلام انسي واستغفري على طول اول ما تفتكري حاجه زي كده
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا